تذكرون مشكلتي (زوجي يشوف مواقع إباحيه) شوفو وش صار + تطورات ..ساعدوني يا بنات :(

اهلين بنات

كيف حالكم ؟؟


اول شي أشكر كل وحده نصحتني وساعدتني في موضوعي اللي قبل
والله إنكم تهونون علي كثييييييير بردوكم

وأعتذر عن الانقطاع .. النت كان فيه مشاكل وتوه يصلح

خواتي تذكرون مشكلتي اللي قلتلكم عنها على هالرابط ...


http://www.3roos.com/forums/t311429.html

اللي صار إني جلست أكثر من شهر وأنا احرق في قلبي وساكته .. :16:
حاولت أفتح الموضوع معاه بطريقه غير مباشره .. إني اسأله وش رايه بالمواقع اللي كذا
وحركات المراهقين بس عجزت ..... كان كل مره يغير الموضوع بطريقه عجييبه

لين جاء يوم من الايام وتهاوشت معاه
لأنه كان تاركني في البيت لحالي لمدة 9 ساعات متواصله وانا في غربه
ولا حولي أحد ولا معاي سياره

قام يتعذر إنه يتضايق من البيت ويحس بشي غريب إذا شافني ومن هالكلام
جيت أنا قلت له حتى العلاقه الخاصه ماترتاح فيها ؟
قال لا ... قلت يعني ماتحس إن عندك رغبه أبد ولا علشان مو راغب فيني ؟
قال لا مالي رغبه في هالشي ابببد ... قمت قلت بكل برود ...مادام مالك رغبه
وش يخليك تدخل (!!!!! و !!!!!) <--- اسماء المواقع اللي لقيتها ؟
وقلت على فكره تراني داريه من زمااان بس ماتكلمت لأنك إنت اللي راح تتحاسب مو انا
لكن بما انه ماعندك رغبه وش يخليك تدخل هالمواقع وتكسب ذنوب
حراااام علييييك .. إذا عندك رغبه انا زوجتك بالحلال وشوله تروح الحرام
إلا إذا فيه شي مو عاجبك فيني ... قولي انا مقصره بشي ؟ ما اريحك ؟ تبي شي انا ما اسويه لك ؟
علمني ترا ربي كتب الزواج علشان كل واحد منا يعف الثاني عن الحرام
كل هالكلام وهو ساكت ..
يوم خلصت قال الحين إنتي على اي اساس قلتي إنه أنا ؟؟
وقام يقول تتهميني بشي انا ماسويته ومدري ايش ....


المهم بعدها يومين وحنا مانتكلم ... بديت اتكلم معاه قلت وش فيك ؟
قال ماتدرين يعني ؟؟ انتي اتهمتيني بشي ماسويته وإنتي دايم تقديمن سوء النيه .. لكن هالمره بسامحك (هاللحظه انا بغيت اضحك )

المهم رجعنا كويسين بعد هالسالفه الحمد لله... وخاصه في المسائل الخاصه .. صار يتجرأ ويطلب
ما ادري وش كانت مشكلته !!


لكن طبعاً المشاكل ماتنتهي ..

الرجال عصبييييي ... يعصب على أتفه شي
وغير كذا والله يابنات مايجلس بالبيت الا وقت نومه .... وساعتين غيرها وحده للأكل ووحده للقهوه
دايم طالع عن صديقه اللي ساكن جنبنا ...
وصار ما يآخذ لابتوبه معه .. يتركه عندي .. بس وش الفايده هو مهوب فيه

الرجال يقول إنه يتضايق من جلسة البيت ويقولي دايم إنه يحس إنه مو طبيعي
خصوصاً من ناحيتي ... حتى العصبيه ..معترف إنها ماتطلع الا علي ...

تخيلو اليوم تعبااااانه من الدوره وحالتي حاله .. والرجال من الصباح تاركني لحالي
اللهم جاب لي أكل وراح .. والله يابنات إني كنت ابغى مويه مو قادره امشي اجيبها من بطني
اقوله تعبانه اجلس .. يقول وش اسوي .. قلت ابغى كوب شاهي قال قومي صلحي مافيك الا العافيه :(


لذلك قرر نرجع السعوديه علشان نقرأ ... هو حاس اللي فيه عين
يقول من يوم الزواج وانا احس كل الحماس اللي فيني والمشاعر الحلوه انعكست 180 درجه
يعني معترف باللي فيه
يقول بقرأ ... وبعدها بقرر وش يصير نكمل مع بعض ولا لا :(
بس بقولكم إني دايم أدعي وأستغفر واشغل البقره بالبيت داااايم


بصراحه يابنات انا الحين ما ادري وش اسوي ؟؟

بصبر لين يقرأ .. وإن شاء الله إنه يتشافى ..
لكن لو ماتشافى ؟؟
اكمل معاه وهو مو طايقني ؟؟ ويعصب علي ؟؟ ويتركني اغلب وقتي لحالي
خصوصاً إنه لازم يجلس كم سنه بالخارج علشان دراسته يعني بكون في غربه ونكد ؟؟

وتدرون وش المشكله الثانيه ؟؟؟؟؟؟؟؟؟؟

كيف بقول لأمي وأبوي عن وضعي ؟ خصوصاً إنه مصر إنهم لازم يعرفون ؟
لكن قلت ماراح اقولهم ليييين ارجع حرام اشغل بالهم وانا مو عندهم
وكل ماسألوني قبل اقولهم الحمد لله انا بخيير ومبسوطه ما ابي اقلقهم :(

وش رايكم يابنات اقولهم عن تعامله معي والساعات اللي يتركني فيها لحالي
ولا عن شهر العسل واللي صار فيه .. ولا عن عصبيته ؟؟

ساعدوني الله يخليكم

ولا تنسوني من دعائكم

ياااااارب تنفع القرايه ويرجع مثل ماعرفته ايام الملكه