هدية العرووووسة ( اراء )

حبيبتي سندريلا



يوم تزوجت جاء لي هدايا كثيرة بس كان اجملها سلة فيها مجموعة من العطورات وحول العطورات ورد وعليها تغليفة حلوة وكمان وحدة اعطتني كتب طبخ مغلفتهم بطريقة حلوة ودائما اذا شفت الكتب ادعيلها لانها مرة فادتني



وشوفي حلوة الهدية في نفعها واذا كان نفسها فب شى وما قادرة تجيبة اشتروة لها واعطوها وتاكدي انها راح
تنبسط والف مبروك مقدما :):):):):):)


اتمني اكون جبت المفيد

الاخت الغاليه سندريلا
يمكنك الاطلاع علي هذا الرابط
ان شاء الله بيفيدك


http://www.3roos.com/forums/showthread.php?s=&threadid=32495

الأخت ساندريلااا
شوفي حبيبتي...أنا من رأي أنه لازم قبل ما تأخذين الهديه...أحسن تسأليها شوه اللي ناقصنها وما خذته....عشان تهدينها شيء هيه تحتاجه...

وبعدين لاااااااااااازم تأخذين الهديه قبله بوقت كافي...عشان تحدد شوه اللي يبقى لها...

أنا ربيعتي عرسها بعد أسبوعين...بصراااااااحه خذت لها هديتين...وحده قبل العرس والثانيه بعد العرس...
الهديه إللي قبل العرس...كتب دينيه إجتماعيهو أشرطة جاسم المطوع....يعني كيق الوحده تكسب زوجها..وتسعده ..زتهتم فيه..وتحافظ على بيتها وكيف اذا تعرظت لمشكله..وعن الفتاوي في الاغتسال وشوه الحرام والحلال :o :o
ويبت لها كل كتب طبخ المطاحن الكويتيه مع الترجمه..لانها بتيب خدامه وقالت ما فيها تعلمها...جان اييب لها مع الترجمه الفلبينيه والاسيلانيه والهنديه والاندونيسه..عشان يمكن تغير الخدامه عقب
:o :o



إنزين الحين الهديه اللي بعد العرس.....شوفوا عاد...ربيعتي بيكون بيتها روحها....والبيت يديد..وما فيه شيء...تخيلوا عاد عروس..ما فيها تروح وتي تأثث البيت...جااااااااان آآآخذ لها أغراظ مطبخ و و أطقم اكواب وصحون وإكسوارات البيت..ولوح وإطارات وشموع وووو..وعلى فكره أنا هالأغراظ ما خذتها مره وحده...كنت قبله بشهرين مفكره بهالفكره..فكنت كل ما أطلع مكان و ألقى شيء يعجبني...أحطه مع باقي الأغراظ..

وممكن الوحده اللي ما لها بارظ على هاللفه كلها...تشتري خاتم أو أي ذهب أو عطور عربيه..شنطه مكياج...شنطة مجوهرات..





أغراظ البيت وايد بتفيدها...لانه أصلا العروس...بتكون مجهزه نفسها.. وأكثر شيء بتحتاجه حق بيتها...

أما قيثارة الحلوة .......فأعطت أختها قبل العرس هدية كتيب من انتاجها ويحتوي هالكتيب مواضيع من منتدى العروس يعني مواضيعكم ياحلواااااااات (ربي يحفظكم) يمعت الها من كل ركن بعض المواضيع اللي بتستفيد منها والمهمه لها ولبيت الزوجية
أما هدية بعد العرس فبعدني مافكرت فيها