أخر اخباري ... مشكلتي مع زوجي .. الجزء الثالث ...غالية الأثمان

السلام عليكم ورحمة الله بركاته
حبيباتي سامحوني واااااااااااااااااااااااااايد لأني تأخرت عليكم
والصراحه ... ماعرف شقولكم ... صج صج حسيت ان لي خوات يسألن عني ويحاتوني والله ان عيني دمعت لما شفت الموضوع الأول وكيف خوفكم علي وردودكم تحاتيني والله دمعت عيني وقلت ياربي لا تحرمني منهم .. ارتحت كيف انكم تتخبرون عني وعن احوالي ... عسى الله يااارب يلله ازواجكم ما يشوفون غيركم بعيونهم ياااربي ولا تمر على اي وحده مشكلتي اللي مريت فيها ياااربي..

مشكلتي لكل عضوه جديده تدخل وما درت عني ملخصه بهالرابطين :
الجزء الأول :
http://www.3roos.com/forums/t306188.html
الجزء الثاني :
http://www.3roos.com/forums/t314219.html

حبيباتي ...انا الحمدلله حبيبات قلبي بخير .. وانا حاليا في بيت الوالده لأنها تعبت زياده زاد المرض عليها شوي وصايدها نزيف من شهرين وتعبانه من هالشي فسووولها تنظيفات وحصلو قطع مدورة في الرحم:(:( خذو منها عينه وارسلوها برع ... دعواااتكم خواتي ما تطلع الخبيث ....:(:(

حالتي يعني اقدر اقول عنها شبه مستقره .. يعني ... خلاص قلت بيخوني ولا يكلمها الله فوق وما يضيع حق عبيده ابد ... بس انا لا بقصر اتجاهه ولا اتجاه ربي عشان ربي ما يحاسبني يوم القيامه ... يمكن كثير مواقف حصلت ... بذكرلكم منها ...

طبعا رجعت لدبي ... بيت اهل زوجي .. صارت كثير مواقف تضيق بالخلق.. منها انه ابد ما قرب مني لمدة 4 ايام وانا مستغربه ليش .. وكل ما حاولت انا ابادر عصب وقلبها نكد ... .. مره رجع وعصب علي من الدوام انتي ليش متغيره باسلوبج بكل شي ... قلت له الانسان ما يتم على حاله قالي لاء انا ماباج جيه ردي فلانه الاوليه قلت له اي وحده الضعيفه اللي ما تعرف تتكلم ؟؟؟سكت قالي لا قلت له شو عيل ... اللي ماسحه شخصيتها وملغيه كيانها قالي انتي شو هالخرابيط اللي تقولينها انا جيه ماباج قمت وقلت له حلو لو انت جايف ان خلاص استحالت الحياه بينا خلاص كل واحد بطريج ... انتي شو تبغيني اسوي شرايج نبتعد بعد مره ثانيه قلت له خلاص ودني بيت اهلي .. وقمت بلبس عباتي .. وبنتك هاذي هي راقده والحمدلله ان كل ثيابها واغراضها عندك خلها عندكم ... تم ساااكت ويطالعني (( يا بنات انا هنيه مب اني مابا بنتي .. بنتي هي روحي اللي اعيش ابها بس ابغيه يحس انه باي لحظه بيفقدني وبيكون عليه مسؤؤوولية بنته اتمنى تكونون فهمتوني)).. عقب طلع من الحجره وخلاني ...

وكانت مرااات وايد يقولي ليش جيه تطالعيني ونظراتي كانت كلها حب الله يعلم .. بس هو لنه مسوي شي غلط فبرووحه يحس اي حركه يسويها غلط ..قلت له حلالي ولا ما تباني اطالعك جيه قلت له صدقني هاي نظره حب مني لك .. ... قالي لا مااحب هالنظره ... قلت له يعني لو ما طالعتك اسير اطالع واحد من الشاااارع مثلا ؟؟؟ اتم اتمعن النظر فيه وبجماله .... عصصصصصصصصصصصصصب ... قلت له انت حلالي .. غريبه والله عندي الشي الحلال وانت تدفعني اروح لشيء حرام ...؟

