مشكلتي مع أهل زوجي

السلام عليكم
بدخل في الموضوع على طول انا متزوجة صارلي سنه ونص تقريبا وزوجي جدا رجال طيب واخلاق المشكله مو فيه المشكله في امه وخواته لانهم مرره محاصرينا ويبون يعرفون كل شي عن تحركاتنا صح مو ساكنين معي لكن يراقبون من بعيد طبعا يتدخلون في الراتب ووين ينصرف في كل شي اجيبه في البيت بكم اشتريته ومن وين حتى فساتيني لا صارت فيه مناسبه بكم اشتريته ووش لونه وانا مرره اتضايق وفي الاخير صاروا يجون يقعدون عندي في البيت لانهم ساكنين بمكان ثاني غير مكان سكننا وطوول الوقت شغالين كيد فيني اخته تجي تقوللي ليش تطلعين وتخلين اهلي في البيت لحالهم ووحده ثانيه تقوللي ليه تقفلين غرفتك وما تخلينا ندخلها وامه تدخل غرفتي بدون علمي بس تفتح دواليبي وتشوف اغراضي وبدون استاذان ولا اشوف عمي ابو زوجي يدخل حمامي تخيلو..:eek: واخواته ناشبين لنا في كل طلعه ودخله عينهم علينا يعني خذونا معكم وامه تسالني وين اروح ووين اجي لان مراات يدق علي زوجي من تحت يقول انزلي نطلع نتمشى اففف مرره زهقت منهم وصرت مااعطيهم وجه وكرهتهم وزوجي مقدر وفاهم تدخلات اهله حتى في سفري لاهلي ازورهم لانهم في مكان ثاني يتدخلون وكم اجلس وليش اطول تخيلوا يسون انهم يسالون عن حب وهو بس تدخل ولا هو شي مايعنيهم.. حتى وصلت فيهم انهم يقارنون بيني وبين وحده من خواته من احلى ومن اجمل طبعا من باب القهر لي بس ولا كل شي واضح لكن انا ماخليتهم طول الوقت اتحسب وادعي لانهم مرره يقهرون ومرات ابكي من حركاتهم وبالذات لاجتمعوا الخوات انواع الكيد لكن انا سااااحبه وماعلي .. بس الحمدلله اخيرا ربي وراني فيهم او في بعضهم وباقي الباقيين انا ماانسى حقي وانشالله اخذه لاني ماقدر ادافع عن نفسي ولا ابي ارد عشان مايقولون لسانها طويل ومابي اغلط في نفس الوقت عشان مايلاقون علي غلطه ..
وهذي مشكلتي معهم وانشالله تنتهي هالمشكله وارتاح:(