كل يدلو بدلوه (امعلومات عن الرجيم)

مرحبا صبايا منتدانا الراقي ..... قبل لا اقول اي شي بس لو تتاكدولي من عنوان الموضوع اذا صحيح تراني شاكه (كلِ يدلو بدلوه) ....شاكه بنفسي :D


والحين بننتقل لجوهر موضوعنا الا وهو كل وحده تخبرنا المعلومه اللي عندها عن الاخطاء الشائعة في الرجيم ..... او تصحيح لمعلومه او زيادة معلومه



فببدا انا بمعلوماتي اللي اتمنى انكم تستفيدون منها

ونقول أولاً :- وجبة الفطور (الريوق) مهمه جدا لانها عامل من عوامل التخسيس بسبب ان الفطور اول وجبه تناكل فدائما اول وجبه تناكل يمتصها الجسم بحده فاذا كانت مليانه دهووون فدهون يمتصها الجسم بسرعه ويخزنها مما يؤدي للسمنه فتخيلو اول وجبه تكون الغدا اوف وشكثر مليانه دهون يعني ولا قطرة دهن يفوتها الجسم .... فدائما تريقو وتريقو شي طيب وقليل الدسم بقدر الامكان.... هاي معلومه اخصائية تغذيه مخبرتني اياها

ثانيا:- جفت غلطه وهي رجيم الساعه 6 البنات اسون رجيم بحيث بعد الساعه سادسه مايكلون شي طبعن هذا غلط لانهم يعودون الجسم انه من بعد الساعه 6 مايهضم شي ولايستقبل شي بعد ال6 ..... وهذي مشكله غلط نعود اجسامنا عوجبتين او وجبه .... نلاقي ناس ياكلون وجبه وحده باليوم وما يضعفون وناس 4 وجبات وجسمهم اوكيه لانهم ماعندهم غلط في عملية حرق الدهون .... بعد اخصائية تغذيه مخبرتني

ثالثاً:- غالبنا مايعرفون انه السكر ......شي ممكن ندمن عليه .... ادمان اذا تعودنا عكميه فنلاقي جسمنا يدمن عليها ويطالبنا فيهااااااااااا دوم فلازم نعود اعمارنا عالكميه المطلوبه....اخصائية تغذيه مخبرتني

رابعاً:- معلومة الاكل وشرب الماء والسوائل خلال الاكل ..... هاذي حركه خطا لانه هالحركه تسوووووي كرش .... السوائل تجي بعد الاكل بساعتين .... هاي معلومه من سنغفوريات

خامساً:- لعب الرياضى او المشي و الاكل مباشره سواء قبل او بعد الرياضه لازم ساعتين لينهضم الاكل.... وهاي من مدربة رياضه

سادسا:- الرجيييييييييم الكيميائي من اخطر الريجيمات وانصحكم بالابتعاد عن هالنوع طبعن تقدرون تقرون بالنت عن خطره هالرجيم:confused: انا مامقهوره الا عالناس اللي راحو عند نيوترشن وضعفو ومن ثم رجع وزنهم دابل مدبل بدون ماياكلون.... لعب الهرمونات لا اكثر .... معلومه من اخصائين التغذيه

سابعاً:- الجميع ناكل او نشرب اكل دايت ونحس به سكر زياده فنقول بالعكس اسمممممممن ماعليكم من الطعم ....اخصائية تغذيه

ثامناً:- نصيحة لا تنسووووووون شرب 6 أكواب يومياً من الماء لانه يساعد على انزال الوزن (الدهون) اللي مايشرب ماي ويسوي رجيم ينزل الوزن ولكن الدهون ماتنزل وتقدرون تفحصون هالشي بالاجهزه المتخصصه ...اخصائية تغذيه

تاسعاً:- نامو بعد ساعتين من الاكل عشان تهضمون وماتجعون لانه اكثر من ساعتين بتجعون... اخصائية تغذيه

عاشراً:- اجوف الكل يبي يخفف منطقة الزنود بخبركم عن آله هي موجوده بسنغفوره بس مادري اذا تنوجد بمكان اخر لاني مادورت.... وماروم اصور الجهاز لان الجهاز مو معاي لانه لاخوي وخيو مسافر اذا التقيته بصورالجهاز لكم ..وهو عباره عن كره ينلف عليها دار ما دار خيط وينسحب بطريقه نولد فيها طاقه للكوره فيعمل على تحركه الكوره اللي نضعها بوسط الكف ونسوي حركة دوران وخض للكوره بحيث مانحرك الرسغ وحركه سريعه وحركة الدوران تضعف الزنود حتى انه نحس بالالم كاي تمرين..... عاد هاي معلومه عن اخر التقنيات عشان تكونون بالعلم

اخر شي

نصصصصصصصيحة اخت لاخت كل حد فينا له مفضلاته ووممنووعاته بالاكل فنصيحه للتسوي ريجيم تروح عند اخصائية تغذيه .... لانه اخصائيين تغذيه يسالون الشخص كيف برنامجه اليومي بالاكل وشو يحب بالاكل ومايستغني عنه ...... صددقوني مايمنعون الشخص من اللي حبه بس احددون له الكميه والوقت....وطبعن اخبرونه عاداته الخطا وصححونها بدووووووون ما يحرمونه صدقوني نحن نحرم انفسنا من اشياء نحبها عشان نضعف ومانضعف وان ضعفنا نرد نمتن لانه هاذي اشياء نحبها فنعاود اكلها فالافضل انه من البدايه ناكلها بس بشروط معينه غيرنا افهمنا

والحين ابي مشاركاتكم بس شلون ابيها ابيها تكون نقد لمعلوماتي اذا كان فيها شي خطا اوزيادة معلومه او استفسار بس لانه مانريد القراء ينصابون بالملل لاني حاطه ببالي انكم بتشاركون بمعلومات اتمنى انكم فهمتو مررررادي ...لا مجال لتعليق عشان اللي يقرا المووضوع ويطرح معلومه ما تضيع بين التعليقات ومحد ينتبه لها