بناااات بلييز ادخلو حلو مشكلتي مع خطيبي

بليييز بنات لا تخلوني خمسه الي دخلو ولا وحده فيهم قالت خبره اومساعده من عندها

حاولي تعودي نفسش تقولي إلي في قلبش لأن الرجال يحب يسمع مثل هذا الكلام
ما أريد أزعلش بس إذا حرمتيه من هذه الكلامات بتلقيه يدورها من شخص ثاني
صدقيني الرجال يزيد حبه إذا حس إن الحرمه تحبه و تبادله نفس الشعور
كلامات الحب تزيد المحبه بين الأزواج وتقوي العلاقة >>>>هذا رأيي
على الأقل حتى لو كان بالمسجات أو عن طريق البطاقات وترسليه مع ورده

عن نفسي أحب أطلع إلي في قلبي وأقول حق زوجي عن شعوري وعن حبي أقوله إني مشتاقتله وخاطري يرد البيت بسرعة وأشوفه ولما أسمع صوته في التليفون أتغزل معاه مثل ما يتغزل فيني مرات أقوله فديت هالصوت الحلو ومرات أقوله إني أمووووووت على الأرض إلي يمشي عليها وأنه أروع وأحن زوج في الدنيا ومرات أسأله من وين مآخذ الحلى هذا ومنها أسمع إلي خاطري فيه وألقاه مستانس وخاطره يسولف معي

والله يوفقش في حياتك

هلا اختى حاول تجرئي وتقولي كلشي وتعتبريه حبيبك

وعبري له عن مدى حبش له ولاتخبين عنه شيء
وتحياتى لك

عمانيه وافتخر انا احاول ابادلو بنفس الشعور بس المشكله اني مااعرف اعبر ابي احاول اقول نفس الكلام الي ايقولو موقادره هذي مشكلتي واخاف ايطير مني والسبب هشي
البنت الجميله مشكوره عزيزتي

بليييز بنات عطوني خبراتكم لا تخلوني اخاف ايدور علاوحده غيري

هلا ريم
انا كانت عندي نفس المشكله بل اكثر من كذا حتى حبيبي ينربط لساني لما ابي اقولها
وماتعودت الا مع الايام
فحاولت اعوض بشي ثاني لان الحب مو بس كلام فعل بعد
فكنت ادلعه دلع غير طبيعي
ومع الوقت راح تتعودين وبتقوليله كل الي في بالج وبدون حفظ كلام او تعبير مسبق
بدئي بالمسنجر مثلا اول شي كتبي الكتابه اسهل من الكلام وبعدين رسايل جوال
رددي حبيبي وعمري بينج وبين نفسج بعدين راح تطلع تلقائيه

الله يوفقج انشاء الله ويحبج اكثر واكثر

ابتسامه ساحره مشكوره علا المرور ومساعدتك لي

الله يخليه لج اختي ..

شوفي حبيبتي الكلام مايجي بسرعه والرومنسيه مش معناته انج تعبرين بدون احاسيس ولا مشاعر يقولج المغني ماينطلب منه يغني بل هو فيه نفسه لان هاي شي من جواتج .. وهو المفروض يقدر هالشي وفي لغه اسمها لغه العين لاتنسين .. و الله يوفقج باللي فيه الخير

حبيبي لا تضايقين هالمشكلة كلنا مرينا فيه . بس أنا شو سويت بديت برسايل اكتبلة علي الموبايل وكلمات حب وغزل بعدين قمت اقول الكلمات بس اشغل نفسي عشان مايشوف تعابير وجهي واخيرا قمت اقولة الكلمات الحب . ونصيحتي الريال يحب كلمات الحب والغزل فعودي عمرج بالتدريج .:D

لايضيق صـــــــدرك ولا شيء توك بالبدايه بعدين تطلع معك الكلمات والبارات عااااااااااادي
بس مدامك تستحين حاولي تعوضينه باشياء ثانيه غير الكلام ابديها بالكتااااااااابه والافعال بعدين شووووووي شوووووووووي
الا يطلع من فمك احلى الكلمااااااااااااااااااااااات
وانا متاكده ان فيك رومنسيييييييييييييييه زايده وراح تكتشفينها بعدين
انا تراني قعدت كثير ماكنت انطق لزوجي كلمه حلوه استحححححححححححي وباليالهتطلع مني كلمه حلووووووووووووه بعدين خفيت على شوووووووووي شووووووووووي لين غرقته بالكلاااااااااااااام