السلام عليكم ورحمه الله وبركاته،،
موضوعي عن حالة البنات بعد الزواج "مادياً" اغلب البنات طبعا مدلعات في بيوت الاهل وطلباتهن مجابة من الالف الى الياء..
ومتعودات على الصرف ،، وبعضهن كن موظفات ويستلمن راتب وقدره كذا وكذا حتى لازمهن الشعور بالاستقلال المادي ...فتعودن على تصريف انفسهن اقتصاديا ..
ولكن ماذا بعد الزاوج؟
غالبا ازواج اليوم رواتبهن لا توفي جميع متطلبات الزوجة او لا توفي غرورها كما كانت سابقا
هنا تقع الزوجة في صراع .. هل ابحث عن وظيفة لاشعر باستقلاليتي؟ ولكن اذا فعلت فلن يتعود زوجي الحبيب على الصرف علي.. ؟؟
ماذا افعل..
انا احداهن..
(محتارة يابنات هل اطلب من زوجي مصرف شهري ولكني اخاف ان يتقيد بهذا المصروف ولا يزيد عليه حتى وان زادت حاجتي عنه؟ او اطلب عند الحاجة فقط ولكن مشكلتي كنت متعود اصرف على نفسي ولم اكن اطلب الكثير حتى من امي وابي الله يطول باعمارهن)
في هذه الحالة.. ماذا افعل
استقبل اقتراحاتكم وافكاركم ،، ولاباس من تجاربكن الشخصية...
فالموضوع مؤرقني..علما باني متزوجة من 4 اشهر فقط
اختكم
جست برايد:)
بنات كيف تأقلمتي مادياً بعد الزواج ؟ خلونا نتبادل الخبرات والافكار
*
30-03-2008 | 03:55 AM
ا
30-03-2008 | 07:38 AM
طبعا مصروف شهري ولا عليج بعدتحملي ماتطلبينه الا عند الحاجه بيقول مو لازم مو ضروري عوديه على مصروف شهري
ق
30-03-2008 | 09:41 AM
ايه عوديه بس لاتزيدين على اكثر من حاجتج،، ومادري اشقصدج زادت مصاريفج بعد الزواج،،، ليش اشقاعدة تصرفين فلوسج فيه؟؟؟
المفروض الوحدة اتصير حكيمة بالصرف واتحاسب،، والله يعينج لو جاج البيبي اشراح اتسوين ..
اعرف رفيجة اختي مدرسة وراتبها كله مفسفسته ع الكشخة واللبس والماكياج وماعندها اي خلاف لكن يوم عرست تغي ركل كل شي، وصارت اتحاسب ع الصرف وحست بالمسؤلية....خصوصا بعد يوم جاها الطفل الاول
المفروض الوحدة اتصير حكيمة بالصرف واتحاسب،، والله يعينج لو جاج البيبي اشراح اتسوين ..
اعرف رفيجة اختي مدرسة وراتبها كله مفسفسته ع الكشخة واللبس والماكياج وماعندها اي خلاف لكن يوم عرست تغي ركل كل شي، وصارت اتحاسب ع الصرف وحست بالمسؤلية....خصوصا بعد يوم جاها الطفل الاول
ك
30-03-2008 | 10:02 AM
لازم تعودين نفسج على حالته الماديه
وتحملي تتذمرين لانج رضيتي به وانتي عارفه انه هذي حالته..
يعني لاتزيدين همه وانتي متى ما احتجتي اطلبي منه وان شاء الله مايقصر عنج..
الله يسخره لج ويجمع بينكم في خير يارب..
وتحملي تتذمرين لانج رضيتي به وانتي عارفه انه هذي حالته..
يعني لاتزيدين همه وانتي متى ما احتجتي اطلبي منه وان شاء الله مايقصر عنج..
الله يسخره لج ويجمع بينكم في خير يارب..
و
30-03-2008 | 10:02 AM
اول شي حبيبتي ... مبروك على الزواج ...
