ساعدوني الله يخليكم ما ادري شبيصير بعد ساعة ونص

يااختي وضحي مافهمت الا ان اخوان زوجك مااذينك طيب ليش ماتخلين زوجك يكلمهم

ويحل الموضوع لا ن الهروب لبيت اهلك مو اول حل تستخدمينة

استهدي بالله اختي واذكري ربج ان شاالله ماراح يصير
وتصرفي بعقلانيه وطمنينا عليج


ربي ايسر امورج

لا تستعجلين وتروحين بيت اهلج خلج بالبيت ولين رد زوجج تفاهمي معاة

حبيبتي هدي اعصابج لا تروحين بيت هلج ولا شي وخل بنتج في الغرفه ولا تنزلينها تحت لهم وسكري عليج وعليها وتموا في الغرفه ولا خلي الخدامه معاها وتسكر الباب وانتي انزلي تحت اجلسي مع اهل زوجج حبيبتي هاي مشاكل الي تسكن مع اهل زوجها الله يصبرنا يارب =(

حبيبتي سمعيني وانا اختج
طلعتج من البيت ماهي حل ابد
لو تقعدين بغرفتج ابرك ولا طلعتج لبيت اهلج
صدقيني بتنحل ..
اول شي سمي بالرحمن وصلي ركعتين وهدي نفسج
مهما كانت المشكله كبيره عندج إلا ما بتحل ان شاء الله
ثاني شي ابيج تقعدين مع زوجج وتكلمينه بموضوع اخوانه
وان هالموضوع تاعب بنتج وتاعبج وانه ممكن يأثر على حياتكم لو تكرر دون ما ياخذ فيه اي موقف
ومنها طبعا انه ينصح اخوانه
بس مستغربه ليش اهل زوجج ساكتين
>>> ليش عاجبهم إللي يسوونه اعيالهم!!

الله يوفقكم دنيا وآخرة

سامحوني ماوضحت الامور لان دمي كان فاير وماني مركزة انا مشكلتي اني خايفة على بنتي منهم


هم توم وعمرهم 5 سنين يا يطقون بنتي يا يعلمونها على اشياء ما اقدر اذكرها



حتى البنات خوات زوجي ما يحبون بنتي لانهم يكرهوني وهم يحبون مصلحتهم

انا ماني تعبانة من التوم انا تعبانة من العيلة كلها

الله يرزقك يا حبيبة اولادها
اهل زوجي ما يقدرون يزعلون عيالهم عشاني



اسيرة قطر الله يوفقك حبيبتي حنا عايشين في دور ارضي والخدامة مشت صارلها اسبوع والشغل معصب فيني اكثر

الله يساعدج هذا عيب السكن في بيت الاهل .. بس احمدي الله واشكرية .. وحاولي ما تنزلين لهم الا نادراً وخلج مع بنتج في الغرفة لاعبيها .. ولين جة زوجج لا تقولين لة هذا الكلام اول ما يدش لااااااا ساايرية بالكلام .. يعني اول ما يدش سلمي علية وكلمية عادي وخلج عادية بعدين مع الكلام شوي شوي كلمية وفهمية السالفة بس اهم شيء يكون بالهداوة ..

حبيبتي هداي من روحج ولا تتسرعين تري روحة بيت اهلج ما تجيب نتيجة جربناها وايد ولا يصير حل وقعدي اقراي القران وصلي على النبي وبصيرين زينة انشاء اللة ترى ارجال هالزمن يبون شارة على لتفلت والانحراف واللة يكون بعونج

حبيبتي لاتطلعين ولا تخربين بينك وبين زوجك
اخوانه ممكن يكلمهم وانتي تقدرين تبعدين بنتك عنهم
والصبر مفتاح الفرج

واذا الموضوع مضايقك كثير طلعي برى البيت طول النهار ولا ترجعي الا وقت النوم
الله يعينك

الله يوفق كل من ردت علي ويرزقها ويرحم امواتها واموات المسلمين



ابشركم زوجي دق تليفون وعادي هو ريلاكس وطلع مو ماخذ بخاطره مني ولازعلان من كلامي


ويقول انه هاوشهم

لكن المصيبة انه ما يردون على اكبر راس حتى امهم مجننينها


بس الحين انا مادري شلون اطلعمن الغرفة انا حساسة حيييييييييييل

احس شكلي موحلو لان الزعلة جت وقت طبخ الغداء وام زوجي هي اللي طبخت

ودي اروح بيت اهلي اغير جووبعدين ارد

الله يسعدج مع زوجك ويخليكم لبعض يارب

اذا انتي خجلانه تطلعين لهم كلمي زوجك وقولي انج متضايقه شوي وتببين تغيرين جو

يعني تروحون مع بعض والا انه يوديج بيت اهلج

والله لايجيب الزعل بينكم يارب(f)

الله يعينش يا اختي
القعدة ويا بيت الاهل كلش ما بيها خصوصيه
بس ياريت اتكلمين زوجك بالهداوه وتفهمينه انكم اتعيشوون لوحدكم
وانكم اكيد بترتاحوون وبشووف اشلون الفرق بين انه يعيش لوحده من انه ايعيش
في غرفه
وان شاء الله الله يهدي سركم مع بعض
ويوفق اليكم يارب
......

اختي اذا زوجج ما يقدر يوديج بيت بروحج اطلبي منه يكون عندج ملحق في البيت، اقلها غرفتين وحمام... انا عندي غرفتين وحمام واذا ما ابي انزل اقعد فيها طول اليوم وعادي

عادي اللي صار

أهم شي أنه هاوشهم و أخذ حقش منهم

الحين عليش تروحين الى أم زوجش و تعتذرين منها و تقولين الييها الليي صار غصبا عنش و فوق تحملش

لا لا تروحين بيت اهلك مثل ماقالولك هذا مو الحل , مالك الا تتفاهمين مع زوجك وتوضحين وتفهمينه انك تعبانه من هالشي وبعدين زوجك لازم يدور له وظيفه عشانك وعشان بنتك وعشانه هو والله يسهل عليك ووفقك ان شاءالله.

تبين الصدق لزم تتفهمين مع زوجك واذا مالقيت حل لزم تدخلين أهلك في الموضوع شنو رجال ومو موظف

الله يسعدك مع زوجك ويخليكم لبعض يارب

الله يجعلها في ميزان حسناتكم

الحمد لله الموضوع عدى على خير انحلت المشكلة

واعتذرت من عمتي حبيتها على راسها وقتلها ادري انك مثل امي وصدرك وسيع وهي ماشاء الله تنسى بسرعة

قالتلي هذولا مثل اخوانك

ونومت بنتي وطلعت انا وزوجي ربع ساعة وردينا عادي

الحمد لله الحمدلله الحمدلله

انا مشكلتي اني بسرعة اعصب وبسرعة اهدى


وآآآآخ من الوظيفة زوجي عنده بكالوريوس حاسب آلي وتقنية معلومات و ماشاء الله فلتة بالانجليزي

والاهل والربع كلهم تصليح كمبيوتر اتهم كله عنده




لكن الحظ آآآآه