شلون تســـوين غطـــاء لحمايــة الجوال من الجوارب اللي عندك بالبيت ؟؟ سهلة وبالصور

السلام عليكم بنات شلونكم شخباركم ,,

بنات طبعا كلكم تعرفون الغطاء مال التلفون اللي الناس هابة فيها هاليومين
وطبعا كوننا كبنات لما تحطين تلفونج داخل الجنطة اللي فيها كل اغراض الدنيا تلقين التلفون يتزلغ وياما التلفون يطيح وانا يا بنات اكثر وحدة تلفوني يطيح وانكسرت الشاشة
و اليوم سويت هالطريقة السهلة واااااااااااااااايد وااااايد عشان تحمينه

الادوات

خيط + ابرة


جوارب (يكفي جورب واحد يعني طبجة وحدة ) ولو يكون ملون وايد احسن بعد







اكسسوارات او كريستال شوارفسكي على حسب رغبتج يعني مو لازم ,, سامحوني بنات ما لقيت صور بس لو تروحين البلوكات او اي مكان يبيع كلف تلقين اكسسوارات بسيطة تنفع








الخطوات

1.قلبي الجورب لبره يعني كانج بتلبسين الجورب بس بالمقلوب

2. حطي التلفون داخل الجورب

3.الحين اخذي الخيط و الابره و ابدي خيطي على اطراف التلفون يعني الطرف اليمين و اليسار

4. الحين بقى الطرف اللي فوق طبعا الحين قصي الطرف اللي فوق بس خلي شوي مسافة

وهذا مثال بسيط سويته عالفوتوشوب



5. اخذي الخيط والابرة و خيطي لي بره يعني اخذي طرف الجورب و جفسيه لي بره و ابدي خيطي وتذكري انج انتي قالبة الجورب يعني لو تعدلينه المفروض الخيوط وكل هالعفسة ما تبين

6.قلبي الجورب و جذي خلصنا :)

7. الحين عاد انتي و كيفج تبين تحطين اكسسوارات و يا حلاته لو حاطة دبب او قطاوة العاب صغيرة يصير شكله كيووت و بسرعه تلقينه اذا حاطته بالجنطة او اي مكان

بنات هذا مثال بسيط على اللي سويته بس ما لقيت دلاغات ملونة فطبقت الفكرة على دلاغ ابيض



و بنات اذا مو فاهمين اي شي سألوني انا حاظرة

وبنات ادعولي بالزوج الصالح وانه يفك كل كربي عني ,,آمين يارب العالمين