هتكلم معاكو انهاردة عن اهم الحاجات الى لازم تتعمل اول الدكتور يبشرنا ان في بيبي جاى في السكة
فاول حاجة لازم الام تعملها انها تشتري كتاب عن الاطفال والكتب دى موجودة في السوق , وبتعلمنا ازاى نتعامل مع الجنين يوم بيوم وخطوة بخطوة بس للى معندهاش الكتاب دة او مش عارفة تشترية انا هاقول لكم على شوية معلومات قريتها في بعض الكتب عن الموضوع دة :) صحيح انا معنديش اولاد ولسة مبقتش ام بس انا عندى اهتمام اعرف عن الموضوع دة
اكل صحى لنمو افضل وصحة حديد
الاكل مهم جدا بالنسبة للسيدة الحامل ولازم تاخد بالها من نوعية الاكلات اللى جسمها وجسم الجنين محتاج لها علشان تمدة بكل العناصر والمواد اللزمة لنموة بشكل صحيح وكمان يمدها بالقوة اللى تخليها تتحمل مشاق الحمل والولادة
بالنسبة للاكل اللى المفروض السيدات الحوامل يبعدو عنة
تناول الشاى والقهوة
الحوادق بمشتملاتها
الاكلات المسببة للامساك
اما الاكلات اللى المفروض يكتروا منها
الخضروات وخصوصا البروكل والكرنب والخس
الفاكهة الطازجة وخصوصا التفاح
منتجات الالبان
الفول
عسل النحل
تعملى اية في الثلات الشهور الاخيرة
الثلاث شهور دول اللى هما من السادس للتاسع يعتبروا مهمين جدا طبعا كل فترة الحمل مهمة ان الام تاحد بالها من صحتها لكن في التلات شهور دول فية حاجات مهمة جدا مطلوب من لاوم الحامل انها تعلمها لان الجنين بتكون حركتة ابتدت والام بتحس بية فهو كمان لازم يحس بيها
فمهم جدا انها تبعد عن اى ضغوط نفسية في العمل او في البيت وتبتدى دايما تكلم الجنين اللى في بطنها
حتى لو عندها مشكلة ممكن تحكى له عنها وكمان تسمع موسيقي هادئه دايما ولازم الزوج يشارج الزوجة في كل الحاجات اللى قلتها :)
من ضمن الممنوعات في فترة الحمل صبغة الشعر كمان تحاول انها تقلل من المكياج وكمان تبعد عن الالوان الغامقة وتركز على الفواتح
اية اهم احتياجات المولود
السرير
ياريت نحاول نجيب سرير مصنوع من الخشب
ولو نقدر نجيبة سرير يكفية حتى 5 سنوات يكون افضل ويكون لونو فاتح من الخشب الطبيعى ويكون لو جنب متحرك لانة بيساعد الام في المرحلة الاولى ان الطفل يكون بجانب والدتة هو على سريرة وهي على سريرها
الوان الحائط
ياريت نحاول ندهن لون الاوضة باللون السماوى خصوصا السقف ونبعد تماا عن الالوان الغامقة
الاضاءة
ضرورى تكون الاضاءة في غرفة الطفل جانبية ويفضل ان يكون بها زر خاص للتحكم في شدة الضوء
كرسى الطفل
لو الاب عندة سيارة خاصة لازم نشتري كرسي للطفل مخصص للجلوس في السيارة من اول يوم
اما لو مفيش سيارة ممكن نشتري carrycot او سرير محمول للطفل عشان التنقلات برة البيت
شننطة البيبي
لازم نشتري شنطة خاصة علشان نحد فيها كل مستلزمات الطفل من حفاضات وغيارات وبيبرونات فلازم تكون كبيرة وعملية ومريحة في حملها بحيث متسببش اى ارتباك اثناء التنقل
الملابس
لازم تكون ملابس البيبي قطنية حتى البطانية لو كانت صوف لازم نبطنها قطن ونبتعد تماما عن اى اقمشة تحتوى على بوليستر او الالياف الصناعية لان جلد الاطفال بيكون حساس وبيتاثر بسرعة
عربة الاطفال
دى اكتر حاجة بندفع فيها فلوس لاننا بنستخدمها كتير جدا فلازم يكون نوعها كويس ويستحمل
العاب الاطفال
لو فية امكانية لاحضار العاب للطفل فانسب الالعاب لة في الوقت دة ال baby jumperاو نطاطة وبتتركب في حلق الباب وبتكون محكمة وممكن مع الوقت تساعد الطفل على الوقوف وبتكون زى دى
بانيو الاستحمام
توجد انواع كثيرة من البانيوهات بس افضلها على الاطلاق الموجودة على الاستاند وفية نوع تانى بيتحط جوة البانيو
مستلزمات ضرورية
الببرونات,ميزان الحرارو,تيتينة,شفاط لين الام,حفاضات,شامبو البيبي,مقص للاظافر,فرشة شعر,اسفنجة للاستحمام
لا لبودرة التلك
من الاخطاء الشائعة استخدام بودرة التلك او الكريمات او الزيوت عند التغير للطفل ولكن الصحيح هو استخدامها عند وجود تسلخات
لدى الطفل مش عمال على بطال
وفي النهاية اتمنى ان كل سيدة حامل تقوم بالسلامة
هستناكى بعد الولادة وتقوليلى
او
مجهود شخصى ولا احلل النقل
