بنااااات قطرر اللي عاشو تجربتي بليييز ابيكم في كلمه راس

ج

جوكليته

عروس جديدة

27-03-2008 | 08:12 PM

اول شي السلام عليكم :o

ادخل فالموضوع على طول .. بنات الله يسلمكم ..
ان شاء الله راح تكون ملجتي عن قريب وبعد المجله طبعاً حفله الخطوبه وبعدها العرس ..
اوكيه التوفيق واليسر من الله ..:)

انا مستااااانسه حدي ومرتاااااحه حق الشخص اللي راح يتزوحني:o
بس المشكله الكبيررره اني اخااااااف وارتبك من نظرااااات الناااااس فهمتوو:(

يعني كل مره اتخيل ليله عرسي عروس وماشاء الله حلوه وطالعه قمرر(S)
بس طبعاً كل نظرات الناس علي وهاي الشي الي بيربكني وبيخوفني اكثرررررر:(

وطبعاً انا خجوووووووله وانطوااائيه اشوي فشلوووووون في يوم العرررررس والنااااااااس كل اعيونهاااا فيني
يمكن اطيح غشيااااانه يعني عندي خوووف ورهبه من نظرااات الناس كأن ماعندي ثقه
وفي بنات ماشاء الله احسدهم على جرأتهم ..

تكفون ساعدوني وانا على ويه خطوبه وزواااااااج :(

للي جربو شعوري وتزوجوووو

وبدعي حق كل بنت اتساعدني واتطمني

ن

نور السنا 88

عروس جديدة

27-03-2008 | 08:24 PM

مساج ورد يا جوكليته :)

انا مو من بنات قطر انا من بنات بو متعب :)

بس حبيت اساعد لاني مريت بنفس شعورج بليلة ملجتي
وكانت عيوني طول الوقت بالارض بس اشوف " رجول اللي بجي يمي " هههه
بالعكس ريحي حالج وتدربي تختلطين بالناس وتبتسمين معاهم وتكالعين فيهم بعد
وقري معوذات .. وهدّي بالج ولا تخافين لان كل ماخفتي توترتي اكثر وصار الشي يخيف اكثر
بالعكس العرس حلو وشعور الوحدة وهي تمشي قدام الناس ولا احلى كانها ملكة :)

والله يتمم لج على خير
بس ها ادعي لي يا عرووس

نور

غ

غـلا الرووح

عروس جديدة

27-03-2008 | 10:06 PM

مرحبااا حبيبتي ..،

أنا كانت خطوبتي من فترة وعرسي بعد كم شهر ..

وأنا أعتقد أني أكثر وحده تستحي فالعالم ..

بس الحمد لله مر كل شي على خير ..

كانوا خواتي داايما يوصوني لا تخربين هالليله ..

وبس تدرين تميت أقرى المعوذات وآية الكرسي قبل مادش ولا تنسين تحصنين نفسج ..

وطبعا طلعي وأنتي مبتسمه ولا تشوفين شي داج خلي عينج عالكوشه وبس ..

أو مايمنع تشوفين الأرض شوي بس ترفعين عينج عالكوشه ..

لين توصلين ..

وصدقيني خلج مركزة مع الزفة ..

بتلقين نفسج وصلتي بسلام :)

الله يوفقج حيااتي ..

ج

جوكليته

عروس جديدة

28-03-2008 | 12:22 AM

شدعوه ردين و20 اللي شافو الموضوع !!
الله يسامحكم :(

عالعمووووووووووووم فديت بنات السعوديه وبنات داربومتعب ..

نور السنا 88
ماقصرررتي حبيبتيييي اي والله الخوووووف اهو سبب التوترررر
وان شاء الله اسوي اللي قلتي عليه :)
والله يوفقج ويرزقج بالذريه الصالحه ويسعدج في حياااتج يارب :)(f)

غـلا الرووح
تسلمين اختي والللله والللله طمنتي قلبي:15:
الله يطمن قلبج وان شاء الله اسوي كل اللي قلتي عليه بالحرف الوااااااحد
والله يتمم عرسج على خييييير ويوفقج يارب ويهنيييج في حياتج يارب

ريحتوووني والله الله يريحكم ويرزقكم الجنه مشكووورين ...

