تجربتي في انقاص وزني الزائد

بسم الله الرحمن الرحيم

حبايب قلبي جميع عضوات ومشرفات طبيبي اشكر كل من ساهم في تشجيعي لانقاص وزني

وبعد تردد شديد في اني ابدا في رجيم لاحارب هذه الشحومات المنتشره في كل مكان في جسدي

بدايه قصتي كنت ابدا كل يوم واقول خلاص انا من بكره هبتدي رجيم عشان مش معقوله سني 21 سنه

ووزني 94 كيلوا وطولي 162 كارثه طبعا

المهم اروح واكله كل مانفسي فيه عشان تاني يوم ابتدي رجيم ويجي اليوم الموعود وترجع ريمه

لعادتها القديمه

لكن في يوم 8\2\2008

بدات والحمد لله وكلي اصرار وعذيمه اني اكون رشيقه وجسمي حلو البس كل ما نفسي فيه

انا مش اقل من فلانه ولا علانه الي بيلبسوا كل ما هو علي الموضه من ضيق وجينسات

وشورتات الخ طبعا في البيت انا طبعا كنت البس كل ده وكان بيبقي شكلي حلو لكن

اكيد اذا خسيت هيبقي احلي واحلي وطبعا في بيت جوزي فقط

المهم ابتديت برجيم وحبيت افيدكم وهو:

الاسبوع الاول:
السبت:

الفطار: بيضتين مسلوقين + برتقاله

الغدا: فاكهه من نوع واحد

العشا: لحم مشوي + خضار

الاحد:

الفطار: بيضه مسلوقه+ برتقاله

الغدا: ربع دجاجه + طماطم+ برتقاله

العشا: 2 بيضه مسلوقه+ سلطه+1توست طبعا اسمر

الاثنين:

الفطار: برتقاله اهئ اهئ ههههههههههههه

الغدا: جبن قريش +2 توست+ طماطم

العشا: لحم مشوي+ سلطه

الثلاثاء:

الفطار : برتقاله برضه اهئ اهئ ههههههههههههههه

الغدا: فاكه باي كميه صنف واحد

العشا: لحم مشوي+ سلطه

الاربعاء: اليوم الفري اكل اي شئ وباي كميه

الخميس:

الفطار:2 بيضه مسلوقه+برتقاله

الغدا: فاكهه صنف واحد

العشا: لحم مشوي + سلطه

الجمعه:

الفطار: بيضه مسلوقه+ سلطه

الغدا : فاكهه صنف واحد

العشا: ربع فرخه+ خضار مسلوق

انا بقي الرجيم ده كنت ببدل الغدا والعشا مع بعض يعني بخلي اللحمه الغدا والعشا الفاكهه

خسيت عليه 3 كيلوا

طبعا لسه باقي قصتي كتييييييييييييييير لكن مش هكملها الا اذا لقيت في ترحيب اني اكمل

لاني خسيت 10 كيلوا في تقريبا 51 يوم

ووزني الان 84 كيلوا

وهدفي ان شاء الله 75 كيلوا

يله لو حابين اكمل هكمل

سلام جبايب قلبي