يسكت وما يقولي شي... وطبعا بطلعة روح سرنا الشقه ... يمكن كان يخاف نستفرد روحنا .. .. وداني مطعم .. نتعشى فيه بطريقنا للشقه ... تغيير جو .. وطبعا صرت ما اطلع الا بكشخه تنورة وقميص وفل مي اب حتى لو تحت النقاب .. وخواتم واسوارات في ايدي .. وهو يقولي قبل ما كنتي تطلعين جيه هالكشخه كلها حق الطلعه ... اقوله قبل غير واحين غير .. واصلا انا من زمان حلوه .. هو يسسسسسكت ....طبعا انا رديت طبيعيه بس صدقوني المرأه يمكن تسامح ع الخيانه بس ما تنسى وقلتها له يكون بعلمك ترى المرأة تسامح بس عمرها ما تنسى ... رجعنا الشقه بدلت كل شي ورتبت وحطيت شموع وبراويز وورد في الكمدينو اللي جنب السرير وحطيت مفرش لونه ابيض .. طبعا النوم ابدا ما يا صوبي .. والله يابنات كنت اتلبس واتعطر وهو ولا حياة لمن تنادي ما اقول شي عادي ...

طبعا صار ما يطلع مثل اول الساعه 5 لا يصلي الفجر عندي ويطلع ... طبعا هو يفكر اني انام والله العظيم يا بنات اني ما ارقد .. اتم احاتيه .. واشوف شغل البيت وفي الدوام ادق عليه من فتره للثانيه اتطمن عليه يعني ... وطبعا بالشقه يلست العب مع بنتي جدامه وحبيبي وعنوني ... يتم يطالعنا ازين عطيني ويه كلميني انا وانا هاه هيه زين ماعليه ... وارد العبها ... فهو حس ان اهتامي خف عن اول فقام يقولي وانا ليش ما تلعبون وياي العبو وياي .. ومن هالكلام ... قمت احس انه يشتاقلي بس ما يقووول بنات زوجي عنيييييييييييييييييد وعنده عزة نفس فضيييعه ...

المهم يوم ورى يوم قمت اسويله الاكلات اللي يحبها ويموت عليها ... ورق عنب ... محاشي ... مسخن .. هالسوالف .. ويتم يمدحها ومدري وش ... المهم انا تغيرت 180 درجه .. صرت اسولف واضحك واتمصخر بزياده ... روحه قالي عواشه يبالها ثياب للصيف شرايج نسير نشتريلها هيه زين وسرنا ... وشريت كل اللي بخاطري ... وعطاني بيزات وخذيت لها ... وعقب رديت اليوم الثاني المحل لأني كنت بغير لها ثياب شي عود وشي صغير .. عقب عيبني اندروير .. خط ... قلت له اباه قالي لا ما تحتايين له قلت له امبلا اباه .. قلت له يغلى علي يعني .. قالي لابس عندج قلت له ما عندي وسرت للكاشير قالي لا ما بدفع انتي ادفعي ... تضايقت كلهن 11 درهم .. قال عقب بعطيج قلت له انت مسؤؤل عني .. قالي هيه بس فكه ما عندي :( وهو كان ساير يدفع مال عواشه هو ما يبا يدفع عند الريال قالي سير ادفعي عند الحرمه ..

ورحت وكانه ربي رايد لي هالشي رحت عند الحرمه ودفعت وانا ادفع كان في ريال مواطن ويا حرمته ... طبعا انا لفيت من وراهم عشان اخذ الكيس من الصوب الثاني .. تخيلو الريال شاف الاندروير وتم يطالعني .... استحييييييييييييييييييييييييييت يا بنات تمنيت الأرض تنشق وتبلعني ..ورحت خذيت الكيس ورحت مشيت لفتت انتباهي بدله لعواشه والله يا بنات صديت اشوفها ولا الريال يطالعني ... قفطت ورحت عند زوجي بسرعه ... ونحن رادين قلت له بدلع حبيبي مره ثانيه لا تخليني روحي اسير ادفع ... ليش قلت له الموضوع من طق طق للسلام عليكم ... حسيته عصصصصصصصصب وتم يطالعني ... ان الغيره دبت فيه ... كيف خليتها تروووح بروحها وريال يطالعها ... من صفات ريلي بعد انه غيرو ع الشي اللي يمتلكع ما يحب حد يشاركه فيه .. اناني

ونفس الشي يوم كنا رادين لشقتنا رحنا المطعم نتعشى ... بعد جيه كان بوفيه ... وهو راح اول شي بعدين انا ... انا يوم سرت كان مليان شبااااب ... طبعا انا ولا علي من حد حطيت لي وعقب مره وحده كان في 2 جدامي وااحد منهم رجع ريوس فجاه بغا يدعمني لو ربيعه ما مسكه كان دعمني .. لف وقالي انا اسف وتم يطالعني ... انا ما رديت ... ولفيت من وراه وتم بعد يطالعني ..

