شوفوا شنطتي وشنطه البيبي كامله او لا؟

الله يقومك بالسلامه يااارب انتي والبيبي

حطي بعد سودو كريم عشان لما تغيري للبيبي الحفاظ مايجي تسلخ او حراره لاسمح الله وحطي بعد زيت سمسم مفيد جدااااا للعظام يعني بعد اسبوع كل يوم حطي له زيت سمسم وسوي له مساج وعرضي لاشعة الشمس في الصبح وهي بارده مفيده جدااا للعظام وانتبهي على عيونه من الشمس غطيهاااا بيديك اضافه لمصحف صغير حطيه بجنب البيبي

الله يحفظه ويجيبه بالسلامه

بالنسبه لك كامله اغراضك لو تذكرت شي برجع اكتبه لك :)

خذي لك عطر ظريف لطيف لك و كلونيا حق الاطفال هذي علشان شم الطرش للبيبي
مرطب شفاه لك
مناديل مبللة من بامبرز او بيبي جوي ..
وحفاظ كمان ..
وعقد الزواج علشان شهادة الميلاد حق ابنك ..

ولو اتذكرت شي بارجع لك ..

الله يقومك بالسلامه بس مالها داعي المصاصه ...


تحياتي
أم محمود

حبيبتي انتي خذيللك
عطر بس يكون خفيف او دهن عود
شاحن الجوال وايييييييييييييييييد مهم لا تنسينه

خذيللك قران تحطية جنب البيبي وانتي خذيللك كتاب مفيد عن الاطفال او حتى مجله تتسلي فيه

خذيلك بيجامات اكمام طويله فيها ازرار من جدام تساعدك على الرضاعة

ولا تنسي خذيللك ملابس تطلعي فيها من المستشفى لانه هذا الشيء انا نسيته وطلعت من المستشفى بعباية وتحتها بيجلمه خخخخخخخخ



وللبيبي خذيله قماطات قطن تلفيه بيه
وخذيله مثل السلة اللي راح ينام فيها لما يطلع من المستشفى
بالنسبة لنا في المستشفيات الخصة هما يسبحون البيبي ويعطونه الحليب ويغيرونله فانا ما احتجت حفاظات وشامبوا للاطفال وهالسوالف



ولا تحاتي وايدلانك اذا نسيتي شيء عادي ممكن احد من اخواتج او حتى ريلج يجيبلج اياه
وقبل الولادة بيومين او 3

طلعي الترامس والفناجين اللي راح تقدمي فيهم القهوة
وخلي حد يجيبة الصبح علشان تكون القهوة ساخنة
والظهر ياخذه معاه علشان يجيب العصر قهورة ساخنة جديدة وكذا

في أشياء مب لازم تاخذيها معاك مثل ليب البيبي وحفاضات له وفوط لج وهم الشامبوهات

الكل موجود بالمستشفى

والله يوفقج أنشاء الله

مشكووورين اخواتي بس خبروتي اي هي اغراض كثيرة موفااهمه

لانه احنا عندنا بالمستشفي بامبرز حقتهم كبير ويقوللك جيبي انتي بامبرز

وسبوح ماابيهم يسبحون طفلي ابا الوالدة او انا اسبحه لانهم دفشين مرررة

وعن ثياب البيبي حطيت 2 احتياط لانه يمكن اقعد 3ايام

واحنا بالمستشفي مايعطون ثياب للطفل يلفون بخرقه ويطلبون ثيابه

والف الف شكر لكم اخواتي

الله يسااعدك ياارب واستفدت صرراحه كثير من شنطتك والله يوفقك وتولدي با السلامه

الله يهون علينا وعليكم ياارب اللهم ااامين

قمصان نفاس انا حطيت لي 4 احتياط و3 بيجامات للنوم

وللبيبي حطيت 8 بدل .. لان في اليوم تبين تغيرين 3 مرات له على الاقل .

بالاضافه الى الااستشوار وشباصات للشعر وعطر خفيف والكاميرا ومرطب شفايف

الله يقومك بالسلامه حبيبتي
وتفرحين بشوفة النونو بصحه وعافيه
بالنسبه لك ..
لاتنسين تاخذين مره عشان تشربينها زينه للشمم
وبعد لاتنسين السروال الداخلي((مهم)) ممكن تاخذين واحد طويل واثنين زي الشورت اريح
تلبسينهم تحت القمصان عشان ما يدخلك هوا
وشال تلفين فيه راسك اذا تسبحتي عشان البرد ما يدخلك
تعرفين المستشفيات بارده
وخذي مرايه وكحل و روج وردي نعوم
عشان تتزينين اذا جا ابو الشباب (:

الله يقومك بالسلامه

مشكورين