بنات 000 طقت جبدي من الريحه

بنات وش اخباركم

انا عندي استفسار ملوع جبدي ولازم القى له إجابه فتكفون لاتبخلون علي

انا من شهرين غيرت غرفة بناتي وعملت لهم غرفه يديده كانت عاجبتني حييييييل

بس يافرحه ماتمت اول ماوصلت الغرفه كانت ريحة الصباغ والبويات طالعه قلت اهوي الكبت

يومين وتروح الريحه وبعد يومين ترست الكبت ملابس ماشالله من زود السنع قمت ارتب في

هالملابس واصففهم 000000 وياليتني مادخلتهم الملابس اللحين ريحتها تلوع الجبد والكبت

للحين طالعه ريحته حطيت فحم وحطيت ليمون بخرته بكل الانواع اللي عندي ومافيه فايده ريحته ماليه البيت 0000

مسحته بكل انواع الكلوروكس والصابون وعطيته مسحة عطر في الاخر ولا كأني سويت شي

ولا مع ريحة الملابس والاغراض والبخاير اللي كنت احطهم والعطورات طالع ريحه كوكتيل شي

ماينطاق

قبل اسبوع طلعت كل الهدوم والدنيا اللي فيه وجلست يومين اغسل فيهم وحطيتهم على جنب

وترسته فحم وليمون وخليته مفتوح ولليوم تم مثل ماهو

وش اسوي فيه وش اهبب وش احط علشان تروح الريحه صوب غرفة البنات صرت كلش مااروح

ماعاد اقدر اتحمل الريحه قلت إذا مافيه حل بأبيع الغرفه ةلا احطها في الزباله انشالله بس افتك

امانه عطوني حل