ثاني شي ... انت قبلتي بزوجك ... يعني تعرفي ضروفه صح .... والزوجة الصالحة هي الي توقف مع زوجها في اصعب ضروفه
من حقك يكون لك مصروف خاص ... لكن مايكون هالمصروف فوق طاقة الزوج
انت شوفي راتب زوجك
والمستحقات الي عليه (من ديون واجارات وفواتير )
يعني
خلي عندك دفتر خاص
تحطي فيه راتب زوجك... وسوي جدول بلأساسيات مثل ماقلت لك
اجار شقة اذا عندك... فاتورة التلفونات ... وباقي المصاريف
اوكي
بعدها انت شوفي كم يظل من الراتب
وعلى اساسه تحددي بلاتفاق مع زوجك ... كم تحتاجي هالشهر من الراتب
وتقدروا بعد تشيلوا جزء بسيط جدا من الراتب ... وتخلوه في ظرف للطوارىء فقط
اما عن الوظيفة...
اذا تحسي انك محتاجة للوظيفة .. وزوجك ماعنده مانع .. توظفي
وخلي زوجك يصرف على البيت بس ... واما المصاريف الشخصية عندك راتبك .. لين يتحسن وضع زوج
وصدقيني وقفتك مع زوجك راح يقدرها
وكلنا في بيت اهالينا مرفهين وماكنا نقدر الفلس
لكن بعد الزواج نحس بالمسؤلية اكثر
موفقة ان شاء الله
ثاني شي ... انت قبلتي بزوجك ... يعني تعرفي ضروفه صح .... والزوجة الصالحة هي الي توقف مع زوجها في اصعب ضروفه
من حقك يكون لك مصروف خاص ... لكن مايكون هالمصروف فوق طاقة الزوج
انت شوفي راتب زوجك
والمستحقات الي عليه (من ديون واجارات وفواتير )
يعني
خلي عندك دفتر خاص
تحطي فيه راتب زوجك... وسوي جدول بلأساسيات مثل ماقلت لك
اجار شقة اذا عندك... فاتورة التلفونات ... وباقي المصاريف
اوكي
بعدها انت شوفي كم يظل من الراتب
وعلى اساسه تحددي بلاتفاق مع زوجك ... كم تحتاجي هالشهر من الراتب
وتقدروا بعد تشيلوا جزء بسيط جدا من الراتب ... وتخلوه في ظرف للطوارىء فقط
اما عن الوظيفة...
اذا تحسي انك محتاجة للوظيفة .. وزوجك ماعنده مانع .. توظفي
وخلي زوجك يصرف على البيت بس ... واما المصاريف الشخصية عندك راتبك .. لين يتحسن وضع زوج
وصدقيني وقفتك مع زوجك راح يقدرها
وكلنا في بيت اهالينا مرفهين وماكنا نقدر الفلس
لكن بعد الزواج نحس بالمسؤلية اكثر
موفقة ان شاء الله
ح
30-03-2008 | 04:26 PM
والله موضوع حلو ,,
ومنكن نستفيد ,, انا لين هالحينه ما عندي مسؤوليه
أصرف على نفسي ,, وبعدين الله كريم
ومنكن نستفيد ,, انا لين هالحينه ما عندي مسؤوليه
أصرف على نفسي ,, وبعدين الله كريم
إ
30-03-2008 | 06:44 PM
حبيبتي خلج اقتصادية
يعني صح انج زوجة وتبين تدلعين وتبين اشياء وااااااااااااااااااااااااااااااااااااااااااااااااااااااااااايدة بس شرط لا تسرفين
و اذا عن سالفة الشغل شوفوا هاي هي الغلطة الكبيرة ( افتحي عقلج وياي )
ترا البنت اذا اشتغلت ريلها بيقول عندج المعاش سيري اشتري وهي من كثر ما هي مصرّه تبا اللي تباه بتروح .. واهني بتعطون الفرصه للريال يتصرف بكيفه فلوسه زياده عادي يتزوج يلعب يضيع ... الخ
