طلووا علي هنا يا بناات .. محتااجه رأيكم واايد

السلام عليكم حبيباتي ..

شلوونكم ..

أول احب اسجل أعجااابي بمنتدياات عرووس ..

لانه فعلا اضااف روونق ماسي مميز في شبكة الانترنت .. وأنا أول وحده أشهد على جذيه (f)

أنا عضوه جديده هني .. واتمنى تقبلوني اخت لكم ..

من خلال تصفحي لصفحات عرووس ما التمست الا الاخواات الي واقفين يم بعض ومسااندين بعض

عسى ربي يخلينا لبعض يا رب ..

مشكلتي عبارة عن مجموعه من الاحدااث ..

ويا ليت تقروونها كلهاا .. (f)

تقدم لي واااحد ..وأنا وافقت عليه .. لاني فعلا ابيه .. ووجدت فيه الانساان الي بنى نفسه بنفسه وأكل من عرق جبينه ..

هو بيزنز مان يعني تاجر وعنده محل .. وقاعد يكد في شغله عشان يطور من نفسه ..

والولد لما شافني دخل البيت من اوسع ابووابه وطلب يدي ..

وجوا خواته وامه وكلموا امي .. وامي ارتاحت لهم وتقول الناس صريحين

محور المشكله ان ابوي راافضه .. وما يبيه

ليش ؟؟

بحكيلك بالتفصيل ..


وحده من اهل زوج عمتي .. تزوجت اخو الولد الي تقدم ... وهالبنت الله يستر عليها كانت شايفه نفسها عليهم وما راعت زوجها وسببت مشااكل له..

فالرجل تزوج عليها وبنفس الوقت ما طلقها ما حب انه يخرب عليها ..

زوج عمتي مقهور منهم .. فـتقولون كأنه طلع عيووب لاهل الولد وسب ابووه والخ والخ .. ووصل هالكلام لابوي ..


مع العلم انه يوم توفى ابو زوج عمتي .. راح بنفسه لاخو الولد وقال له احنا اهل والخ ومن هالكلام الحلو عشان يشووف لهم الميراث.. لان اخو الولد يشتغل في البنك ..

يعني السالفه فيها مصلحه :)


أنا كلمت ابوي اني موافقه على الولد ..

بس ابوي قال انتي بتدمرين حيااتج ..

وانا مو مرتاح لهم ...

أنا عاارفه ان ابوي من حقه يخااف علي ويشووف الموواضيع من عدة زوايا .. بس انا ابي اثبت له ان هالولد فعلا شاريني ..

وانا عارفة ان غلطة اخوه محسوووبه عليه .. بس ابي اثبت له العكس ..

ماني عارفه شسوي .. أحس قلبي يبيه .. ومو قادرة أنسااه ..

بعد ما بردت هالسالفه

تقدم لي واحد اخته شافتني .. والولد مؤهلاته زينه من جميع النواحي والحمدلله .. ,والكل مدح فيييه .. ويذكره خيرره ..

بس انا لمن شفت صوورته ما ارتحت له ..

وكنت احكي لصاحبتي عنه فلان بن الفلاني انصدمت وتغير ويهها 100 لوون ..

أتاريه طلع الفلان الي متهااوش مع صاحبتي من جم سنه .. وشلون .. بحكيلكم ..

الله يسلمكم

هو كان يدرس بجااامعتنا .. وكان مرتبط بوحده بالجامعه ومتقدم لها بس اهلها رفضووه ..

فـ دق ع صااحبتي وقالها بصراحه انا معجب فيج وبجسمك :eek: ومن هالحكي .. وانا احب فلانه بالجامعه ..

صاحبتي قالت له بلا قلة ادب واحترم نفسسسك !! وسدت بوويهه ..

اليوم الثاني

صاحبتي قالت لصديقتها .. مسكينه فلانه مغشوشه بفلان .. تخيلي وقاحته يدق علي ويقول لي هالكلام !!

سمعوووها البنات ونشرووا الخبر .. ووصل الخبر للبنت الي مرتبط فيهاا ..

البنت عصبت ..

وجات هي وجابت الولد وقالوا لصاحبتي تقابلهم بقاعة من قاعات المحاضرة ..

صاحبتي راااحت ..

قام الولد يصاااااااااارخ
ويقوول

انتي شلوون تتكلمين عني ؟؟؟ !! :eek:

شلون رجال يعلي صوته على حرمة وينفش رجووولته على حرررمة ويصاارخ

وقاام سبها .. وشتمها ..

صاحبتي طلللعت وقالت كمل كلامك مع رووحك ..


طبعا انا اعرف هالسالفه من قبل.. بس انصدمت لمن عرفت انه هو وقلت صدق الدنيا صغيره :16:

وقلت لماما ..

امي قالت لا تستعجلين

كل الرجال لهم مااضي ..

ويمكن هووو تاب ودام فكر يرتبط يعني خلاص ..

