مللتكم بمشاكلي بس مالي غيركم..افيدوني

والله ياختي بعدني جديده على الزواج وما عندي خبره بس انتي حاولي اطلعينه بالكلام الحلو ولا تبنين انج
اتحققين معاه ترى الرجال ما يحب المراه تحقق معاه ممكن بالكلام الحلو تخلينه ايطلع كل الي بقلبه
وبيني اله انج ما تبين تاخذين مكان خواته قوليله كل من اله مكانه همه خواتك وانا زوجتك وهمه اكيد ازواجهم قريبين منهم اكثر منك كل واحد منا له شريك حياته الي يثق بيه ويحجيله كل شي بقلبه
اسفه على الاطاله بي حبيت اوصلج رائيي
تقبلي مروري اختي الكريمه
والله يهديكم لبعض ويسعدكم ان شاء الله
اختك الينبوعه

حاولي انج ما تلحين عليه في معرفة خصوصياته خليه هو اللي يدور عليج عشان تشاركينه خصوصياته يعني لا تسالينه وايد خلج طبيعيه وصيري انتي عكسه شاركيه خصوصياتج وخليه يحلها معاج ويشاركج فيها عشان تحسسينه بأسلوبج ان الزوجين ما في بينهم أسرار ويمكن من خلال مشاركته لخصوصياتج يفضفض لج بخصوصياته والله يهديه يا رب

حبيبتي هاذي مو مشكله لان اللي تقولينه منطبق على كثير من الازواج

اهله اكيد راح يكونون اقرب له منك وخصوصا انكم لسى في بداية زواجكم

لا تخافي شوي شوي راح يثق فيك ويشكي لك لا تستعجلي

مرينا في نفس التجربه وطنشنا ومشي الحال ......................

لا تخلي هالشئ يكون عقبه لك في بدايه زواجك والله يوفقك

حاولي انج تاخذين معاه بالكلام واسأليه شو فيك مضايق احس ان فيك شئ تراني زوجتك و ابي اعرف شو مضايقك لاني انا اضايق يوم اشوفك مضايق .. ولازم اخفف عليك اذا فيك شئ ..

واذا قال انه مافي شئ .. قوليله الحمدلله ان مافيك شئ .. ابيك دايم اتكون مرتااح .. اهم شئ راحتك ..

اسمعي نصيحتي لاني مريت بظروف كثيرة وكلها مشابهة لظروفج... انا بداية زواجي كان زوجي (وهذا الشي طبيعي) عليه ديون العرس ومشاكل الشغل ومشاكل ما لها اول ولا تالي، بس انا كنت اتبع هالامور وصدقيني راح تفيدج:
1. خليه يطلع مع اللي يحبهم والمكان اللي يحبه، يعني انا زوجي يحب طلعات البحر كنت دايما اقول له روح... اطرديه قولي له روح غير جو، غصب تروح
2. اذا شفتيه متضايق وتعبان اكيد انتي تعرفين وشو مضايقه اكيد الشغل والا ديون والا والا والا... لا تسألينه لانج ما بتستفيدين شي وبتزيدين همه هم، ابتسمي له وجيبي له شاي والا ماي خليج وياه طبيعية، وهو ردة فعله اما انه بيقول لج شفيه، او انه بينسى الهم ويستانس ويرتاح، او انه بحط راسه في حضنج علشان تشيلين عنه الهم، واكيد ما راح يعصب زيادة اذا شافج مستانسة
3. تحملي تقارنين بينج وبين اهله، واذا تبين تكبرين في عينه انتي شوري عليه انه يروح لاخوه يفضفض، يعني لو مرة متضايق وهو قال لج عندي مشكلة، قبل لا يقول لج وش مشكلته انتي قولي له ليش ما تشاور اخوك الكبير يمكن يفيدك بخبرته،، لان الريال ما يحب المرة اللي تسأل وايد، والحنانة، واللي تتدخل في كل شي، هو يحب يقول لها " اذا كان يبي" بس انها هي اللي تلح علشان تعرف، لا، فلا تجبرينه يقول لج اي شي...
وبعدين يا حبيبتي صعب الريال يقول حق زوجته في بداية الزواج انا علي ديون، والله صعبة، يمكن بعد سنين اذا لا قدر الله طاح في ديون ثانية يقول لها بس ان توهم متزوجين ويقول لها! صعبة... وطبعا هالشي له اسبابه: - ما يبي يضايقج وياه - ما يبيج تحسين بضعفه - ما يبي يخسرج لان كثير من البنات يبون يعيشون مثل صديقاتهم او خواتهم ويقارنون بينهم
والله يخلي لج زوجج ويسخره لج