لا تتركون هالثغرة والمجال يتفتح ويتوسع .. شغلوا مخوخكم
عادي اشتري لج اشياء تحتاجينها وااااااااااايد وخلي عنج الاشياء التافه
وصدقيني هو بيرتاح ونفس الشي انتي بعد بترتاحين ^^
واذا بغيت طرق مثلى في ترتيب وضعج علشان تكونين لبيتي طلباتج ونفس الوقت ريحتي زوجج راسليني بالخاص وبقول لج
يعني صح انج زوجة وتبين تدلعين وتبين اشياء وااااااااااااااااااااااااااااااااااااااااااااااااااااااااااايدة بس شرط لا تسرفين
و اذا عن سالفة الشغل شوفوا هاي هي الغلطة الكبيرة ( افتحي عقلج وياي )
ترا البنت اذا اشتغلت ريلها بيقول عندج المعاش سيري اشتري وهي من كثر ما هي مصرّه تبا اللي تباه بتروح .. واهني بتعطون الفرصه للريال يتصرف بكيفه فلوسه زياده عادي يتزوج يلعب يضيع ... الخ
لا تتركون هالثغرة والمجال يتفتح ويتوسع .. شغلوا مخوخكم
عادي اشتري لج اشياء تحتاجينها وااااااااااايد وخلي عنج الاشياء التافه
وصدقيني هو بيرتاح ونفس الشي انتي بعد بترتاحين ^^
واذا بغيت طرق مثلى في ترتيب وضعج علشان تكونين لبيتي طلباتج ونفس الوقت ريحتي زوجج راسليني بالخاص وبقول لج
ا
30-03-2008 | 07:12 PM
والله انا تعبت في السنين الاولى لاني كنت مدلعه في بيت اهلي
كلمة غالي ماقد سمعتها في بيتهم
امكن الايام اللي عشتها اول زواجي كانت صعبه عشان زوجي والارتبطات اللي كانت عليه عشان الزواج
بعدها بكم سنه رجعت لحياتي الاولى اللي في بيت اهلي والحمدلله اهم شئ اني تاقلمت عليها وكنت صابرة والحمدلله ربي عوضني
كلمة غالي ماقد سمعتها في بيتهم
امكن الايام اللي عشتها اول زواجي كانت صعبه عشان زوجي والارتبطات اللي كانت عليه عشان الزواج
بعدها بكم سنه رجعت لحياتي الاولى اللي في بيت اهلي والحمدلله اهم شئ اني تاقلمت عليها وكنت صابرة والحمدلله ربي عوضني
m
30-03-2008 | 08:43 PM
[GRADE="00008B FF0000 008000 4B0082"]شوفي حبيبتي
أنا موظفة وقبل ماااتزوج كنت اصرف على نفسي وكمالياتي بلاحدوووووووود مأبخل على نفسي بشئ ولكن بس تزوجت ,,الحمد لله زوجي ميسووووووووووور ولا عمره سألني على راتبي كم ولا وين أصرفه بس تغيرت قناعاتي ,,
صح أصرف على نفسي بس مو مثل أول ,, خصوصا بعد الله رزقني بعبودي ولولو ,, أصرف على كمالياتهم بس أما مصروف البيت ومصاريف العيال الاساسية عليه حتى في المناسبات رغم ان عندي لكن هو اللي يصرفهم لأاني ماابي أعود الرجااااااال على أنه يشيل يده من كل شئ
شوفي يالغلا,, أقلمي نفسك مع زوجك ,,اطلبي الله تبيه بس حسب ظروفه يعني لااترهقينه بطلباتك ولا تبخلي على نفسك خذي الاولى فالاولى
موفقة[/GRADE]
