قصه ولادتي بالتوائم

السلام عليكم ورحمه الله وبركاته

اول شيء احب اسلم على رفيجاتي بالتجمع وحده وحده سوسو وقمقومه وفيد باك واريج وحبي الغالي ومنو بعد كلكن على غاليات واعذروني لي نسيت الاسماء بس باذكركن لي شفت اسمائكن اعذروني صابني فقدان ذاكره بعد الولاده <<امزح معاكن بس صج نسيت اسياء وايد


كنت بالتجمع الشهور الاولى واستمريت الين الخامس بعدها وقفت لاني بديت اتعب فما كنت اقدر ادخل نت

قاعده افكر شنو ابدأ فيه بقصه ولادتي او شنو جبت ؟؟

بس قلت ابشركم اول وبعدها اقص القصه لمن اشوف تفاعلكم

انا الحمدلله ولدت بمنتصف شهر يناير وجبت بنوته وثلاث اولاد ولله الحمد توئم رباعي بعمليه قيصريه
احدهم تذكرون قلت لكم كان براسه ماي قدر الله وشاء انه يكون ولد معاق والحمدلله على كل حال