قلتلها ولو ماني مرتااحتله ..

المهم من ضمن الاحدااث

كنت مرة في مصلى الجاامعه .. وشافتني وحده من البناات بنسميها سوسو عشان لا تتخربطون فديتكم .. وقالت لي انا برشحج لواحد

قلت شنوو :eek:

قالت واحد جذيه وجذيه.. ( وانا لمن كانت تحكي شكيت يطلع نفس الولد الي متهاوش ويا صاحبتي لانه نفس الموواصفاات ) ..

قلت من وين تعرفينه . .. قالت انا رفيجة اخته ميمي ..

قلتلها خير خير .. وررررحت

بعد جم يووم

رحت أتغدىى ويا صحبااتي ..

صاحبتي الي متهاوشه مع هالولد .. جاها تيلفوون .. وتغير ووييها وع اساس نرجع الجامعه احسها تتأخر ..

لمن وصلنا الجامعه .. جا نفس التيلفون واشوفها هم مصدوومه

سئلتها شفيج .. قالت لوولوو .. قلت نعم ..

قالت هالولد الي متهاوشه معااه .. جاي يشووفج الجامعه .. قلت نعم .. :eek:

وخفت بس طنشت .. لان كان عندي مقابله مع السوبر فايزرر


وانا نازله من السيارة مرت سيارة واحد مسررع .. شكيت يطلع هو وطلع هو :ss:

لمن رجعت البيت حكيت لماما ..

ماما مرة استغربت وقالت لخالتي .. وخالتي قالت لاخته .. (لانه اخته تشتغل ويا خالتي )

والمهم

سوسوو جات تقوول لصاحبتي .. قولي حق لولو لا توافق عليه .. هذا مرة يرجع للبنت الي مرتبط فيها ومرة يهدها ..

وصاحبتي قالت لها احتمال لولو ترفضه لانها تعرف ماضيه .. تقول صاحبتي يوم قلت كذا لـ سوسو نقززت من الفرررحه ...

بعد جم يوم اتصلت وحده من البنات وقالت ان سوسووو .. سوسو تقول ان الولد شاف لولو .. ويقول اعرفها >> :eek: .. ما ابيها ما ابيها ..

صاجبتي سئلت البنت وشلون عرفتي .. قالت سوسو قايله .. سوسو من وين جابت هالكلام .. من اخته ميمي ..

صاحبتي عصبت قالت شنو يفكر نفسه هذاا .. اصلا لولوو من اول رافضته وانا ما بقط صاحبتي للنار بيدي .. اصلا يحصل له الشرف ياخذ وحده مثل لوولوو ..

وانا حكيت لامي .. وامي تضاايقت .. وقالت لخالتي .. وخالتي قالت لاخته ..

اخته انسانه جدا محترمه واستغربت وعصبت عليه وقالت بنشوف الي يخطب له وجذيه ..

وصارت مشاكل بسبب سووسوو .. وسوسوو مطلعه كلام عن اهلي وقايله اهلي يبونه وهو ما يبيهم ..

وخالتي قالت لاخته دام المووضووع من بدايته جذيه خلاص سكررروا الموضووع حالياا ..

وامي تناقشت ويا صاحبتي عنه وجذيه ..

وامي قالت انه يوم اخته عرضت عليه يشووف لولو بالجامعه .. قال هاي مو اسلووبي ..


امي تقول صلت استخاره ومرتاحتله :( .. وتقول احسه ما يسوي هالسوالف ..

بس انا احسه يقول لـ ميمي كلام يمكن لانه اخته المقربه ولا شلون بيقول لاخته الكبيره مو اسلوبي اشووفها بالجامعه .. ويجي يشووفني هنااك ..

مرة متردده من هالنااحيه ومن ناحية ثانيه .. اني بالي مشغول بهذاك الانساان ..

لان ما شاء الله عليه ما عليه كلام .. بس كلام الحساد ما يرحم ..

قلنا بننتظر لين ما اخلص دراسه ويتقدم لي الولد الاول مرة ثانيه ولا شرايكم ..

صليت استخااره .. احس نفسي صرت اطنش التفكير فيه فترة ..

وحاليا احس ابيه :(

بس اكثر احساسي ابيه :(


ما اعرف شسوووي ..

دلووني ..

شنو رايكم بالسالفة الاولى والثانيه وبسالفة الي اهلي مقتنعين فيه .. والي اهلي مو مقتنعين فيه ..

اخاف بعد اهلي ما يكلمووني اضعف واوفق على الثااني .. وانا مااضيه متأكده بيعذبني بالمستقبل ..

لاني اعرف البنت الي كان مرتبط فيها عزز المعرفه ..

ولا تنسوووا ان شتم اعز اخوواتي .. وانا ما ارضى عليهاا ..

شلون بيكون مووقفي اذا خذته قدام كل البنات


وكل صحباتي يعرفون مااضيه :(


اسفه على الاطاله ..

جزاكم ربي الف خير