هذا ماحدث لي (فلم سنمائي ) حرم خالد تفضلي

اليوم قررت انزلكم هالموقف اللي اخذت منه اعظم درس في حياتي عشان موضوع الاخت حرم خالد لانه قهرني وحسيت فيه ناس كثير مازلوا يتمسكون بقيم مجتمع ملائكي لايناسب مجتمعنا الان
بتكلم لكم باللغه العاميه لاني ماحب التقييد :D
شوفوا ياحبيباتي انا معلمه درست وتخرجت في مجتمع هادي ومسالم (a) وتعينت في مكان بعيد عنا شوي لكن مجتمع ماعرف اوصف لكم كيف شكله حريم قوايا الصوت يلعلع والمشيه تقولين بتخرق الارض ونضرات حاده يعني حاجه غريبه حريم كنهم رجال :mad_argue:
المهم دخلت بهدوء وسكينه والحمد لله كونت علاقات طيبه وصداقات رائعه لانهم صح قويات ولكن احترام واخلاق عاليه وربي اني احبهم من كل قلبي
المهم درست سنتين والسنه الثالثه انخطبت لواحد من نفس هاالقبيله (احنا قبايل على فكره انا من قبيله .. ودرست وانخطبت عند قبيله ثانيه ) وتعينت في نفس مدرستي انسانه غريبه (6).. ماقدر اوصفها الا خلاصة مرض نفسي ....:(
انا بطبعي هاديه ونعومه والدموع اربع اربع من اتفه موقف:confused: .. المهم جات هالبنت وتعرفت عليها وبدينا نتعامل مع بعض عادي .. فجاءه لاحظت ان البنت تدق بالكلام مره تحرجني مره تجرحني مره تسبني بطريقه متستره مو واضحه الى درجة انها صارت تقلدني في الكلام واختكم في الله مازالت تحتفظ بالاخلاق العاليه واني ماجرح احد ولا احب ارد على احد ولا اعلي صوتي ولا امشي الا بهدوء <=== مالت بس المهم بديت اتعب نفسيا ليش تكلمني بطريقه ليش ماتحبني انا وش سويت لها بديت الوم نفسي <=== صدق دلاخه وزميلاتي يحاولون يرفعون معنوياتي ويقولون طنشيها وغيرانه منك وكلام من هذا يحاولون يصبروني من كثر ماكنت تسوي فيني
بعد فتره .. الطامة الكبرى .. انخطبت هالشيطان (6) لصديق زوجي :confused:
وبدت المشاكل تكبر اكبر فاكبر :2_106:
فالبدايه مشكلتني مع مديرة المدرسه لين صارت المديره تشوفني كنها تشوف جني ماتدانيني بعيشة الله ولحد الان
بعدين بدت توصل لزوجها كلام عني والكلام يوصل لزوجي وانا مدري وبدت المشاكل بيني وبين زوجي وهالرابط للي تبي تشوف وش صار بيني وبينه بالتفصيل :eek2:

http://www.3roos.com/forums/t279061.html
المهم ياطويلات العمر بعد السالفه اكتشفت ان اللي كان عندي مو طيبه وصفاء نفس الا غبااااااااااااااااااااااااااااء :sa36:
لان نفس الكلام اللي وصل لي عن زوجي نفسه وصل لزوجي عني وقررت من يومها ارد لها الصاع صاعين والكلمه كلمتين والله العظيم يابنات لدرجة اني صرت البس جزم وانتو بكرامه سبووووور عشان لو اضطريت على معركه اكون اوكيه لاكعب يطيحني ولا لبس ضيق يعرقلني <== حلوه صح :sm2441::sm2441::sm2441:
وش تتوقعون النتيجه .......؟ :21_195:






صارت زي البسه ههههههههههههه وربي ما ابالغ
تمر من جنبي تسلم علي
تتودد لي بشتى الطرق
تحسب حساب الكلمه الف مره قبل تقولها والاهم من كذا انها ماعادت تجلس معنا في نفس الغرفه تجلس مع المديره في غرفتها
حتى زميلاتنا المدرسات يقولون لي والله ياشيخه انك ماقصرتي فيها (( على فكره البنت منبوذه لان اكتشفنا بعد فتره انك توصل كلامنا للمديره يعني باختصار جاسوسة المديره وماحدطايقها في المدرسه))
هذا اللي حصل لي وسلامتكم وابي تعليقاتكم