ام عبدالله جبتيها ........
1. خليه يطلع مع اللي يحبهم والمكان اللي يحبه، يعني انا زوجي يحب طلعات البحر كنت دايما اقول له روح... اطرديه قولي له روح غير جو، غصب تروح

هاذي انا سويتها بدايه زواجي ونفعت ..واللحين الحمد لله يروح بس مو مثل قبل اتضايق اذا يروح ..بالعكس استانس لانه يغير جو

ومثل ما قالت لج ام عبدالله يا شيخه الخليج سويه وبترتاحين ان شاء الله

الله يوفقكم والله ريحتوني

بس انا احاول الاطفه واعتبه شوي ما اكذب استأذنت منه طالعة اتعشى ويا اهلي لاني بايته عندهم تصدقوون شو رد علي


وليش تخبريني انا رديت عليه قلتله ما فيني خير

بيذبحني هالرجال

Um.Abdullah;5609706:
اسمعي نصيحتي لاني مريت بظروف كثيرة وكلها مشابهة لظروفج... انا بداية زواجي كان زوجي (وهذا الشي طبيعي) عليه ديون العرس ومشاكل الشغل ومشاكل ما لها اول ولا تالي، بس انا كنت اتبع هالامور وصدقيني راح تفيدج:
1. خليه يطلع مع اللي يحبهم والمكان اللي يحبه، يعني انا زوجي يحب طلعات البحر كنت دايما اقول له روح... اطرديه قولي له روح غير جو، غصب تروح
2. اذا شفتيه متضايق وتعبان اكيد انتي تعرفين وشو مضايقه اكيد الشغل والا ديون والا والا والا... لا تسألينه لانج ما بتستفيدين شي وبتزيدين همه هم، ابتسمي له وجيبي له شاي والا ماي خليج وياه طبيعية، وهو ردة فعله اما انه بيقول لج شفيه، او انه بينسى الهم ويستانس ويرتاح، او انه بحط راسه في حضنج علشان تشيلين عنه الهم، واكيد ما راح يعصب زيادة اذا شافج مستانسة
3. تحملي تقارنين بينج وبين اهله، واذا تبين تكبرين في عينه انتي شوري عليه انه يروح لاخوه يفضفض، يعني لو مرة متضايق وهو قال لج عندي مشكلة، قبل لا يقول لج وش مشكلته انتي قولي له ليش ما تشاور اخوك الكبير يمكن يفيدك بخبرته،، لان الريال ما يحب المرة اللي تسأل وايد، والحنانة، واللي تتدخل في كل شي، هو يحب يقول لها " اذا كان يبي" بس انها هي اللي تلح علشان تعرف، لا، فلا تجبرينه يقول لج اي شي...
وبعدين يا حبيبتي صعب الريال يقول حق زوجته في بداية الزواج انا علي ديون، والله صعبة، يمكن بعد سنين اذا لا قدر الله طاح في ديون ثانية يقول لها بس ان توهم متزوجين ويقول لها! صعبة... وطبعا هالشي له اسبابه: - ما يبي يضايقج وياه - ما يبيج تحسين بضعفه - ما يبي يخسرج لان كثير من البنات يبون يعيشون مثل صديقاتهم او خواتهم ويقارنون بينهم
والله يخلي لج زوجج ويسخره لج

