(تعالوا شوفوا شو اهداني خطيبي هدية ميلادي)

بسم الله الرحمن الرحيم

والصلاة والسلام على اشرف الانبياء والمرسلين ..


اممممممم هاي اول موضوع لي انزله بهالقسم .. ويارب يعجبكم


طبعا اليوم الموافق 1/4/1988 هو يوم عيد ميلادي :o

اممممم وبحكم ظروف دراستي وشغل خطيبي

ما قدرنا نحتفل اليوم .. احتفلنا أمس ...




وطبعا كانت حفلة خارج المنزل ..


خطيبي قبل شهر كان مسوي حادث وليومكم هذا سيارته بالتصليح

لكن فديته ماقدر يحرمني من الطلعه والوناسة بعيد ميلادي قام وتأجر له سيارة :o


طبعا البارحة كان يوم وااااااايد حلو .. ولو اني ما قضيت مع خطيبي الا وقت قصير .. لكنه كان ممتع


مرني تقريبا الساعه 8.30 الليل ... دخل معاي غرفتي وشاف كشختي وباسني على راسي وقالي كل عام وانتي احلى عروووس


وياب لي الهدية الي راح تشوفونها بعدين بالصور .. شربنا عصير من تحت ايد الوالدة الله يخليها



ولبست عباتي وانطلقنا



طبعا اول شئ سويناه رحنا استوديو نصور .. طبعا رحت استوديو صحاري بسوق واقف لأنه اقرب مكان لي


وبعدها تمشينا بالسيارة واكلنا اشياء خفيفة جداً ..

رحنا نختار اشكال والوان الصبغ لشقتنا الي راح نتزوج فيها

((ادري بتقولون مو وقتها اختيار الصبغ بعيد ميلادج)) هههههههه بس شنسوي والله المواصلات متأزمة وظروف خطيبي بالشغل هالايام وايد صعبه وما يخلص الا بالليل ...


خطيبي كان مخطط انه يعشيني في بوفيه تياترو ((مجمع الدانه))(i)

بس انا اقترحت عليه ان نتعشى في مكان قريب عساس ما يضايقنا الوقت واليوم الثاني دوام ومن بيتي لبيته مسافة نص ساعه ومابيه يتأخر على ما يوصل بيته :o



المهم تعشينا في بوفيه سمرقند .. كان البوفيه حلو وخفيف .. << نسيت أصور بالمطعم



المهم طلعنا من المطعم ورجعني البيت :o كنت اتمنى اني اقعد معاه وقت اطول بس الظرووف ما تسمح

وكل عااااام وانا بألف خيييييير :D ومن هذا لزواجنا عن قريب بإذن الله ..



طبعا خطيبي ياب لي هدية بسيطة ومتواضعه .. نظراً لوقته الضيق الي ما سمح له انه يتسوق ويشتري لي ..


بس انا اشوف ان وجوده يمي بمثل هاليوم :oأعظم وأغلى هدية والله (g)



بس لمن رجع بيتهم اتصل فيني فديته ودز لي مسجات حلوة .. فعلا فعلا حسيت بفرحة عيد الميلاد معاه:D


أترككم مع الصـور



طبعا هاي الهدية من بعيد




هاي بشكل أقرب





طبعا ياب لي فديته باقة ورد كبيرة مثبته في إناء من رخام ..



وياب لي عطر distraction من أجمل ريحته وايد ناعمه وحلوة ..




وبعد عطـر Le Soleil Brille من FredericM ريحته جناان



وياب لي هالإكسسوار الرائع :o عجبني ذوقه بالنسبة لرجل بالذات ان خطيبي من النوع الي ما يروح اسواق ولا عنده خلفية بذوق الحريم




:o:o وسلامتكــــــــــــــــــــــــــــــم حبايبي



بإنتظار ردودكم التشجيعيه حبايبي



تحياتي


أصغر عروسة