عروس ومحتارة ساعدوني

السلام عليكم حبايبي
انا زواجي بعد اشهر قليلة والحقيقة محتارة ,انا وخطيبي الحمد لله متفاهمين جدا وما في اي مشاكل بينا حتى بادق الامور واكثرها حساسية ما عندنا مشاكل والفضل طبعا لحكمة خطيبي في التعامل معي واستيعابي لاني انا خجولة قوي وبستحي اتكلم في اي حاجة بس هو تفهم ده وبدا معي شوي شوي لحد ما اتكسرت كل الحواجز بينا مع اني لسى خجولة بس يعني صرت اقدر اعبر شوي عن احاسيسي,بتخيل لو انو حد تاني غير خطيبي كنت حبقى لخمة خالص,انا لسى لخمة يعني :Dبس اهون شوي.
المهم دلوقتي,انا قريت مواضيع كتير عن الحياة الزوجية وتجارب ناس قبلي بس الصراحة وقعت في حيرة,انا بحب خطيبي قوي وعاوزة اسعدو وبقرا عشان اتعلم واشوف افضل الطرق للتعامل مع الزوج لاني زي ما قلت خجولة وما عندي خبرة بهيك امور.بس لقيت رايين متناقضين:ناس تقول انو لازم تدلعي زوجك قوي وتبقي زي ما هو عايز وتهتمي بادق وابسط امورو ولو غبت عنو لحظة يحس انو ضايع من غيرك. وراي تاني علعكس تمام بقول انو لازم تغلبيه ودايما تحسسيه انو مقصر او عالاقل يعني مثلا ما تبتسميلو الا بعد ما يكون تعب قوي عشان يحصّل هالابتسامة وانو لازم دايما تخليه يجري وراك وهو اللي يدللك ويهتم فيكي لان الرجل بحب الست اللي تعذبو وتتقل عليه وما يحبش الست اللي ترمي نفسها عليه وانك لو عملتيلو كل حاجة ودللتيه رح يمل منك لانو يحب المراة ذات الشخصية ولانك لو عملتيلو كل حاجة واهتميتي بيه رح يعتمد عليك ويتعبك ويصير يطلب منك كل كبيرة وزغيرة.
صراحة ضعت بين الرايين وكل راي يبين محاسنو ومساوىء الراي الاخر .انا اللي بينلي ياه خطيبي انو يحب ادللو واحسسو بقيمتي عنده بس مش عارفة ,اخاف بعد مدة من الزواج يمل مني ويحس اني بلا شخصية او لما يشوفني مهتمة بيه وكل الوقت ادللو يهملني وما يدللني لانه تعود دايما يكون هو المتدلل.اعرف انو خير الامور اوسطها بس اتمنى من صاحبات الخبرة يساعدوني ويدلوني كيف املك قلب حبيبي للابد لان نسوانكتير خوفوني ان الرجل بحب المرة القوية واللي تخليه متعذب عشانها وانو كل الرجال ما يستاهلون الدلال لانهم بصيرو انانيين وما يهتمون الا بنفسهم.
هدا اول امر الامر التاني خطيبي دايما يقولي انو عاوزني اتدلل في حركتي واتدلع في كلامي معاه وانا صراحة زي ما قلت جاهلة اوي في الحكايات دي معرفش ازاي امشي واتحرك بدلال وكمان معرفش اتكلم بطريقة الدلع وهو دايم يلح علي وانا اتهرب لاني اخجل وفوق ده ما عرفش ,فياليت اللي عندهم خبرة ودلوعات يساعدوني كيف تكون حركات الدلع وكيف يكون كلامي بطريقة الخنج والدلع,
الامرين دول مضايقيني قوي,عاوزة اعرف اي الطريقتين افضل في التعامل مع الزوج عشان ما يهملني ويضل يدللني وكمان علموني اكون دلوعة
وادعولي بالتوفيق