نصائحكم ( اللي سافروا سوريا مع أطفالهم)

ما عندي فكرة حبيبتي

حبوبة الصراحة ماعندي فكرة ... بس روحي هالرابط بقسم السفر والسياحة واكيد راح تلقي مرادك

http://www.3roos.com/forums/193/

و الله الموضوع اجت بوقته

لان انا ناوية بشهر 6 انزل

و ان شاء الله الاخوات اللي راحوا

يفيدونه

اني انشاء الله بعد اسبوعين بروح سوريا مع اولادي الملابس الي باخدها معاي صيفيه وربيعيه

يعني اكمام بس قطن خفيف لان اهلي جاين في نهاية صفر والجوكان معتدل مو حار ولا بارد مثلنا

انا رحت في رمضان مع بنتي وكان عمرها سنة بالضبط


والصراحة ما أخفي عليكي اني تعبت واااااااااااااجد معاها


لان تعرفي حفاظات ورضاعة وكانت صغيره على السفر وكنت لوحدي فتعبت بها واجد


وبالنسبة للملابس كان برد جدا بالليل وبالنهار كان حر لدرجه اني اصيفها بالنهار وبالليل ألبسها صوف

وبنوتك صغيرة ترى ولهذا أحملي لها ملابس شتوية وربيعيه وعادي الطفل لو لبستيه مكمم

على قولتهم الطفل يعرق ولا انه يبرد

وجو سوريا بطبيعته بارد واكثر شيء بالليل

وحتى لو ماكان بارد انتو بتشغلون مكيفات اكيد والمكيف مو زين للطفلة
واهم نقطة

أنك ماتأكلينه ولا شيء من اكلهم
وهذاني حذرتك
لاتصيرين مثلي أكلت بنتي بطاطس وشوربة من عندهم فقط لا غير ورجعت وبنتي جاها اسهال تكرمي وترجيع وتعبت وااااجد

وتعبت معاها في المستشفيات لدرجة اني قمت ابكي وخفت لا أخسر بنتي وندمت اني اكلتها من عندهم

مع العلم انها كانت مطاعم راقية وفخمة وشكلها نظيفة

بس معدة الطفل غير عن معدة الكبير

والدليل ان احنا الحمد لله تعبنا بس شوي وجتنا لوعة وترجيع خفيف وشفينا الحمد لله

وبنتي لا أكثر من 3 اسابيع وانا ادور بها من مستشفى لمستشفى

وندمت اني اخذتها لان سفرتنا كلها اسبوع وجينا

بس الحمد لله على كل حال من الأحوال


وبالنسبة لعربة الطفل مهمة مهمة مهمة جدا جدا جدا

لان احنا مااستغنينا عنها ولا لحظه اريح من حمل البنت طول الوقت وبالذات في التسوق



وآسفة على الأطالة بس حبيت احذرك من اكلهم لان مايصلح للأطفال





والله يحفظكم ويردكم سالمين غانمين وترجعوا بصحة وعافية



وان شاء الله تروح وتجوا بالسلامة

والله يرزقكم زيارة مقبولة بإذن الله الواحد الأحد

ولاتنسينا من صالح اعمالكم

الاخت جود القمر ما قصرت بس عندي اضافة و هي تجربتي ..

انا رحت سوريا اللعام بشهر 4 .. يعني الشهر الجاي اكمل سنة على سفرتي !

كان عمر سيد صادق 5 شهور و كنت مع امي و اخوي بدون زوجي بس كانت السفرة جدا مريحة ..

متى ما اخذتي معاك مستلزمات كافية للطفل بترتاحين و ما بتحتاجين لشي ، و انتي بنتك ماشاء الله كبيرة يعني بتعطيها من اكلك ، و هاي المشكلة الوحيدة اللي كنت اعاني منها ، حملت معاي علبتين سيريلاك الصحة و رفض ياكل منهم هناك ! و صارت امي تدور في البرادات و تسأل اذا فيه اكلات جاهزة للأطفال مثل فارليز و كله مافي ! شو هالبلد !!! و معانا خالتي ( كانت مقيمة في سوريا ) سألناها قالت هالاشياء بس بالصيدليات و حصلت له بس ماحبه لان طعمه ماساه صدق ! و بعدها صرت اعطيه كراميل و هالسوالف ! بالاضافة للرضاعة .

اما عن الجو كان حلووو بالنهار البس ولدي اكمام طويلة بس خفيفة ، و بالليل اضطر اني البسه الجاكيت ، لان الجو يبرد واجد في الليل .

انتي اهم شي خلي معاك مناديل اطفال مبللة حتى ما تتوهقين معاها بالباص .. ! و اخذي معك كم لعبة تتسلى فيهم .. !

و نسيت أقول لك ..

لا تنسين تاخذين معاك تحميلات البندول ( لوقت الضرورة ) . !

و دواء الزكام ..

و لحاف ثقيل لنومة الليل .

حسب معلوماتي السابقة عن سوريا في مثل هالاشهر الجو معتدل في النهار و بااااارد جدا في الليل ...............


و الشي الثاني أعطيه من أكلكم و وجباتكم اليوميه وتجنبي أكل المطاعم

الأخوات ما قصروا كفوا ووفوا

انا رحت مع ولدي وكمل سنة هناك لمدة اسبوعين تقريبا

خذت وياي كل شي من الأكل مثل الأجبان بأنواعها والحليب المعلب

يعني طويل الأجل مثل المراعي او ندى اللي ينشرب بالعود بأنواعه

الحليب العادي يعني اللي بدون إضافات والليي بنكهات مثل الفراولة والفانيلا

ومثل ما قالت جود القمر تجنبي تعطينها من أكلهم وبنتك ما شاء الله الحين عمرها سنة

يعني عندك خيارات واجد تعطينها والحمد لله انكم بتروحون ويا حملة يعني بيكون الأكل مثل أكل البيت وتقدرين تعطينها منه وعلى خبري ان الأطفال يفضلون أكل البيت على الأكل الخاص فيهم

أنا حتى الخضار ما عطيته من هناك واكتفيت بالأكل اللي وديته له والحمد لله عدت على خير

وبالنسبة للعربة وديتها وفادتني واجد بالذات اذا نام وحنا برا واجد تنفع هذا غير انك تقدرين تستخدمين السلة اللي فيها لأغراذ الطفل وحتى للاغراض اللي بتشترينهم من هناك يعني العربة بتريحك وبتريح الجاهل

والأدوية مثل ما قالت أم صدوق ضروري تشيلين معاك البندول أو الأدول ودوا للزكام والكحة وربي يبعد عنها شر الأمراض ولا تحتاجين لهم بس الاحتياط واجب

أنا حتى الخضار ما عطيته من هناك واكتفيت بالأكل اللي وديته له والحمد لله عدت على خير

عاد ولدي اللي تكلمت عنه الحين صار عمره عشر سنين ههههههههه

بس ما حبيت أدخل بدون ما أرد وأقول تجربتي

وتروحين وترجعين بالسلامة ولا تنسين خواتك من الدعاء والزيارة

في أمان الله