تكفون تردون بسرعه على هالمشكلة

انا متزوجة من 9شهور واحب زوجي وهو يحبني موت وكانت بينا قصة حب تتوجت بالزواج والحمد لله زوجي متفاهم معاي جدا ويحبني بس فيه عيب واحد انه فية غموض مرات مااقدر افهمه احاول واحسه صعب علي ومرات احس انه مايفهمني المهم في بدايه خطبتنا كانت بينا مشاكل وحليناها بالصبر طبعا كل واحد منا صبر على الثاني بس والشاهد الله اني انا الي صبرت عليه كثير كثير كان ببدايه زواجنا مستهتر ماعنده مسؤولية المهم مااطول عليكم في يوم من الايام مادري ليش فتحت جواله ولقيت فية مسج بالانجليزي( يقولون فية شلونك اليوم نتمنى انك بخير واهتم بعمرك)المهم ومسج ثاني وثالث وهو مايرد على هالمسجات الشيطان شاطر خلاني ادق على هالرقم فضول بس ابي اعرف من صاحب هالمسج ولقيتها وحده بنانية المهم دخلت معاها بصراحه وقلتلها انتي من ولقيت رقمج في موبايل زوجي عاد تدرون تلخبطت وجذبت وقالت هو عميل عندنا وانا مطرشة له لانه عندنا بضاعه جديدة وهيك وهيك المهم قلت لها المسجات مافيها بضاعه جديدة ولا شي فيها كلام فاضي قالت اي بس تعامل حلو مع زبون مابدنا نخسروا شرايكم فيها ؟ المهم سكرت منها وسكت فكرت بيني وبين نفسي ليش ماقالي زوجي عن هالمسجات ماعنه ماطرش لها ولا مسج كنت ابي اصارحه بعدين خفت الشي يجي على راسي ومو عارفة شسوي؟ ومشكلتي الثانية هي اني فاقدة الثقه فية لاني من قبل صدته يكلم وحده وموعارفة شسوي؟المشكله اذا افكر اشوفه حاليا مايقصر معاي نسافر مع بعض ونقعد مع بعض ويبين لي انه تاب ومايبي يكرر غلطاته معاي بس انا خايفة يخونني مره ثانية وموعارفه شسوي بنفسي بس ماابين له اي شي من شكوكي كاتمه بقلبي وجدامه عادية ومتفائله فية بخير ابي اشجعه بس انا اكل بنفسي واخاف اخرب على عمري ومابي اطول عليكم خاطري اسمع منه كلام حلو في اوقات مايسمعني ولا كلمة كل يعاملني على اني ياهل يفرص خدودي ويتحجى معاي جنة يكلمة بيبي انا ابيه يحسسني بانوثتي ومادري شسوي قلته اكثر من مره تحجة معاي عدل غازلني بس مو بغشمره جني ياهل بس بعد بوطبيع مايجوز من طبعه شسوي اتمنى تردون على كل تساؤلاتي تكفون