واذا في نصايح ثانيه لاتبخلون علي فديتكم

:)

ه

هنادي 2007

عروس نشيطة

28-03-2008 | 09:18 AM

انا معرسة من زمان بس تدربي في البيت وحطي زفات وتخيلي انك في العرس وبعدها سويها مع اهلك وبتشوفين ان الموضوع حلووووووووو مره

ج

جوكليته

عروس جديدة

28-03-2008 | 04:32 PM

هنادي 2007
مشكوره يالغاليه عالنصيحه:)
بس قدام اهلي عاد يعني قدام اخواني وابوي لول:tongue:

!

!!.. Baby_CaT ..!!

عروس مبدعة

28-03-2008 | 04:43 PM

عادي حبيبتي انا توني معرسه من 4 شهور وانا كنت العن منج خوافه حدي والكل كان متوقع يغمة علي في العرس لانه انا تميت مخطوبة سنه كاملة وكنت ماخذه وايد على ريلي مع انه مايقربلي بس كنت احبة وانطراليوم الي يجمعنا مع بعض بفارغ الصبر صج اخر اسبوع قبل العرس توترت شي بس كنت مستانسه اني باعيش معاه لاني وايد احبة وبس خلج ريلاكس في يوم عرسج وبعيدة عن الاشياء الي توترج يعني مثلا انا شردت من الساعه 12 رحت الفندق وحاولت اشغل نفسي في كل شي ماحسيت بالوقت بس صج كانت ليله من العمر ماتتكرر صدقيني راح تتمنينها ترجع ^_^ انا دخلت وانا واثقه من نفسي لانه كل هلي قالوا لي طالعه رووووعه فهاي الشي يرفع المعنويات وبس تميت طول الوقت اضحك وصج كانت احلى ليله في عمري

عشان جذيه حبوبة لاتخربين علي نفسج والله فكري بالاشياء الحلوة وصدقيني راح تستانسين ^_*

م

مناري(*_^)الوردية

عروس مشرقة

28-03-2008 | 10:54 PM

حبوبة حاسة فيج بس صدقيني ترى هذا شى طبيعي وكل البنات حسو فيه بس تحملي اتخربين خطوبتج وعرسج بالخوف حاولي تنسين كل الي حواليج(وموفقه حبوبة)

ج

جوكليته

عروس جديدة

29-03-2008 | 04:01 AM

بس انا خجوله واستحي من اللمه وكثره النااس:o :(
سواء فالخطوبه او العرس
وهالشي الي يربكني..:(
مشكورين حبوباااااات ..(f)
ان شاء الله اسوي اللي قلتو عليه :)
بحاول وبتجرأ بعد ..

ادعوووووو لي ..

ش

شوووووش

عروس رائعة

29-03-2008 | 04:06 AM

صدقيني خيتا من الفرحه ما راح تحسي بشي كوني على طبيعتك وابتسمي
وما ادققي بوجوه الي حوليك وبرجع بحكيلك من الفرحه ما راح تحسي بشي او تخافي
مبرووووك خطوبتك وربي يتمم على خير

ج

جوكليته

عروس جديدة

29-03-2008 | 02:55 PM

شوووووش
مشكوره ياقلبي ..
وصدقتي يمكن لما اطالع وجوه اللي حوالي بيخوفني اكثررر
تسلمين :)
وآمين يارب الله يسمع منج

م

مدلعه نفسي

عروس متألقة

29-03-2008 | 03:46 PM

انا مع اني جريئة بس اتصدقييين بالخطوووبه شنو مرتبكه مع ان بس هلي وربعي بس بعد خفت

بس ندمممممممت قد شعر راسي لاني خربت الدخله وقلت خلاص بالعرس ان شالله بعوض

دخلت وماتم احد ماتكلم عني ههههههه الي مدح والي ذم بس ماعلي عجبتني دخلتي دخلت بغرووور

اصلا انتي فكري فيها جذي هاليوووم يومج انتيي اليوم ذي انتي الاميره الي الكل ينتظرها ويبي يشووفهاا

هم مب جاييين يشوفون اختج او بنت خالتج او بنات عمج او امج جاييين يشوفون العرووسه الاميره الي بتدخل واشلون بتدخل

دخلي بكل عزه ولا تخافين خل يشوفون خل يتكلمون انتي بس اقرى الاذكار وخيها على الله

لان دخلتج بتتذكرينهاا طول عمرج فحاولي انج اتسوينها نفس ما انتي اتحبين

ج

جوكليته

عروس جديدة

29-03-2008 | 04:52 PM

مدلعه نفسي
يلله ان شاء الله اتعوضينها في عرسج يارب ..
وتسلمين ياقلبي عالكلام اللي يريح البال ويطمن القلب:15:
واكيييد راح ادعي ربي و اقرااا الأذكاااااار ..(f)
ويااااااارب الله يوفقني ويوفقكم
وان شاء الله كل شي يصير على خير
مشكوره على ردج :)

