حكاية شمعة ولدت وجابت احلى محمد ... مع قصة ولادتهااا

4"]السلام عليكم خواتتي اخباركم ... مشتاااااقه لكم حيييل

انا حكااية شمعه قبل ... بس غيرته سميته أم السيد محمد حالينا ... ههههههه خلاص عجزنااا

حابه اقول لكم ... مغامرتي مع حمووود ... وكيف جاء ونور الدنيا علينااا

انا كان موعدي .. 9 مارس .. او 10 مارس .. ومن دخلت التاسع .. يااالله كررريه هشهر كل يوم اقول لا اليوم بولد

ثقل غير طبيعي .. واجي لي ريح استقبال المها مثل الدوره بس خفيفه ...

وكل مره اروح موعدي اجنن الدكتوره متى بولد ومتى بولد ...:ss:... مسكينه طفشتهاا

وفي اسبوع 39 .. كان عندي ريح استقباااااال حااافل.. يعني كل ساعه جديه يجي لي

وفي يوم الاثنين ... نقصت المسافه .. والم زاد اشوي .. مثل المغص ..

المهم قلت خليني استنااا الى بكررره كان عندي موعد ..بسس رحت نمت وكل ساعه مجلسني الالم

وانقهرت وقمت راحت مني النومه .. وانا اشوف ريلي نااااااايم مستانس والله اجي لي الحسره ..

وجلست على منتدى عروس ..وعلى المسنجر ... الين جاء الصبح واصبحا واصبح الملك الى الله

اسبحت ورحت الموعد وعندي امل ان شاء الله مفتوح .. ودخلت على الدكتوره .. وقلت لها معاي الم

أكثر من الاول وكشفت علي اتقول لي مو مفتووح .. والله جاء لي احباط اقول لهااا ولا واحد

قالت لا .. قلت طيب نصف بس .. ههههههه قالت لا مرره مسكر:confused:

وانا اقول البالي اذ موهذا طلق خفيف .. كيف الطلق الله يستر

وارجع البيت .. وانا مرررررره محبطه على قلبي انا ... قمت سويت غدانه ورتب البيت اشوي

وسوالف مع ريلي ... ونسيت سالفه الولاده ... وريلي يقول لي انا حاسه انج قريب

وانا اقول ياااااااارب ... وجاء الليل الساعه 9 ونمت وجلست 12 على الوجع نفسه ..

وجلست خلاص ماعرفت انا وانا اصيح ابي انام .. والله نعسانه امس مانمت عدل:21_162:

بس الوجع كل ماجاء يزيد والمسافه اتقل ... الم اكثر من الدوره بس يضل 30 ثانيه ..

ويروح ولا كانه شي معي .. وارجع اسوي شغلي .. بس ماعرفت مره اقوم ومره اجي لين جاء الالم

وريلي جلس من النووم قال لي قومي اوديج .. قلت لا لين ينزل مني دم لو مائي .. وما اشوف شي

وقريت سوره مريم واكلت تمرر .. وجبت مائي وقريت فيه ادعيه الى تسهيل الولاده وشربته ..

وقمت اصفح على المنتدى الغالي عروس وكل ماجي لي الم اوقف .. واكلم مسنجرر

الى شفت اختي وقلت لها الم كذا وكذا ... قالت لي الحين بتصل عليج .. انا بغربه على قلبي

في امريكا ... اتصل في وقالت لي لازم اتروحي الحين هذا الالم والاده .. والمائي والدم مو ضروري

يطلع الحييين بس الى عندج طلق ... وخلاص مرره افرحت وجلست ريلي قلت له قووووم

عور بقلي هوو مسكين نعسسسان... قلت بروح لو حتى ابره مسكن يعطوني ابي اناام

وطلعت الساعه 4 الفجر .. وكانت الدنيا عواصف وثلج مررره حتى السياره ماتمشي

بس حسيت احلييو كنت اتمنى اولد بعواصف احس الدنيا كلها تتألم معي :D

المهم رحت وعلى طول جابو ا الكرسي انا اعرف امشي بس احب الدلع ... .. ودخلوني على الكشف

كل اسمع ان الكشف يعور .. بس الحمد الله الى جت لي دكتوره ايدها ايد جهال .. ابدا ما المتني

وقالت لي مفتوح 4 سانتي مبروك اليوم بتولدي .. واوووووووو ماتعرفوا كيف كان شعوري ..

