بطاطس باللحم تجننننننننن

راح اعطيكم طريقة للبطاطس باللحم بس تجنننننننننننننننننننننن راح تحسين ان اللحم يذوب في الفم من طراوته و طعمه كإنه مشوي في الفرن و في نفس الوقت بيكون طعم البطاطس روعة...........انا صراحة بلاقي ان اسرع طريقة للغدا لو حسيت اني متكاسلة اني اسوي بطاطس باللحم احط كل المقادير مع بعض و ادخله الفرن بس صراحة كنت احس ان اللحم مافيه نكهة قوية و ان البطاطس طعمها عادي ..........لكن الان.............(y) البطاطس و اللحم طعمها يجننننننننننننننننننننننننننننننننننننننننننن و الاحلى ان زوجي يطلبها باستمرار:cool:
بيكفي دعاية...راح اقولكم على الطريقة.........
[المقادير]
لحم قطع بس قطع متوسطة الحجم
بصل مفروم
سمن
بهارات مشكلة اي نوعية عندك انا استخدم (جوزة الطيب,فلفل اسود,قرفة مطحونة,قرنفل مطحون,ملح بس الملح احطه في الاخر,زنجبيل مطحون)
ملعقة طعام و نصف خل ابيض
حبة طماطم صغيرة مقطعة مكعبات


الطريقة....
ضعي السمن في قدر على النار و ضعي البصل و شوحيه على النار 5 دقايق بعدين ضعي اللحم و شوحيه مع البصل و عليه البهارات المشكلة و هدي عليه النار مرررررررررررررررررررررررررة و لو عندك الصفيحة اللي تحمي من النار حطيها تحت القدر........و كل شوي قلبي اللحم اهم شىء في الموضوع انك ما تضيفين ماء و لا تحرقين اللحم يعني حطي اللحم على اصغر عين بوتاجاز عندك وهدي عليها النار و كل شوي قلبي اللحم عشان ما يحترق بتلاحظين ان اللحم ينزل مويه حاولي تكون الموية هاذي اللي تسوي اللحم و لو حسيتي ان الموية جفت من القدر ممكن تضيفي شوية مويه صغيييييييييرة بس لا تكثرييييين بيخرب طعم اللحم... و قبل ما يستوي اللحم ب ربع ساعة حطي الخل و حبة الطماطم بس لاتكثرين الطماطم يتكون حبة واحدة بس و طبعا حسب كمية اللحم يعني انا اسوي ربع كيلو لحم علية طماطمة واحدة صغيرة بعد...يعني اهم شىء الطماطم تعطي نكهة بس و لا تعطي لون الا لون خفيييف مرة.....المهم بعد ما يستوي اللحم وتنشف الموية اللي نزلت من الطماطم طلعيه من القدر في صحن و غطي عليه و طبعا تتبيلة البصل خذي منها ملعقتين و قلبيهم في اللحم و غطي عليه و باقي تتبيلة البصل اللي في القدر حطي عليها شوية مويه وقلبيها بيصير عندك كإنها مرق بالبصل..زين....و شوفي لو تحتاج ملح .بعدين انقليها في صنية و تكوني مقطعة بطاطس حلقات و تتركين البطاطس تستوي في المرق هذا طبعا ماتزودين الموية كثير يعني يادوب تكون مغطية البطاطس و سويها على نار هادية لين ما تستوي البطاطس و انتبهي لا تلزق في الصنية.و ممكن تقطعين بصلة حلقات تستوي مع البطاطس و لو ما تبغين عادي......بعدين خذي اللحم ووزعيه فوق البطاطس و دخليه الفرن من فوق بس لين يتحمر اللحم و البطاطس و قدميه................اسفة طولت عليكم كني مسوية وليمة و هي ياحسرة بطاطس و لحم بس!!!!!!!!!
بس و الله يا بنات بيصير طعمها جنان جربوها و ادعولي.......