نداااااااااااااااااااء هااام وعاجل لكل بنات العين

راما العين 01-04-2008 2 رد 219 مشاهدة
ر
السلام عليكم ورحمة الله وبركاته


خواتي العزيزات عندي طلب صغيرون بس وااااااااااايد مهم بالنسبة لي لأن موضوع عرسي متوقف كله على هالشي وصارلنا سنة مب قادرين نحدد العرس لأنا مب محصلين بيت مناسب:tears:

لو سمحتوا يابنات إلي تعرف عن بيت للايجار بالعين بحدود 50 ألف درهم او اقل او اكثر شوي ترد علي ضرووووووووووووري

ومب لازم يكون البيت كبير يعني يكون فيه غرفتين وصالة ومجلس ويكون بيت ارضي اهم شي

وعادي فأي منطقة فالعين مب مشكلة حتى لو مب وسط المدينة عادي بس مب عدرب بوظبي

بلييييييييييييييييييز يابنات ضرووووووووووووري

والله خلاااااص نفسيتي تعبت من كثر ما نأجل العرس:cry:
ل
وعليكم السلام ورحمة الله وبركاته

اختي راما العين

انا احس انه بالنسبة للايجارات في العين وايد سهله مقارنة مع بوظبي

بس المطلووب منكم اتروحون لمكاتب تأجير العقارات وتنشدوونهم عن المتوفر عندهم

أو انكم تطلعون بالسياره في المناطق اللي خاطركم تسكنون فيها وتاخذوون لفة في المنطقة واذا شي

بيت للايجار بتحصلون لوحه عليه وما عليج غير تاخذين الرقم وتتصلين ..

وبعد عندج لجنة خليفة للايجارات اعتقد تابعه للبلدية حاولي تتصلين فيهم واتشوفين المتوفر عندهم

تحياتي لج وان شاء الله اتحصلوون بيت في اقرب وقت وتعرسوون واتيبوون الذريه الصالحه
ر
تسلمين أختي (لحظة ولهه) اهتمامك بالرد على الموضوع

بس صدقيني انا ماكتبت الموضوع فالمنتدى إلى بعد ما عجزت

بالنسبة للتدوير فالحواري ماخلينا حارة فالعين ماعايناها شبر شبر بس اغلب بيوت الايجار مايكون مكتوب عليها رقم تلفون صاحب البيت

وبالنسبة لمكاتب العقارات والدلالين اتصلنا بأكثر من عشرين دلال وكلهم يقولولنا عندهم شقق دور ثاني ماعندهم أرضي

وبعض البيوت الي حصلنا عليها رقم تلفون كلها اسعارها ضووووووووو فوق 70 ألف

وماخليت جريدة الوسيط ولا العقارية كل يوم ادور فيهن ومافي فايده
ودورت فالمواقع العقارية عالنت وبعد مافادوني بشي

وانشاء الله اليوم باخذ رقم لجنة خليفة وباتصلهم والله يقدم الي فيه الخير

وتسلمين اختي ماقصرتي


ويا عروسات المنتدى الحلوات ياليت الي تدخل عالموضوع تدعيلي

وشكراً للجميع
X