رحت رجعت لمكاني .. وقلت له تعرف وااايد شباب وعالم قالي هيه .. وقلت له الموقف .. وقف عن الاكل .. حسيته تضايق... قلت له بلاك غناتي .. قالي لا ماشي حلو الاكل قلت له وااايد حتى المطعم وااايد حلو عيبني ... ابتسم ...

يعني احاول احسسه .. ان باي لحظه بيفقدني او حد بياخذني عنه حتى لو بنظراته .. لني كل ما حسسته بهالشي هو بيزيد يتعلق فيني ... اتمنى تكونون فهمتوني ..

المهم حياتنا فالشقه عاديه جدا ... وطبعا يوم يطلع اي مكان قلبي ع ايدي .. وافكر فيه .. ادق له ها حبيب مستانس الحمدلله ... يالله حبيت اتطمن عليك بس ... ما ادري بنات ليش انا بردت عن الموضوع .. صح اني ما اثق فيه ... بس ماعرف يمكن ربي مسح ع قلبي ... برحمه من عنده ...وطبعا لبسي حتى في البيت تغير .. بناطيل وتيشرتات وتاتو وميك اب خفيف ..
يعني .. هو ما يقول بس من هناكي متخبل ريلي واعرفه .. وملاحظ تغيراتي ..

ويوم نطلع نييب اغراض البيت ما اخلي شي ما اخذه ... بنات لو ما خسرته انا .. غيري بتاخذه مني وبتاخذ فلوسه مني وانا ماباه يحس بهالشي ابا يحس ان كيف البيت مصاريف ودنيا .. عشان ما يفكر يبطل بيت ثاني ... وعشان يقول انا اقدر على اللي عتدي اول .... وخذيت لي كريمات عنايه وشامبوهات وهالسوالف ... ومناكير ... تجنن يوم جافه ع ايدي .. ويتم يطالع من تحت لتحت وانا مطنشه .. مره قالها ايدينج حلوه .. قلت له ادري حبيبي من زمان بس العتب ع النظر ... طبعا بدلع ... عشان يحس شوي ...

بس اللي حارقني يا بنات رقاده وياي مووول مب مثل اول انا ماعرف ليش .. بموووت من القهر .. ساعه اوسوس وساعه اقول اعوذ بالله من الشيطان ... ساعه يتهيألي انه لازال وياها ويطلع وغيره وساعه اقول لا تلعب بعقلي يالشيطان لن ريلي وانا اعرفه كان يموت ع هالشي والحين ما يفتكر ابد ... ليش مادري.. :(:(:(

الحين انا عند اهلي ... اكلمه في اليوم وااايد عشان ما يحس اني بعيده عنه .. اصحيه للفجر .. بعدين اكلمه لين ما يوصل الدوام ... وبعدين ارجع اتصل ها تريقت .. وبعدين هاه وين ساير ... وهلم جرا .. احيانا احس بضعف واني لازلت غبيه .. وهو يقص علي واتم اصييييييييييييييييح .. ساعات احس اني اللي اسويه كله ع الفاضي... مره قلت له ابي اركب لولب قالي ليش ما تحتااايين .. ليش وكذا ومابي احمل ومدري شو قالي خلاص انا بتصرف قلت له لا ماعليه انا ابي اركبه .. قالي انتي ليش كل ماحد يابلج طاري الحمال قلتي لا قلت لاني تعقدت ... من اقوله هالكلمه يسكت وينزل راسه ...

يعني هاي تقريبا اخر احداثي اللي اتذكرها لأن عقلي مشغول بالوالده الله يشافيها فما اذكر الباقي ومشغوله ببنتي وخواني الصغار :(:(:(:( ادعولي وادعو للوالده الله يخليييييييييكم.. واي شي جديد بخبركم ان شاءالله
وسامحووووووووووووووووووووووني لأني تاخرت عليكم والله ...مب مني من ظروفي....... ولا تحرموني منكم خواتي لأني والله اشوفكم كلكم خواتي الكبار واللي احبهم واللي ما اقدر استغني عنهم ...

وتقبلو حبي..
أم عواشه