يا بنات لحقو علي...كيف أسكن في بيت أهل زوجي الوسخ

men_gady;5526464:
الله يعينج الصراااحه والمشكله ان ريلج الله يهديه بعد مايسمع

حاولي تخبرين وحده من الخدم انها تنظف البيت ومااظن بيعترضون

fhosani;5526249:
بنات أرجووووووووووووكم لحقو علي والله تعبت ما تتصورون كيف أنا تعبانه..أنا تقريبا صارلي شهر انتقلت من شقتي لبيت أهل زوجي بسبب الظروف الماليه..والله إني انتقلت و غصبا عني مب حابه هذا الشيء بس شو أسوي مظطره..المهم أنا ساكنه في غرفه في الطابق الثالث و مقابل هذي الغرفه غرفة أخوه (وجه بوجه)..وعندي بنت و كل شوي تطلع يعني لازم أكون لابسه الشيله طووووووووووول اليوم..و المصيبه الثانيه و الكبيره أن البيت خرااااااااااااااااابه يعني سكراب ما مخلين شيء مب ميمعينه في البيت من جدووووور و ماكينات و خرابييييييييط و الله بس من تدخلون البيت بتفتكرون أنكم داخلين سوق الحراج..من داخل البيت وصاااااااااااااخه كل غبار في غبار و ملابس طايحه و جواتي مفرفره..حاولت أقول حق ريلي هذا الكلام قام و عصب و قال يعني شو أهلي و صخين؟؟ والله أن ما أتحمل الوصاخه و طول اليوم أنا يالسه في حجرتي مب قادره..و خصوصا مع الوحام أنا أتوحم و ما أتحمل أي قذاره و الله أن الخدامه أخليها تنظف غرفتي من فوق لين تحت يعني البيت كوم و غرفتي كوم و الله أن إلي يدخل و يشوف غرفتي بيقول كيف هذي الغرفه النظيفه في هذا البيت الوصخ..أنا عندي بنت و ما أقدر أحبسها طول اليوم في الغرفه عشان ما تتعرض للوصاخه..شو أسوي المسكينه هي صغيره و كل شيء تحطه في حلجها أنا لما كنت في شقتي أغسل الشقه من فوق لين تحت بالديتول يوميا و ما كان البيت يطلع منه أي غبار و الله أن الشقه كانت تلق من النظافه كل شيء نظيف و في مكانه و ما ميمعه خرابيط... بس الحين شو أسوي معاهم..هم ما يهتمون و أنا كم من مره يبت في الكلام بطريقه غير مباشره لعمتي أن البيت و صخ و يباله يتنظف..بس هي الله يهديها ما تهتم و تتحراه نظيف..أنا مب متحمله أكثر أنا أول ما أدخل البيت من كثر ما لايعه جبدي أحط الشيله على خشمي و الله غصبا عني مب قادره..أخوانه وصخين يرجعون من النادي و يفرون جواتيهم الوصخه و ييلسون على الغنفات بعرقهم..لاعت جبدي خلاص مب قادره أتحمل هذي العيشه

fhosani;5527089:
يا أم جنى تعبت..مب قادره و الله لو عايشه في ملحق روحي عادي عندي ما راح أتكلم و مالي شغل بيهم وصخين و لا نظاف..بس أنا عايشه في بيتهم يعني أمر بكل الوصاخه و أشوفها..والله حتى ذكرتيني بالمطبخ..تصدقين إني أنا ما أشرب و لا اكل شيء من عندهم من كثر ما أشك أن مغبر و لا وصخ والله أن مرات أشتهي فواكه و لا شيء بس من لوعت الجبد ما اكل..توني مكلمه ريلي عشان يستعيل نبني بيتنا..قام و عصب و قالي أصلا البيت روحه و صخ و أنتي متكبره!!!! كيف ياناس يعني البيت بيوصخ عمره بنفسه؟؟وبعدين لو أنا متكبره جان دقيقه ما سكنت معاهم بس والله إني مب متحمله مب قادره أحس كل شيء و صخ والله أشك في كل شيء..حتى عمتي تكرمون مرات أشوفها و أنتو بكرامه تحط صبعها في خشمها و بعدين تفركه في الزوليه و لا أي مكان وااااااااااااااااااااااااااااااااااااااااااع حتى أنا ما أبيها تأكل بنتي بيدها بس شو أسوي مرات أقول للخدامه خذيه و أكليها و الله أن خدامتي أنظف و أشوفها كيف نظيفه حتى الخاشوقه تغسلها بالماي المغلي و بعدين تأكل بنتي بيها مثل ما عوديتها خلاااااااااااااااااااااص أرفت الوصاخه مب متحمله

عروس الحب;5530490:
اختي

ودي اسألك سؤال

هل اخوان ريلج موظفين وعندهم معاشات ورواتب؟؟

اذا الاجابه نعم

عندي لج حل و اقري حلولي عدل

ماشالله اهل ريلج عددهم7

يعني عددكبير
وبيتهم كبير اذا 3 طوابق لازم يتشاركون و يحطون خدامتين حق تنظيف البيت غير هالطباخه

وانتي اخذي اجازة اسبوع وقعدي مع خالتج ام ريلج قوليلها

خالتي اشرايج ننفض البيت انا وياج والخدم نغير بشكله

نسنعه و نرتبه ملينا نفس الشكل كل مرة

و اجري لج صبيان 2 او 3 خليهم يساعدونكم بتنظيف البيت

واذا ما قدرتوا تحطون خدم غير هالخدامه

خلي مرة او مرتين بالشهر تأجرون صبيان 2او3 ينظفون البيت كلللللللللللله
و يرتبونه بيومين
حاولي تقنعينهم

بنان اخت وجدان;5526564:
مراحب خيتوا

الله يعينك على بلواك الواحد مايتحمل يعيش مع اهل زوجه وتتكمل بان البيت وسخ؟؟؟

انتي امري على الشغاله ترتب البيت بشكل اشمل مثل ما تامرينها ترتب غرفتك وحاولي تساعدينها في البدايه

لحد ما تتعود على النظام الجديد

وصدقيني حتى ام زوجك واخوانه راح يرتاحون نفسيا ويتعودون على الوضع الجديد

انا مريت بنفس التجربه بس اقل والله منك بكثير بس ام زوجي ماترمي شي برى ولو حتى للجمعيات الخيريه

بس تكديس في المخازن لحد ما وصلت للسقف

ماقدرت اتحمل تكلمت اكثر من مره معاها ولا فيه فايده بس بالاخير اخذتها من يدها وطلعنا للمخزن

واخذت اوريها تبين هذا!! تحتاجين هذا!!!! طبعا كل الاجابات كانت لا لا لا

في الاخير قلت لها خلي المسلمين ينتفعون منها بدل ما تخرب صلاحيتها وبعدين في سلة المهملات اعزكم الله

وحلت المشكله

دعواتي لك بان تقومي بالف صحه وعافيه

واتمنى اكون افتك