اخو زوجي 00000000 ناوي لي نيه 000الحمو المووووووت

مساء الخير يابنات

عندي مشكله او مصيبه او بلا ء والله مدري وش اسميها بس من جد شي غريب

اخو زوجي يابنات حقييييييييييييييييير خسييييييييييييس وش اقولكم اعذروني بس من جد ماهو رجال وياحسافه الشنباااااااااات عليه


تخيلوا يابنات الولد هذا مااااااااايطيقني وانا بعد ما اطيقه بس للظروره احكام
امس تعب زوجي ونقلوه من الدوام للمستشفى وكلمني وهو مره تعبااااااااااان وانا حرمه لاحول لي ولا قوه ولا عندي اخوان ولا عيال ولاشي

المهم كلمني يبي بطاقه المستشفى عشان يسعفونه ويبي فلوس لان الفلوس اللي معاه ماتكفي المشكله انا في الدمام وهو في الخبر يعني مسافه نص ساعه والطريق مظلم وموحش

طبعا انا رحت استفزع باخوانه واهله اتصل اتصل اتصل اتصل محد رد علي اتصل على اخوه هذا الخسيس طبعا هو اذا شاف رقمي مستحيل يرد علي

اتصلت عليه 5 مرات مو راضي يرد ولا تقولون اعذريه يمكن موعندالتلفون لاني اعرفه حتى اذا دخل الحمام وانتو بكرامه ياخذه معاه
المهم اتصلت اكثر من مره مارد علي لاني ابيه يجي يساعد اخوه ويعطيه فلوس ويجي ياخذ البطاقه حقت المستشفى شفته مايبي يرد اتصلت على عمي ابوزوجي قلت له ياعمي ترا ولدكم في المستشفى الفلاني روحوا له قال طيب وشوي دق علي وقال انا ماني رايح بس اذا عرفتي عن حالته شي قولي لي ورجعت واتصلت على اخو زوجي مره تانيه مسكينه انا والله كان عندي امل انه يرد علي لكنه رمى التلفون على اخوه الصغير كلمته اخوهم الصغير وانا ابكي ومنهاره قلت اخوكم تعبان روحوا شوفوا وش فيه محد عطاني وجه وانا خلااص معد فيني عقلي بيطير مدري وش اسوي ادق على الجيران اكلم نسايبه ادق على ابوي ابوي مسكين شايب مريض وما يشوف بالليل وممنوع من السواقه طيب وش اسوي دقيت على اخو صديقتي هو سواق تكسي وقعت ابكي واترجاه يجي يوديني لزوجي وبالموت عرفت اوصف له البيت ركبت ورحت لزوجي طيران وفرفرت من مبنى لين مبنى ادوره والمشكله جوا المستشفى مافي ارسال وماقدرت اكلمه قعدت ادور من غرفه لغرفه لين لقيته وعطيته الا وراق والفلوس ودخلناه طوارىء والحمد لله طلع عنده تسمم خطيييييييييييييير بسم الله عليه طبعا تنويم المهم لما اطمنت على زوجي
طلعت برا الغرفه ودقيت على عمي وقعدت اقوله يرضيك ياعمي انا اجي بليموزين في الليل ومع رجال غريب يرضيك ؟؟ انا اتصل على عيالك ولاواحد فيهم رد ولا واحد فيهم راح يساعد اخوه انا ياعمي اذا ما استفزعت باخوان زوجي استفزع في مين لكن عمي للاسف ماعطاني وجه
ولما فاق زوجي وتحسنت حالته قالي مين جابك في البدايه كذبت وقلت ابوي لاني ما ابي مشاكل لكن لما هدت الاوضاع علمته بالسالفه راح زوجي اتصل على ابوه وقال له ليش حرمتى تجي من الدمام للخبر مع سواق واخواني جالسين ليش تخلونها تجي مع الغريب عيب عليكم الحرمه تطلع في الليل لوحدها واخواني متبطحين ونفس الحكايه ماعطاه وجه
المشكله ان هذي تاني مره يسويها اخو زوجي مره كنت في المشغل وزوجي قالي بروح المكتب وارجع لك انتظرت انتظرت انتظرت تاخر زوجي اتصلت عليه لقيت جواله مافي شبكه عرفت ان زوجي صار له شي وصاحبه المشغل طلعتني وسكرت المشغل وانا استنى في الشارع لين الساعه 12 الليل وزوجي ماجى وشوي الا وقف واحد بالسياره وصاريسحبني يبي يخطفني وانا اصرخ وابكي في الشارع اااااااااااخر شي دخلت البقاله واتصلت على اخو زوجي وانا ابكى واقوله فيه واحد بيخطفني وانا في الشارع وزوجي ماعنده شبكه اكيد صار له شي تعال خذني وماعطاني وجه وسكر في وجهي رجعت اتصلت مارد علي اخر شي اتصلت على رقم صديق زوجي وجاني طاير هو وزوجته واخذوني وودوني البيت وراحوا يدورون على زوجي لقوه ممسوك في الحجز ومحد فزع له من اهله تخيلوا يابنات


والمصيبه من يوم تعب زوجي ودخل المستشفى وطلع ورجع البيت بالسلامه ولا واحد من اهله واخوانه وخواته وامه حتى دقوا يتطمنون عليه :eek::eek: شوفوا القسوه وين وصلت

واللي زاد الطين بله عمي ابو زوجي راح اليوم يدق على ابوي يشتكي علي

يعني شين وقوايه عين

والله يابنات مدري وش اسوي ولا ادري وش اقول لابوي انا اخاف عمي يستفزه وابوي عنده الضغط والسكر واخاف ويتعب علينا ابوي


تكفون يابنات علموني وش اسوي الله يوفقكم ويسعدكم تكفون ساااااااااااااعدوني

هل انا غلطت على احد ؟؟ هل سويت شي غلط ؟؟؟

علموني انا تفكيري انشل

انتظركم