كلامك درر وانا معاها بكل كلمه

الغاليه
هذه بس البدايه صدقيني
بعدين مع الايام راح يحس وراح يحتاج لج اكثر وبنفسه بيتقرب منج
اسأليني عن تجربه
وانتي لما تسالينه اسالينه بهدوء وبطريقة اهتمام
لا تحسسينه انج فضوليه او تسوين معه تحقيق
وربي يوفقج

البنات ماقصرو بنصايحهم بارك الله فيهم بس في نقطه محد تطرق لها يمكن هني يكمن الحل انتي قلتي انه مسافر جهزيله شي فاجايه في يوم يرجع وجهزي كلام تقوينه له او خليه الكلام بوقته قوليله كلام تبينين فيه انه انتي كنتي حيل مشتاقتله وانج متظايقه ماسلمتي عليه


وتاكدي انه يوم قال هالجمله
"(اخواني اقرب لي منك انا عشت معاهم 31 سنةفانتي ما بتاخذي مكانهم)"
مايقصد انه مالج مكان عنده لا بالعكس انتي لج مكان ومكان خاص جدا ومايبي يشغلج بامور الديون يبيج الشي الوحيد الي مايذكرة بالديون او تعب الشغل او اي شي ثاني يبيج الانسانه الي تكون جديده عن كل شي يخصه يعني شوظحلج مايبي الصبح العصر الضهر تسالينه هاااااا شسويت بالديون..؟؟ شقالك فلان او شنو الحل..؟؟؟مااايبي يشغل بالج ايظاً

وربي يرده سالم ومايجيب الزعل .والسموحه على الاطاله

عزيزتي زوجك حقير لان الكلام اللي قاله مو كلام ان اخوانه هم اقرب ناس له مش انتي ماتعرفري كيف مقهوره من اي رجال يعمل كذي:mad2:

صح كلامها ام عبدالله واسمعي بنصيحتها ترا الريال مايحب المره الحنانه الي تسال وايد وتقارن نفسها باهله والله يهديج ويهديه وحاولي الحين تكلمينه وتاسفين منه وغيري الموضوع وتكلمي في سالفه ثانيه حتى تبينين له انج نسيتيتي السالفه

حبيبتي احمدي ربك ان زوجك لا هو حنان ولا زنان من ناحية الفلوس
يمه يمه بعض الرجال كله يبكي وعصبي بسبب خسارته بفلوس ما في اى مشروع
ويقلب وجهه طول الوقت ومعيش مرته في كدر وهم وغم على شي راح
بعدين زوجك انسان فاهم ورجل صحيح لانه يخبي عنك اشياء يمكن تصغره بعينك مثل انه خسر والخ
هالشي يضايقيه اكيد كثير وما وده يقهرك ويضايقك وبالنسبه لبعض الكلام اذا كان ما يضرك مافيها شي
لو احتفظ فيه بينه وبين اخوانه
عيشي حياتك واستانسي معه وانسي هالخرابيط الي بتدوخك وتدوخه
تحياتي

دامه من النوع الحساس خلاص لا تضغطين عليه يمكن هو ينحرج منك في بعض الاشياء خصووصا الماديه

مالك الا انك اذا شفتيه متضايق تخففين عنه بدون ماتسالينه اشفيك شوي شوي مع الوقت راح يرجع لك بكل شي يضايقه بس اهم شي الحين لا تضغطين عليه انك تبين تعرفين كل شي لا اثقلي شوي :)

موفقه اختي

اول حاجه انتي عندك حااجات ماتقدري تقووليه لزوجك ترتااحي اكثر لو قلتيها لاختك او اخووكي ..صح ولا

والعكس صحيح

وزوجك من محبته الزاايدع لك مو حاابب انو يطلع خسرااان او مغلووب قداامك ومو حابب انو يغير صوورته قداامك

فهمتي

زياادة على الكلام الي قلته كلااام الاخووات الي قبلي صحيح ...

اتمنى لك التووفيق