تمنيت اموت قبل لا اكبرها، والسبب طبعها

السلام عليكم ورحمة الله وبركاته

شهالكلام اختي ؟؟؟... اسمحي لي وبكلمج بلهجة عتب وشديدة بعد مهما كان صياح الياهل ومهما أذتج لا تتمنين لها هالامنية الي تعور القلب ترضين لو كنتي عايشة طول حياتج يتيمة ومرت ابو تربيج ما ترحمج او الناس تتلقفج من يد للثانية ؟؟.. لا تدعين على نفسج ترى الدعاء ع النفس حرااااااااام وما يجوووز


وثاني شي ياهل فقيرة الله وما تفهممممم مالها مخ وصج يدوخون بس مب ذنبهم اعتمادهم الكلي علينا لانهم ما يعرفون شي للدنيا وصعب عليهم يفارقون الحضن الي تموا داخله 9 شهور صعب صعب صعب


وناس وايد يتوهقون في السياقة وي عيالهم اشتري لها العاب موسيقية او اعطيها اللهاية او العاب تتحرك بالسيارة وهيه وايد صغيرة 4 شهور اكيد بتيوع في الدرب او بتحس بالضيج


لا تقسين على بنيتج ومردها بتكبر وبتعرسينها وبتصيحين حزتها لانج كبرتيها واهتميتي فيها لين ياخذها ريال يشكر في تربيتج وسنعها والله يحفظكم لبعض

في أمان الله

الله لايقولها انشاء الله تربيها وتكبر وتعزمينا على زو اجها

والاطفال كلهم كده اصياح وتعب لكن اذا كبرو بعوضونا بس نسأل الله نبلغ فيهم


استغفري ربك وصلي ركعتين وادرسي لك قران واطلبي من ربك يهديها


والجنه ما صارت تحت اقدام الامهات الا من التعب الي بحصلوه في حملهم و ولادتهم و تربيتهم


تقولي هذا الكلام وبعد كم شهر تكبر وتشوفي حلاتها وتتاسفس الف مره على كلامك

سلام عليكم يالغاليه أم شجاع

استغفري ربش الليي رزقش اياها و طالعي المحرومين و أدعي بأن الله يرزقهم الذريه الصالحه
و شوفي كلنه نعاني مع عيالنه و من مشكله الى مشكلة و هذه سنة الحياة الليي الكل ماشي عليها

قولي ياربي أهديها و اجعلها ذخرا لييي في الدنيا و الآخره

بتكبر و بتذكرين كلامش هذا وبتقولين الحمد لله على نعمتك:)

سمحي لي يام نجد بتعليق..
انت لما تشوفين طفلة يتيمة ما تكسر خاطرش وتتالمين عليها!،،تقدرين ينظرون الي بنتش بهلنظرة !

اختي ام شجاع ربنا يهدي بنوتك ويخليكوا لبعض ويا حبيبتي دي لسه صغيرة ربنا يبارك فيها ومش انتي لوحدك الي بتتعذبي مع بنتك والله كل اسبوع نخرج بنوتي تقعد 10 دقايق في العربية بتاعتها وبعد كده عياط وصريخ يسمع كل الناس باضطر اشيلها وامشي بيها ربنا يخليهم لينا ويخلينا ليهم وندلعهم

أستغفر الله العظيم

الحمد لله أنتي عكس الأمهات

كل أم تدعي الله يبلغها في عيالها وأنتي تتمنين يتمها حرام عليك

شمعنى أم وشقيمتها أذا ما تحملت ضناها

اش فيش ام شجاع على البنت ...تحمليها تراها نعمه من ربج غيرج يتمناها محررررررررروم منها....عيل ليش الجنه تحت اقدام الامهات مني والطريق ...استغفري ربج ...الله يهديج خلي اعصابج باردة ...ومثل ما قالت الاخت اقرأي القرآن انتي وبنتج بتهدئون ...الله يحفظكم لبعض ان شاء الله ولا تقولين هالكلام مرة ثانيه خيو....

