ضعف هرمون المبيض وعلاجه#ساعدونييييييي#

السلام عليكم ورحمة الله وبركاته ،،،

أولاً الحمد لله الذي لا يحمد على مكروه سواه.

أخواتي (مسافره بلا هويه) (جوجو قطر) هلاااا وغلاااا ، أنا صار لي عشر سنين متزوجة وللحين الله ما اراد لي الخلفه والحمد لله على كل حال الواحد يسعى ويترك الباقي على مقسم الأرزاق انا من تجربتي ان الأبر المنشطة وعلاجات الحمل كلها اسعارها مرتفعه بس الواحد شيسوي علشان عين تكرم الف عين ، أنا بعد عندي التبويض ضعيف وايد وما عندي إلا مبيض واحد لأن المبيض الثاني كان عليه كيس والدكتورة سوت لي عملية عشان تشيل الكيس وشالت جزء كبير من المبيض يعني انا عملياً ما عندي الا مبيض واحد وآخر تحليل لي عند الدكتور اللي اتعالج عنده عشان اطفال الأنابيب قال لي بعد الأبر المنشطه ما صارت عندي الا بويضه وحده فقط وهذاني قاعده آخذ حبوب عشان العاده تنزل علي وباراجعه عقب شهر ورحت سويت حجامه مرتين مره ثاني يوم الدورة ومرة 12 يوم من الدورة وآخذ كبسولات القسط الهندي مرتين في اليوم قالت لي عنهم اللي سوت لي حجامه وترى يا بنات الحجامه مفيده وفي حريم حملوا عليها وما في شي وصانا عليه رسولنا الكريم صلى الله عليه وسلم الا فيه منفعه وفايده بس احنا اللي لاهين ونبحث وندور

الله كريم انشاء الله وقادر انه يعوض صبرنا خير ويرزقنا بالذرية اللهم آآآآمين