أنا موظفة وقبل ماااتزوج كنت اصرف على نفسي وكمالياتي بلاحدوووووووود مأبخل على نفسي بشئ ولكن بس تزوجت ,,الحمد لله زوجي ميسووووووووووور ولا عمره سألني على راتبي كم ولا وين أصرفه بس تغيرت قناعاتي ,,
صح أصرف على نفسي بس مو مثل أول ,, خصوصا بعد الله رزقني بعبودي ولولو ,, أصرف على كمالياتهم بس أما مصروف البيت ومصاريف العيال الاساسية عليه حتى في المناسبات رغم ان عندي لكن هو اللي يصرفهم لأاني ماابي أعود الرجااااااال على أنه يشيل يده من كل شئ
شوفي يالغلا,, أقلمي نفسك مع زوجك ,,اطلبي الله تبيه بس حسب ظروفه يعني لااترهقينه بطلباتك ولا تبخلي على نفسك خذي الاولى فالاولى
موفقة[/GRADE]
ب
30-03-2008 | 09:10 PM
انا عيبني رد الاخت وحي فيروز
و انا اقول خليه يعطيج مصروف شهري تاخذين منه حاجاتج الضروريه و هي الاهم
و اذا صار و احتجتي شي ضروري و ما كفاج اللي عندج ممكن تتفاهمين معاه
بس مهم من بداية حياتكم تتفاهمون ع سالفة الفلوس
بشي يرظي الطرفين
لا تكلفين عليه بشي ما يقدر عليه و في نفس الوقت لا تعودينه انه ما يعطيج شي
لا خليه يعطيج بس الشي المعقول اللي هو يقدر عليه و انتي حسبيها معاه مثل ما قالت الاخت
و هذا ريلج بتعيشين معاه حياتج
ان تعبيته في طلب الفلوس انتي تراج بتتعبين وياه
و اكيد كل واحد يبا راحة الثاني
و اذا يعني الراتب وايد ضعيف و ريلج موافق انج تشتغلين .. اشتغلي و ساعديه
بس بعد اذا اشتغلتي مب خلاص تعيشين من راتبج و تنسين انه عندج ريل مسؤول عنج
خليه يتحمل مسؤوليتج و مسؤولية البيت
و ربي يوفقكم
و انا اقول خليه يعطيج مصروف شهري تاخذين منه حاجاتج الضروريه و هي الاهم
و اذا صار و احتجتي شي ضروري و ما كفاج اللي عندج ممكن تتفاهمين معاه
بس مهم من بداية حياتكم تتفاهمون ع سالفة الفلوس
بشي يرظي الطرفين
لا تكلفين عليه بشي ما يقدر عليه و في نفس الوقت لا تعودينه انه ما يعطيج شي
لا خليه يعطيج بس الشي المعقول اللي هو يقدر عليه و انتي حسبيها معاه مثل ما قالت الاخت
و هذا ريلج بتعيشين معاه حياتج
ان تعبيته في طلب الفلوس انتي تراج بتتعبين وياه
و اكيد كل واحد يبا راحة الثاني
و اذا يعني الراتب وايد ضعيف و ريلج موافق انج تشتغلين .. اشتغلي و ساعديه
بس بعد اذا اشتغلتي مب خلاص تعيشين من راتبج و تنسين انه عندج ريل مسؤول عنج
خليه يتحمل مسؤوليتج و مسؤولية البيت
و ربي يوفقكم
ا
30-03-2008 | 10:06 PM
عودي زوجك اذا نقص شي يجيبة احسن من المصروف واذا شفتي انة متضايق قولي لة عطني مصروف شهري
w
31-03-2008 | 03:05 AM
طرح الموضوع يفيد حتى البنات والله انا لاحظت هالشئ وايد..بنات بيت اهلهم طلباتهم مجابه لكن بعد العرس هناك التزامات وايد ويصير العكس..وانا اتمنى يكون زوج المستقبل مرتاح ماديا..احس صعب اتأقلم اني احدد مصروفي ومااخذ اللي ابيه..والله يسهل الامور يارب..
