بنات قطر .............مشورتكم الله يخليكم.

الله يفرج همج ويرزقج ماتتمنين

وان شاء الله حد يفيدج

وينصحج

الله ايفرج همج ويرزقج بالذرية الصالحه

والله ماعندي فكره عن التلقيح الصناعي او الانابيب في مستشفى حمد

انا اعرف ان زوجة خالي في ولدها الأول سوت أحد هالعمليتين بس ماعرف اي وحده

ونجحت ولله الحمد ومن بعدها ماشاء الله طبيعي تحمل


انتي استخيري وباذن الله ربي بيكتب لج اللي فيه الخير

شوفي حبيبتي الأفضل بالاردن لسببين اولا لانه في اردن عندهم خبره قويه بهدا الموضوع واشطر و سبب تاني وجود اهلك لانه ما بعد مرحلة العملية وان شاء الله يصير حمل تحتجين حدا معك لانه لازم حركتك تكون خفيفه جدا .

انا عملت اطفال الانابيب بس ما نجحت .. ولله الحمد والشكر ... متى ما ربي اراد بحمل انشالله ..وناوية اني ما اعيدها الا بعد سنه .. لان خبرني الدكتور مافيني شي فعادي احمل طبيعي

الله يرزقج ويرزقنا كلنا

فديتج رووحي دبي في وايد مستشفيات هناك زينه اذا ماتبين تنحرجين ويا اهل زوجج في الاردن

والله يكتبلج الحمل وانشالله مايخلص الصيف الا وانتي حامل امين يارب العالمين

الله يوفقج يارب ،، ويفرج همج ان شاءالله وان شاءالله يارب هالمره تبشرينا بحملج يارب العالمين

هلا اختي الله يرزقنا وياج الذريه الصالحه


بخصوص عمر صراحه احسه دكتور شاطر فهم ريلي كل شي واقنعه باشياء مب مقتنع فيها



وقالي كل مره تبي تبي تتعالج بكلوميد او ابر تجرب مره الكلوميد مره واذا ماحملت المره الثانيه تجرب الاشعه المصبغه لانه احتمال تكون الانابيب مصكره ويقول في حريم يتعالجون سنه ما احملوا اخرتها الانابيب مصكره


وطلب تحليل من ريلي وسوه الحمدلله


بخصوص حمد عندهم دكتور شاطر


شحاته توب

عمر ابو زينب سمعت عنه وايد بس ماجربته وابغي ابتدي عنده قريب

حبيبتي انا جربت عملية الانابيب مرتين وكلهم عند دكتور محمد شحاته
في مستشفى الولاده

وبصراحه ماشالله عليه لايعلى عليه .,..

روحي وانتي مغمضه دكتور محترم بالتعامل و واجد حريم احملوا على يده ,,,

وانا بنفسي حملت وسقطت والحمدلله على كل حال وناويه اعيدها عنده بعد فتره ,,

توكلي على الله وروحي له واستخيري قبل وان شالله ماراح يصير الا كل خير

والله يرزقج ويرزقنا ويرزق كل من تتمنى الحمل

أختي ساره بنت محمد

انا نفسج قالي الدكتور عمر ماحملت احتمال بسبب الانابيب مسكره مع اني مافيني شي يمنع اني احمل وعندي بنت والحمد لله بس مادري وشفيني ماحمل بس رحت له وطمني واااااااااااااايد من بعد الدكتور اللي مايتسمى الدكتور عدنان قص علي وخذ مني مبالغ كثيره وخرب علي دورتي وماكان يعرف شعلتي بس يعطيني هالحبوب والابر ومافيه فايده وانا أصلاً الحمد لله مافيني شي حملت من قبل بدون علاج واشيا كثيره بس اسكت احسن لي وماقول الا الله يسامحه
وعطاني الدكتور عمر حبوب منع الحمل خفيفه لان عندي بويضه واايد كبيره بسبب الادويه اللي آخذها من عند عدنان والدكتور عمر يبيها تنفجر مع الدوره علشان كذا عطاني حبوب منع الحمل خفيفه
المهم رحت عند الدكتور عمر وقلت له حالتي وسوى لي تلفزيون قالي مافي شي وقالي يمكن عندج قناة فالوب مسكره وبيسوي لي عقب بكره هاي الاشعه المصبغه بيدخل لي ماي وبيشوفون مسكر ولا لأ

بس الحمد لله وايد مرتاحه عند الدكتور عمر أبو زينب

وأنصحكم تروحون عنده للي تبي تعالج بعيادة خاصة واذا مستشفى الولاده عند الدكتور شحاته

والله يذكر أختي دوحانية بالخير هي نصحتني بالدكتور عمر أبو زينب ولها جزيل الشكر

طولت عليكم أسمحولي

ودعواتكم لي وللمحرومات بالحمل الشهر الجاي انشالله

شكرا جزيلا على الردود ووقفتكم معي
انا امس رحت الدكتور عمر و نصحني اتمهل لانه زوجي ياخذ علاج و احتمال احمل اذا تحسن لانه انا ما عندي مشكلة
راح اجرب شهرين و اشوف
بالنسبة لمستشفى حمد قال تكلف 12000 و عند الدكتور عمر تكلف 15500 فاذا لزم الامر و ان شاءالله ما احتاج راح اعملها عند الدكتور عمر لانه صعب اعملها في الاردن, احنا نروح اجازة شهر و كل المستشفيات بعيدة عنا ساعة و نصف بالسيارة يعني بدها سفر و الكل راح يلاحظ و يسأل و انا مش حابة احرج نفسي لاني مستحيل اقول ان المشكلة عند زوجي . خليني هون اريحلي.

ما عندي فكره يا الغاليه

والله يكتب لج الي فيه الخير

ان شاء الله البنات ما راح يقصرون معاج ..