ا

اسيرة قلبه

مشرفة سابقة

29-03-2008 | 05:48 PM

لا لا بالكس حبيبتي صدقيني وقت الجد غيييييييييييييييير

كلنا كنانخاف وهذا شعورنا وكيف بننزف واحس اني بخاف واواواوا واشاء كثيره تدور براس كل عروس

لكن حطي في بالك شغله انك اول ماتدخلين اللمبات بتكون مطفيه والاضاءه عليك وبهالشكل مارح تشوفين احد ابد لكن الكل يناظرك صدقيني بترتاحين ومن توصلين للكوشه تكونين هديتي وكل شي اوكي

ج

جوكليته

عروس جديدة

29-03-2008 | 06:30 PM

اسيرة قلبه
تسلميييين ياقلبي عالكلام العسل ..
وخل الناااس اتطالعنييي مو انا عروس ؟<< ليه الغرور؟؟ :tongue:
اي واكييييييد لما اوصل الكووووووشه برتاااااااااح ,, اهم شي اوصل بالسلامه بس لوووول
مشكووووووووره ياذوق

تسلمون بنات فديتكم من اول رد ليآخررر رد عسى ربي يوفقكم في حياتكم ويسعدكم دنيا وآخرررره
ويجعل ايامكم كلها افراح وسعاده:)

ك

كلمات من قصائد

عروس رائعة

30-03-2008 | 09:06 AM

مرحبا اختي...

الله يوفقج ويجمع بينكم في خير يارب..

تدرين انج لما ماتفكرين في هاليوم وتخلينه عادي ترى يمر بسلام وتكون احلى ليله...

ماتصدقين انا طبيعتي اذا عندنا عرس احد من اخواني والا خواتي.. يعني تقدرين تقولين جذي ما

اقدر اكل ولا شي..

تصدقين انه يوم عرسي تغديت وقبل ماتجيني الكوافيره طلبت اكل بعد هههه..

ودخلت القاع وانا في حلجي حلاوه صغيره خخخخخ محد درى عنها...

عادي ترى لاتخافين والله يسهل لج دربج يارب ويوفقج مع زوجج..

ج

جوكليته

عروس جديدة

30-03-2008 | 04:03 PM

sew
هلا اختي ..
الله يسمع منج وآميييين يارب:)
عيل شكلي باكل حلاوه مع دخلتي القاعه ههههه:tongue:
تسلمين على ردج ..
ومشكوره عالدعوه الحلوه ربي يسعدج :)(f)

ح

حدائق بابل

عروس مشاركة

30-03-2008 | 07:29 PM

انا من قطر يالغالي وبقولج شي
شوفي انا عن شخصيتي واثقه من نفسي لكن ااما تيجي انه حد يطالعني ,, يالااااااااااااهووووووووووي اروح وطي وماعرف اتكلم ولااطالع ولاشي

فشسويت يوم الشوفه ويوم الخطوبه دخلت ولاكنه حد موجود

تجاهلت الكل اسلم واقعد واشوف الناس كلهم خيال بس خفيف عشان مارتبك ولعبتها بمخي عدل طلعت لهم وانا واثقه من نفسي ومتحكمه بروحي ولاطحت ولااغمى علي ولاهم يحزنون

اتمنى تستفيدين من تجربتي

اختج
حدائق

ج

جوكليته

عروس جديدة

30-03-2008 | 09:29 PM

حدائق بابل :)
مشكوووووووووره ياقلبي عالتجربه الروعه ..(f)
واكييييييد ان شاء الله اجربهااااااا
تسلمين الله يوفقج وجزاج الله الف خيرر

ا

الشموخيه

عروس متألقة

31-03-2008 | 12:58 AM

فديتج جوكليته انتي مثلي حتى انا خايفه من هذا اليوم بس تدرين شو ولايهمج ولا تعبرين حد وانتي تمشين عالستيج كلمي روحج انا قويه انا واثقه من نفسي ههههههههههههههه انا غير انا محد مثلي انا قمر والكل يطالعني لاني حلوه خخخخخخخ يعني جذيه بهالعبارات راح ترتاحين وتمشين مثل الشيخه ..

فدييييت روووحي والله انفع صح ..