س
31-03-2008 | 05:01 AM
الله يكون بالعون
في هالزمن كل شي غالي مافي شي مارفعوا سعره حسبي الله ونعم الوكيل
من ناحيه المصروف مثل ماقالوا البنات على حسب طاقه الزوج وراتبه والاتزاماته خصوصا اذا كان عنده ديون او اقساط فراتب بيكون مقسم على حسب الاولوياات
انا بقولك عن وضعنا وطريقه تقسيم الراتب
زوجي راتبه اربعه الاف بس
وعندي طفل واحد
والبيت الحمد لله ملك وماعندنا اقساط
تقريبا مصروفي من 1000 الى 1500
وماخذهم دفعه وحده لاني بخلصهم وفي النهايه ماشتري لي ولا شي كله حق ولدي مادري ليه الله يرحم ايام اول كنت اشتري ملابس بالهبل
المهم باقي الراتب لاغراض البيت والفواتير يعني يالله مكفينا الراتب ودايما افكر واقول لو عندنا اجار بيت شراح نسوي !!!!
تبين الصراحه نفسي اسافر في الصيف بس الظاهر مافيه ااااااامل
يارب ترزقنا وترزق المسلمين اجمعين
ل
31-03-2008 | 12:04 PM
شوفي يالغاليه
زوجك ملزوم انه يعطيك مصروف شهري اقل شيء 1500 ريال ( مع انه في هالزمن ما تنفع :( ) لازم تعودينه على هالشيء
وبمصروفك اشتري اشياء الضروريه فقط والكماليات لاحقه عليها ، وانتبهي تاخذين من اهلك وهو مايدري لانه اذا عرف بيقولك كل ماط لبتي منه مصروف خذي من اهلك ...
سؤال للبنات اللي متزوجات ويشتغلون :
هل فكرتوا انكم تتركوا الشغل بعد الزواج او لا ؟ وبالإجابتين عللي السبب ..
انا اشوف حال صديقتي كيف زوجها بخيل عليها في كل شيء حتى العطر ما عندها ابد الله يهديه يا رب
زوجك ملزوم انه يعطيك مصروف شهري اقل شيء 1500 ريال ( مع انه في هالزمن ما تنفع :( ) لازم تعودينه على هالشيء
وبمصروفك اشتري اشياء الضروريه فقط والكماليات لاحقه عليها ، وانتبهي تاخذين من اهلك وهو مايدري لانه اذا عرف بيقولك كل ماط لبتي منه مصروف خذي من اهلك ...
سؤال للبنات اللي متزوجات ويشتغلون :
هل فكرتوا انكم تتركوا الشغل بعد الزواج او لا ؟ وبالإجابتين عللي السبب ..
انا اشوف حال صديقتي كيف زوجها بخيل عليها في كل شيء حتى العطر ما عندها ابد الله يهديه يا رب
l
31-03-2008 | 01:19 PM
فعلا موضوع مهم جدا خاصة للي في بداية حياتهم الزوجيه
f
31-03-2008 | 01:39 PM
عيل أسمعي قصتي أنا يا حبيبتي...زوجي الله يحفظه لما خذني كان مطلق و كان أصلا ما صارله سنه من زواجه السابق فيعني تزوجني حار بحار و هو بعده ما خلص كل اجراءات الطلاق..المهم زوجي صرف في زواجه السابق ما يقارب 300 ألف درهم..يعني صرف مال هبل و في هاكي الأيام يعني قبل 4 سنين هذا المبلغ يعتبر وااايد..حتى أن كل أحد تكلم عن هذا الزواج الفخم من الفرق للمراسم للأكل للأحتفالات في البيت إلي كانت أسبوع متواصله في بيت المعرس و العروس و بعد في الفندق..المهم بعد كل هذا سبحان الله الزواج دام 9 شهور و حصل الطلاق..بس زوجي كان غرقان بالديون..أنا و لله الحمد من عايله حالها شوي أفضل يعني الوالد الله يطول في عمره ما كان يقصر علينا بشيء و كان معروف عنا أن بناته من أشيك البنات و كل و حده من تخلص الثانويه عندها سياره و طبعا الوالد مب مقصر في أي مبلغ نطلبه منه بالالاف و لله الحمد..يعني كنت ألبس و أكشخ و عندي ككككككل شيء و ما مقصره في عمري و بعد اشتغلت بس ما كان هامني الراتب لأني أصلا ما كان قاصرني شيء حتى من غير الراتب...