قصيدة جديدة للشاعر المبدع :::::حمدالسعيد

وجدي على الجهراء
يا مترف مريت في الشارع وخطواتك قصار
وانت تعمد تقصر الخطوات يوم تمرني
كنك تبي تأخذ بثارك من عباتك والخمار
يوم اطلقوك بديرة عمرانها ما غرني
وجدي على الجهرا ولو فيها الحرارة والغبار
ثلثين عمري في ذراها عجها ما ضرني
دار واهلها كلهم وان جيت اوصف باختصار
في هالمناطق بالكرم من مثلهم قم ورني
مريتني في روعتك وانا رهين الانكسار
والصبر يجمعني رماد وللهموم يذرني
قاعد ولي حاجة وجازت لي تقاطيع النهار
يوم ايتحامر لون وجهه بالمغيب وسرني
ويا دوب طالب لي (كباتشينو) وظهري للجدار
وبيديني الجوال وارقب واحد ما ضرني
يومه يواعدني وانا عيني على الدق البكار
ما غير ابرق بالوجيه ولين جيت تفرني
عن موجته وانا مشفر لا يمين ولا يسار
والله لتبطي وانت صوبك ما قدرت تجرني
شف زينك اللي شب فيهم من صغار ومن كبار
انا مطفي مع هذاك ولا قدرت تكرني
الله يخلي لك شبابك لا يفوتك هالقطار
شف واحد غيري وانا لوك حلو.. يامرني
انت ابتليت بواحد مهما تسوي ما يغار
ماني بصوبك وانت تضحك للبشر وتحرني؟
يا حر قلبي كان ما جاني وطال الانتظار
والله لا ابللني دموع وللزمان يشرني
والله يا مالي عنك يا التاكسي ويا ذاك المطار
ما عاد لي في ديرة مجهولها ماضرني

حمد السعيد