مساعده لعروسه حائره

مرحبا
اختي فكرة الكوشة حلوة حاليا في حركة يسوونها في المحلات المتخصصة في الكوشات وهي ورقة يكون شكلها مثل النار وتكون على حامل فضي او ذهبي حسب ماتختارين ( مثل النار اللي موجودة في ديكور برنامج وزنك ذهب ) وانا صديقتي سوتها حطت خمسة من هالحوامل وسط ديكور نخل جوز الهند وكانوا معلقين جوز هند على النخل وحطت كل الورد اللي في الكوشة برتقالي فاتح وكان شكل الكوشة مرة حلو
وفكرة الزفة حلوة بس اظن انها تقليدية نوعا ما انا مرة شفت في عرس العروس نفسها هي اللي ترش الورد وفي عرس ثاني كانوا مسويين فوق عالسقف قماش طويل على طول ممر العروس وكان لون نفس لون السقف يعني ماكان ظاهر كثير ولما دخلت العروس وقفت عند الباب والقماش هذا طاح وكان مليان ورد يعني صار طريق العروس كله ورد وبعدين مشت عليه واذا تعرفين الجهاز اللي يرشون فيه ورق ملون صغير ممكن تستغنين عن الورق وتحطين بداله ورد
اتمنى اكون افدتك

شكرا حبيبتي سوسو
وانا احب الطرق التقليديه لانها طرق ناعمه وبسيطه ودائما تدل على شخصية العروسه
فكرتك اعجبتني بس ابغي اسئل كم تكلف ومشكورا اختي