بنت 4 سنوات تسرق

الله يعينها عليها

خل تعرض على دكتور نفساني لأطفال

أختى البنت اكيد حاسة بنقص عاطفي خصوصا أنها مافطنت على أبوها الله يرحمه ويمكن أختك كانت تمر بظروف نفسية ومادية صعبة وبنفس الوقت كانت ودها تربي عيالها على أفضل وجه،، يمكن عشان كذا صار سلوك البنت بهذا الشكل،،، وخصوصا وانها بسن لازم تكون راميه الحفاظات من سنتين قبل... أنا أشوف أنسب حل لها انها تعرضها على أخصائي أطفال متخصص في الأمور النفسية وإن شاء الله يقدر يعدل حالها.. لاتستهينون بالطبيب النفسي بالعكس في حالات كثيرة من جلسة او جلستين انحلت أمورهم...

الله يكون في عون اختك يااارب

الله يساعدها
مثل مقالت الاخت رانيا البحرينية

السلام عليكم ورحمة الله وبركاته ..
الله يعين اختك ويصبرها ... الطفلة محتاجة اهتمام اكثر بكونها بنت فالبنات يحتاجون حنان وحب واهتمام اكثر من الولد .. يعني تستخدم معها اسلوب جديد تكثر الضم والتقبيل لها تشجعها وتكون معها في كل لحظات.. تستخدم اسلوب التشجيع كالهدايا النجوم وهالسوالف.. اما عن سالفة السرقة لازم الام تراقب بنتها وتعرف اسباب السرقة قد تكون غيرة من اخوها وخصوصا اذ كانت الام تقارن بينها وبين اخوه .. ممكن تكون لفت انتباه.. ممكن اثبات وجودها انها تقدر تسوي شئ الطفل لما يحس نفسه غير مهتم فيه يسوي اي شئ.. وبالاخير انصحها مثل ما قالوا الاخوات تتوجه فيها لطبيب نفساني للاطفال والله يسر امورها

يجب العرض علي طبيب نفسي خاص بسلوكيات الاطفال و لا تتاخر حتي لاتزداد الحاله سوء
و ربنا يهدهالها و يبارك فيها و يعين اختك علي تربيتها

عفوا االطفلة ماتعرف تسرق أو معنى السرقة أصلاً بس تفهمها بهدوء وتقول لها هذا الشي لفلان وهذا الشي حقج وتخليها ترجع الشي مكانه ,,ومبين ان الطفلة تحتاج حنان وتفهم بدون دلال زائد وتعاملها عادي بكل هدوء وخلا تطلع معاها تنمي فيها اي موهبه وتاخذ لها كتب وقرطاسية البنات يموتوا في هالأشياء ..وخلها توديها حضانة تتعرف على الأطفال وتغير جو...

هلا حبيبتي دلوعة حناني خلي اختك تتحلى بصبر اكثر لان تربية الاطفال متعبة وخاصة البنات في الصغر انا اقدر اختك لان المسؤولية عليها صعبه وبنت في هذا العمر ماتعرف السرقة خلي امها تتفاهم وياها بدون عصبية والبنت يتيمة تحتاج اهتمام ورعاية والله يكون في عون اختك ويليها اجر كبير عند رب العالمين اذا احسنت في تربية الايتام بس خليها تتحلى بصبر والبنات متعبين في الصغر لكن بتكون ليها صديقة ورفيقة في الكبر وانشاء الله تشوفوها عروووس تحياتي لك والى اختك

الله يساعدها

الله يعينها

رانيا البحرينية;5602517:
أختى البنت اكيد حاسة بنقص عاطفي خصوصا أنها مافطنت على أبوها الله يرحمه ويمكن أختك كانت تمر بظروف نفسية ومادية صعبة وبنفس الوقت كانت ودها تربي عيالها على أفضل وجه،، يمكن عشان كذا صار سلوك البنت بهذا الشكل،،، وخصوصا وانها بسن لازم تكون راميه الحفاظات من سنتين قبل... أنا أشوف أنسب حل لها انها تعرضها على أخصائي أطفال متخصص في الأمور النفسية وإن شاء الله يقدر يعدل حالها.. لاتستهينون بالطبيب النفسي بالعكس في حالات كثيرة من جلسة او جلستين انحلت أمورهم...

انا مع كلام الاخت رانية 100%

كل هذه التصرفات هي ردة فعل عن رفض الواقع اللي هو فقدان ابوها:(

خصوصا البنت تتالم بشدة و بصمت من اختفاء ابوها من حياتها:confused:

لازم تعرضونها عند اخصائي نفسي يطلع اللي بداخلها من مواهب تعوضها السرق و الصفات المزعجة

بالتوفيق

راي من راي الاخت رانيا

من كلامج احس انه الياهلة عندها حركة نشاط زائد

هذا أولاً .. لان حركتها وعنادها في نوع من الاصرار

وفي حالات في المجتمع جذي ..

انصحج تخبرينها تعرضها على طبيب .. يمكن تستجيب له

أو باحثة اجتماعية .. لانهم بيعرفون الطريق الي يقدرون من خلاله

يوصلون للياهلة وتفكيرها ..

واتمنى لج كل التوفيق عزيزتي ..

تحياتي

مشكورين يالغاليات على مروركم الكريم وارائكم التي ابكتني بشده
والله دموع على خدي وابكي
بالنسبه لاختي فعلا قاسيه معها لان كان عمرها 7 شهور يوم مات ابوها وامها دخلت بصدمه لمدة سنه وما تحس اتجاها بالامومع بعكس الولد الي كبير وعندها ذكريات معه ومع ابوه وهالبنت انا بعد كنت عادي معها
ما اهتم فيها كخاله لها مع انها من الناحيه الماديه مدلله جدا وامها دوم تسكتها هي واخوها بالفلوس والهدايا
لان اعصابها تعبانه وما تبي تحسسهم انهم ايتام بالعكس هم طلباتهم مجابه اكثر من كل اولاد خواتي الباقين كل طلباتهم مجابه والولد متفوق بس البنت عنيده وذكيه جدا ودوم تحب تاخذ اغراض اخوها وامها واختي متجننه من هالشي
انا الحين بقول لاختي عن ناحية احساس البنت بالنقص من ناحية ابوها الله يرحمه مع انها ماتعررف شنو اب
بس يمكن بدت تفهم وتحس بفقده مه ان جده الي هو ابوي ماخذ محل الاب وامي الله يحفظها ماخده محل اختي بالامومه واختي الله يعينها دوم تعبانه ومصدعه واعصابها منهاره
مشكووووووووووووورين الله يجزاكم خير يا خواتي الي ما ولدتهم امي
تحياتي

الله يشفيها يارب