المهم لما جا زوجي يخطب فهم أهلي في الخطوبه بظروفه الماديه و قال أنه مديون بمبلغ يصل لل200 ألف تقريبا..طبعا أهلي سألوا عنه و هو ماشاء الله عليه أخلاق و تربيه و حتى منصب يعني بس العيب في الماده و هذا الشيء مب ظروري عند أهلي بحكم أن أبوي ربانا أن ما نشوف حالنا على الناس و نكون قنوعين.بس كان شرطهم أن يوفرلي السكن..المهم أنا وافقت و حتى إني ساعدته في الزواج حتى شهر العسل كان من حسابي الخاص..و سبحان الله حتى الشقه إلي سكنا فيها كانت متوفره عن طريق الدوام إلي أشتغل فيه بحكم أنهم يوفرون الشقه للمزوجين...و صار الزواج..و من هنا بدأ العذاب..و بدأت مواجهة الحقيقه و بدأ التصادم مع الواقع...فعلا فعلا حسييييييييييييت بالفرق الكبييييييييير بيني و بين خواتي لأن ماشاء الله كلهم متزوجين رياييل حالتهم ميسوره..يعني لما أقعد مع خواتي كل وحده تتكلم عن الماركات و اللبس و الألماسات و أنا مسكين حالي (دا كان زمان) يعني يا حسره حتى شبكتي انصدمت أنها طلعت زركون مع إني أتحرى وحليلي أن الشبكه لازم تكون ألماس و بس....المهم بديت استصعب الحياه و زوجي كان متفهم و مقدر هذا الشيء و كان يصبرني و كان يقولي بس صبري علي من ديوني أطيح بعوظج عن كل شيء..والله أن هذا الكلام كان مريحني و كأنه كان يصب الماي البارد علي و يبرد حرارتي..حتى مسكين من كثر ما أكسر خاطره يقولي حبيبتي أنتي أشتري مثل خواتج و أنا بدفع و أنتي ما يخصج في الفلوس عندي و لا لا...بس و الله أنا عارفه أن ما عنده ليش أقص على عمري و أخليه يتسلف و بعد أطول مدة الديون..المهم ظليت على هذي الحال لمدة سنتين و الله رزقني فيهم ببنوته..و الحمد لله كنت كثر ما أقدر ما أقصر على عمري و أحاول أوفر راتبي و أصرفه على عمري و يكون حالي من حال خواتي..والله إذا عن الشنط الماركه الحمد لله في السنه بدال الشنطه ثلاث شنط و الحمد لله زوجي مره فاجأني بحلق ألماس عود ماشاء الله كانت هديه و كان رووووووووعه و سبحان الله كان من فلوس حصلهم بمناسبة فوز فريق الكره (لأن هو عضو في نادي)..المهم راح أكمل بعدين
*
02-04-2008 | 04:03 AM
الله يعطيكم الف عافية يابنات على تفاعلكم وارائكم..
وانتظر البقية عشان بشوف اي كفة نرجح المصروف او الطلب عند الحاجة او الوظيفة ..
شكرا مرة اخرى
وانتظر البقية عشان بشوف اي كفة نرجح المصروف او الطلب عند الحاجة او الوظيفة ..
شكرا مرة اخرى
ب
02-04-2008 | 04:53 PM
شوفي ياختي انا نفس الحالة كنت ببيت ابوي طلباتي على قدي وجميعها مجابة وحالة ابوي المادية زينة ولكن عقب الزواج حسيت بالفرق لاني ما اشتغل يعني مصروفي علي ريلي وطبعا اكيد علية ديون مصاريف الزواج وبنفس السنة اللي تزوجت فيها يبت بنتي يعني المصاريف زادت اكثر على زوجي والراتب شيكفي ايجار الشقة ولا مصاريفنا ولا الديون ولا ..ولا ........المهم انا فهالفترة الحمداللة ما شتكيت ولا تذمرت وللة الحمد ان اللة مع الصابرين فاللة عوضني وتوظفت ولكن ..................................................................................................................................