طلبي لها الهدايه ترى للحين ماشفتي شي احنا اللي عندنا يسون اشيه اخس من جذي بس بعد شنسوي هاذلين عيالنه مالنه بد منهم والله يهديهم ويحفضهم لنه من كل شر

أم شجاع

شهالكلام الله يهديج

معقولة اللي حمليتيها 9 شهور في بطنج وتعبتي عليها في الحمل وتحملتي الطلق عشان تطلعيها للدنيا وتقول لج ماما وتسمعين منها هالكلمة

معقولة اللي تنتظر حضنج وتنتظر تشوفج بس تتمني لها اليتم؟

ام شجاع والله دمعت عيوني على بنتج

هذي ياهل يا عمري ما تفهم وما عندها طريقة تعبر عن شعورها الا الصياح

تتوقعين امهاتنا ما تعبوا فينا ؟

تتوقعين ما كنا نصيح وامهاتنا يتعذبوا ويانا

شوفي موقعج الحين بالنسبة لامج

وتخيليها باجر تكبر وتصير لج سند

ام شجاع استغفري ربج

واحمدي ربج على النعمة

غيرج مو لاقي حد يقول له يا ماما

السلام عليكم

هلا حبيبتي ام شجاع .. حبيبتي اشوي اشوي على البنوتة وبلاه هالكلام اللي لا راح يودي ولا اييب يعني كلام من دون نتيجة .. هدي بالج ..

حبيبتي انا اتوقع ان بينج وبين بنتج فراغ يعني قد ما تقدرين خل وقتج لها واتحملي اي شي يبدر منها لان هذه طفلة وما اتميز بين الصح والخطأ .. اتوقع اللي فيج نوع من انواع الاكتئاب اسمحي لي اكتئاب ما بعد الولادة ..

حبيبتي ليش ما اتخلين بنتج يوم كامل عند الماما شوفي اشلون بنتج من دونج اتكون وانتي اشلون اتكونين من دونها بتحسين ان حياتج ولا شي من دونها وحياتش صارت احلى واحلى بوجودها .. وبعد هاليوم خلج معاها وظل اتأملي في عيونها وشوفيها اشلون تتأمل في كل جزء منج واتأملي في اصابعها وقولي سبحان الله الله اتأملي في كل جزء منها وخلي وقتج معاها انتي اللي قومي بتبدليها انتي اللي اكليها وانتي اللي على طول تابعيها وبتشوفين اشلون بتتغير حياتج . واذكري الله في كل وقت اتحسين نفسج معصبة وسبحي طول الوقت .. خلي في بالج ان الاطفال احباب الله يعني واجب عليش تحمينهم . والله يخليج لها ويخليها لج .. وما فيها شي عيوني انج تعرضين نفسج على دكتور نفسي وهذه بداية واتمنى اتكونين بحال افضل :) وهذا رأييي .

مجنونه انتي وش هالكلام ....


عيالي يسوون فيني اكثر من كذا

صرت اكره السوق والخرجه عند الناس منهم

بس






عمري ماقلت هالكلام

ولا دعيت عليهم


بالعكس الله يهديهم ويكبرهم وماانحرم من شوفتهم طول العمر يارب





كيف تبين الجنه تحت اقدام الامهااااااااااااااات ؟؟؟

ربيعية

الله لايقولها انشاء الله تربيها وتكبر وتعزمينا على زو اجها

والاطفال كلهم كده اصياح وتعب لكن اذا كبرو بعوضونا بس نسأل الله نبلغ فيهم


استغفري ربك وصلي ركعتين وادرسي لك قران واطلبي من ربك يهديها


والجنه ما صارت تحت اقدام الامهات الا من التعب الي بحصلوه في حملهم و ولادتهم و تربيتهم


