تخيلي انك عروس وشتحلمين يكون في جهازك

عني اتمنى يكون كل شيء عندي مجهز بالدانتيل الفرنسي
غرفتي مثلا تكون من مفارش الى ديكور كله سكري مع دانتيل مثل قصور فرنسا
والستاير من الحرير المطرز
كيف تجهزين الخلة

سؤال يتبادر في ذهن كل عروس

اول شيء انتي شتحبين اي لون
اختاري لون محدد وعلى اساسه سوي الديكور
ابد بالغرفه طلعي كل الاثاث الي فيها ولو انتي شطوره صبغيها بروحك
واتفقي مع واحد يسوي لك ستارة نفس اللون وانصح بنات قطر محلات الستاير في في نجمه سعرهم معقول
من نفس قماش الستارة ممكن تسوين الشرشف وعلبة الكلينكس ومفرش للطاوله
وعلبة المكياج وكل الي في الغرفة
او تشترين مفرش حلو من بي اش اس او دوبنهام وتكملين عليه بالمفارش الصغيرة والمخدات
الفوط اشتري نوع يشرب الماي علشان تبقى عندك , ووديهم لمحل يطرز عليهم حرفينكم
واشتري من العطور المنوعة طقم كامل على ذوقك للحمام
وتفنني في ترتيبهم

قبل العرس باسبوع جهزي الخلة بالعطور

ومب اي عطور بس عطر المشموم مع العود العادي

وخلي الريحة تتركز

اغراضك جهزيهم من قبل الي لللسفر بروحه حطي الاحتياجات الاساسيه
وشنطة صغيرة فيها خيط اسود وابيض ومعاهم اسبيرين وبسكوبان للوجع البطن
ملابسك الداخليه جهزي لهم اكياس اورجنزا وهذا ه في الرونق موجودين , اسهل للتنظيم
وحطي جلالك للسفر وبوصلة صغيرة وتابعي قبل العرس من النت مواعيد الصلاة في البلد الي بتروحين لها
تذكري انك في زواجك وسفرك تقومين بعبادة لله
وهي انشاء بيت مسلم
فاعيني زوجك في السفر على المحافظه على الصلاة

بارك الله لكما وجمع بينكما على خير