تحملي تطلبين هلج مصروف لان امي كانت تعطيني مصروف شهري وبعد فترة عرف ريلي بالموضوع فصار
ما يهتم بموضوع مصروفي ولا حتى مصروف بنتة لانة بيحس انة خلاص عندها من يصرف عليها
والحين وهالفترة الحمداللة الاوضاع تحسنت لكن من البداية ماعودتة انه يعطيني مصروف
ولكن على حسب الميزانية قعدي معاة واتفقوا من البداية على مصروفج الشهري
واللة يوفقج يالغالية
تحملي تطلبين هلج مصروف لان امي كانت تعطيني مصروف شهري وبعد فترة عرف ريلي بالموضوع فصار
ما يهتم بموضوع مصروفي ولا حتى مصروف بنتة لانة بيحس انة خلاص عندها من يصرف عليها
والحين وهالفترة الحمداللة الاوضاع تحسنت لكن من البداية ماعودتة انه يعطيني مصروف
ولكن على حسب الميزانية قعدي معاة واتفقوا من البداية على مصروفج الشهري
واللة يوفقج يالغالية
م
18-04-2008 | 02:34 AM
أجل شقول أنا اللي عندي عقده من قضية المصروف
أنا مخطوبه و باقي على زواجي 4 شهور
ما تعودت آخذ مصروف من أهلي و هذا الشي مضايقني مره
و انا موظفه على بند يعني شهر فيه راتب و شهر بدون و شهر يجي الراتب ناقص
أمي ما تقصر بس الوالد ماسك شوي
و خطيبي ماني عارفه أحدد شنو طبيعته و كيف صرفه
موضوع الفلوس حساس بالنسبه لي خصوصا اني تعودت أني أنا اللي اصرف على نفسي و انتظر اليوم اللي القى فيه الإنسان اللي يصرف علي
ما يعيشني عيشة الملوك بس يكفيني أنه يحسسني بالاكتفاء
أنا مخطوبه و باقي على زواجي 4 شهور
ما تعودت آخذ مصروف من أهلي و هذا الشي مضايقني مره
و انا موظفه على بند يعني شهر فيه راتب و شهر بدون و شهر يجي الراتب ناقص
أمي ما تقصر بس الوالد ماسك شوي
و خطيبي ماني عارفه أحدد شنو طبيعته و كيف صرفه
موضوع الفلوس حساس بالنسبه لي خصوصا اني تعودت أني أنا اللي اصرف على نفسي و انتظر اليوم اللي القى فيه الإنسان اللي يصرف علي
ما يعيشني عيشة الملوك بس يكفيني أنه يحسسني بالاكتفاء
د
01-05-2008 | 05:04 PM
السلام عليكم اختي انا متزوجة من ست سنوات وضع والدي الله يحفظه والحمد لله جيد ولكن زوجي لمدة خمس سنوات على راتب قليل ووالله لم اكن اعرف عنه شيء بعد الزواج انصدمت بذلك ولكن ولله الحمد ثم لأمي الغالية هي كانت سندي بعد الله ثم زوجي لانه كان ولازال من افضل الرجال معي تاقلمت مع الوضع بعد رابع أشهر من الزواج سلمني زوجي مصروف البيت فاحسست بالمسؤلية واصبحت احسب اين وماذا وبماذا اصرف واخر شيء افكر به هو شراء شيء لي الان بعد خمس سنوات اي السنة الماضية ترك شغله واسس شغله الخاص واصبح الوضع اصعب حتى الخروج من البيت قليل فقط عند اهله صدقيني عندما تقتنعين انت انت بذلك تدخل السعاده الى حياتك ويصبح اي شيء اخر مجرد كماليات لا قيمة لها ويكفي نظرة حب وتقدير منه صدقيني يا اختي افضل شيء ان تقدري وضع زوجك ولا تحسسيه بالقلة لان ذلك يجرح رجولته ولا تقولي له كنت عند اهلي كذا لان ذلك اصعب شيء على الرجل والله يوفقك ويسددك ويجعل حياتك كلها حب ومودة