تقولي هذا الكلام وبعد كم شهر تكبر وتشوفي حلاتها وتتاسفس الف مره على كلامك

فعلا هالكلام


الله يخليها لك ويخليكي لها وتبلغي فيها يارب


وترى كل الأطفال كذا وبالذات من عمر بنتك

لانها مره صغيرة ولسه لا لها مخ يفكر ولا احساس بش وبتعبش


ولهذا الله سبحانه أمر الولد أن يحترم والديه

وبالذات الأم

من فضلها على طفلها في حماله وولادته وتربيته


الله يعينش ويعينا على تربيتهم ويبلغنا فيهم

عزيزتي ما اقول الا مثل الباقين
الله يهديك ويهديلك
هذا ترى من الشيطان
وهذه امانه عليك ان تؤديها
على اكمل وجه
عزيزتي هذا تصرفك امام مثل هذه المشكله
البسيطه بما يقارن بمشاكل الاطفال
وش عاد لما توصل بنتك الله يحفظها
للمراهقه وش تبي تسوين
تعوذي من الشيطان واقرائي عليه
واستغفري لله واسأليه العون والصبر

السلام عليكم

صلي على النبي خيو ولا تقولين جذيه ،،، كل اليهال جذيه خيو كله يصيحون وكله يزنون اني بنتي جذيه بعد بس لا تتعبين نفسيتش على هذا الشي ،،، الطعله يمكن كانت صعبه عليها لانه المعرض فيه ناس وايد ،، حاولي تشوفين طرق والعاب تحبها تحملينها وياش لمه تطلعين عشان تسكتينها بهم في الطلعه ،، والله يخليش ليها وتشوفيها عروس ويخليها ليش وتفتخري فيها لمه تكبر

ام شجاع والله دمعت عيني انا ماااقول اني رقيقة مشاعر لا بصراحة بنتك كسرت خاطري عدل تعالي شوفيني في السيارة وياهم يوم كانوا صغار تخيلي من اركب السيارة لين اوصل بيت ابوي واحنا في وقعة ثنتيهم يصيحون وانا حتى ماقلت لو انهم وحدة انجان والله مااقدر حتى اكتبها شلون انتي تتمنين ليها هالشي يعني والله اتحمل صراخهم ولا اعتب عليها وانا في السيارة الود ودي ثنتيهم في حضني بس شلون مايصير وانا للحين لما احطهم في العربة من انه متعودين لازم يصيحون اشيل وحدة واحط وحدة ساعات نضطر انه نوقف نص الشارع عشان نبدل نشيل الى في الكرسي وانحط الثانية واحنا مانتذمر هذولا جزء منا شلون تقولين عنها جذي ماادري كيف يطاوعك قلبك تقول هالكلام ردي للصفحات القديمة وشوفي المواضيع كلها تذمر على هالبنية الي لا حول لها ولاقوة

اسم الله عليش

لاتقولين جدي

انشاءالله تربينها وتكبرينها وتشوفينها عروسه

والله اني بعد حمودي جدي كلا يصيح وما يبي احد غيري

حتى ابوه اذا ياخده مايسكت عنده

ساعات اعصب واصارخ عليه .. بس من اشوفه نايم يكسر خاطري واقول الله عاطنا نعمه مو عارفين ليها وناس مساكين الله مو رازقنهم

الله يرضى عليك ادعى ان الله يهديها ويخليك لها يا رب ويصلحها ....ترى عندى ولد ملقوف وبكاى مررررررررررره لدرجة زوجى يكره المشوار وهو معانا هههههههههههههههههه بس ادعى من كل قلبى ان الله يهديه.....................الله يوفقك ويسعدك دنيا واخره..............

اسمحيلي أختي أم شجاع أنتي غلطااااااانة تدعي على بنتك
حرااااااام والله رحمتها كثيييير بنتك...
حاولي مرة ثانية لما تطلعي تكون نايمة أو شبعانة
واعطيها ألعاب عساس تتسلى فيهم