مشكلتي من قبل الولادة ومستمرة لبعدها...

السلام عليكم ورحمة الله
حياك دكتورة بينا واهلا وسهلا فيج
دكتورة انا عندي مشكلة في المعاشرة الزوجية، بعد الجماع احس بألم وينزل علي دم، ويستمر هالالم يوم أو يومين بعد الجماع... كنت اعتقد بان هالشي لاني كنت بنت وكان ضيق بس المشكلة مستمرة معاي لبعد الولادة...
وهناك مشكلة صادتني بعد الولادة في العصعص، تميت احس بالم فيه لمدة شهرين واكثر ما اقدر اقعد عدل... سألت دكتورة قالت الطبيعي انه يتم اسبوعين بالكثير، بس انا لحد لحين يجيني الالم مرات بس خفيف...
ملاحظات:
- بعد الولادة باربع شهور عانيت من البواسير الداخلية واعتقدت ان هذي سبب الالم بس مو متاكدة لانها الحين راحت
- اخذت الحقنة اللي تنظف البطن بالرغم من ان عندي قولون تقرحي، وراد الالتهاب لدرجة اقعدتني في الفراش، هل الحقنة هي السبب؟

واسفة دكتورة عالاسئلة الكثيرة والإطالة.. وجزاج الله خير