كانهم قالوا لي ولدتي قمت اناقز وريلي فرحااااااان مرره ... اخيرا بفتك من الحمل :21_112:


وكذا ساعه ودخلوني على غرفت الولاده .. كانت حللوه حييل وقام ريلي صلى الفجر ..

وماقدرت اصلي لان مركب علي النبض والمغدي ...والم يروح ويجي .. اسوالف مع ريلي

اذ جاء الم اقوله خلاص اسكت .. واذ رح اقول اييه كمل سالفتك ... وقمنا انتتطق صور هههههههههههههههه فاضيه

اقول الى ريلي ايه كذا حلو جلستك خليني اصورك ... والمهم لين خلاص مافي مسافهه كل اشوي يجي لي الم

والله يعورررر الم .. ماتوقعته كذا وكل ساعه يجو يكشفوا علي يقول لي زاد لين الساعه 8 الصبح وصل 7 سانتي

وفتحوااا الكيس وخلاص مررره الريح ما توقف واصارخ على ريلي واقول قوم دبني من الدريشه .. خلاص
ماني قادره

وحطيت حرت الم كله على ريلي ..كل ماجلس اقول لا تجلس من .. لا تسوي كذاا تعال هنااا

مسكككين ريلي بس الريال في الولاده على قل يحس بألم ويخفف عنج .. كل ما يطلع اشوي اقوول لا تروح

المهم ... ماااقدرت استحمل الم وانا ميته من النعس اقول لهم خلاص ابي انام والله بس انام بعدين بولد ..هههههههه

وهم كل اشوي يقول لي خدي ابره الظهر وانا خائفه منهااا لان اسمعتها اتعب بعد الولاده

وانا ظهري عورني من قبل قلت لهم لا اطوني الى في الغدي .. وخديتها الله وكيلكم .. مرره سوتني زي المجنونه

قمت اقط كلام وبس .. زي الدايخه والهلوسه ... واقول الى ريلي سيد قوووم وديني البحررر الحين

ابي الكونيش .. من زماااااان ماشفته وابي شكولاته على مكسرات خخخخخخخ

وكل اشوي اقوله ابي اروح البحررر وهو يقول لي اجلسي وين اتروحي يابنت الحلال ...

وبعدين راح عني تأثيهااا وخلاص لعوزتهم .. وجاء لي الم ماني قادره وجت الدكتوره قلت لهاااااااا

روحي جيبي ملك الموووووووووت .. تفهمي لو لا ... خليه ياخد روحي انا مابعيش .. وهي ماهي فاهمتني

هههههههههههه اتقول لي وت.. قال لهم ريلي خلاص جيبوا ابره الظهر ... وقامو راحو جابوهااا

ولا حسيت بيعدها ابدااا .. ويالللللللله ماتعرفوا كيف ارتحت ... مررره

ونمت من الساعه 10 الصبح .. لين الساعه 12 الا وحست روحي ابي الدفع ... وجوا الكتوره وقالت لي

يالله ادفي 10 سانتي .. ودفت .. وهم يعدو لي ... لييييييين طلع البيبي وحطوو على صدري كان

كتله دافيه ... وريلي قص الحبل السري ... والحمد الله ماحتج الى جراحه .. بس غرزتين من داخل

لان هو جرحني ...

وطلللع اخيرا حموووووووود من شغت فرحت ابوه نسيت الدنيا ومافي ...

وانا اقول الى ريلي روح صورررره ... وصوره وهم ينظفونه وكانت صحته اتهبل ... وانا مو مستوعبه

انا اولددت وصلت ام ... اقول الى ريلي خلاص هذا لينا يعني .. انوديه معانا البيت :bigsmile:

هههههههههههه ... وانتهت السااااااالفه .. بس صج الولاده حلوووه وتجربتها اتجنن

ودعيت الى كل وحده محرومه الله لا يحرمها من طفل الضمه وتشمه ... الاطفال نور الدنيا

وجاء اخيرا السيــــــــــد ..محمــــــــد .. واحلى شي النوم بعد الولاده ... وصج جاب لي ريلي شكولاته على مكسرررات ... ههههههههه بعد ما اولدت ...


والبنات هنا الى في غربه ابدا ماقصرووو .. ورحم الله والاديهم ...واستانست حيييل لان

نور البيت بناس بعد ....وحموووود شمعه البيت[/COLOR]