قصة ولادتي ب عاليه الاموووره

السلام عليكم

بما ان البنوته نايمه جيت سريع اكتب القصه:)


يالله ندخل فلموضوع على طول هههههههه


طبعا قبل الولاده صار لي اسبووع اطحن ابغا اولد ابغا اولد وكل يوم والثاني اقول ياااريييييييت اولد يوم الجمعه وكل يوم اقول يااارييت اولد يوم الجمعه


واخييييييرا جا يوم الخميس وماافي اي ألم(i)(i)

قلت ياربي شكلي راح اطول انه معنه والله باقي على موعدي بس والله تعببت ومليييت وحسيت نفسي لااازم وضروري اولد هههههههههههههه

المهم صار الخميس بلليل ومافي الم

دخلنا على الساعه 12 وسبحااااااان الله مره وحده صادني الم خفيف من تحت:eek:

انه استغربت قلت هذا زي الم الطلق؟؟

قلت يالله انطر شويه اشوف مرت تقريبا ربع ساعه الا اوف رجع الالم:D:D اسفل البطن ومواصل بلظهر وتشنج فبطني مثل البيبي ينشد على تحت احسه

قلت يالله خييييييييييير تونا بدايه يوم الجمعه:D:D

المهم شوي شوي زاد الالم وزادة الحرقه

وشوي شوي شفت نفسي ماقدر اذا يجيني الالم ماقدر امدد نفسي ولا اوقف ولا اقعد ولاشي وابغا اروح الحمام واذا اتبول اكرمكم الله احس نفسي ابا ادفع

المهم صارت الساعه 5 وانا متحمله كان يجيني الالم تقريبا كل 10 دقايق واعات شويه يتاخر عن العشره يعني اغفي لي غفوه بسيطه

بعدين قمت رحت اتمشى بلحوش اروح واجي وصارت الساعه 7 وبعدهو الالم منتظم عندي

اخر شي امي قعدت من النوم ورحت لها الغرفه قلت لها فيني الم ماااااااااقدر قالت لي شلووون ومن متىىىى:rolleyes:

قلت لها من قلليل ساعه 12

قال لي معقوووله يعني بتولديين قلت لها والله مادري انا مستغربه اصلا:ss:

قال لي اقعدي مني خليني احسب لج كم بين الطلق والطلقه

شافتني مو قاادره اصلا اقعد الالم يجيني ورا بعض واقل من 5 دقايق:ss:

قالت لي قوووووووووومي على المستشفى ركيض

وبسرعه البس كلشي غصب وانا الام ذابحني احس بشلل وقت الي يجيني الالم

المهم جابت لي السياره والا انا مااقدر واله حتى اجلس من الالم :confused:

كانت الساعه 9 وشوي تقريبا

وانطلقنا للمستشفى واتصلت لزوجي قال انا انطركم يم الباب مال المستشفى هههههههههههه

وصلنا جا يبغا يمسك يدي قلت له اصبرررررررر الالم فيني اللحين واحس نفسي مشلوله ماقدر حتى ارفع رجل وحده نطت شويه لما رح الالم وبسرعه اوقف وادخل من مدخل الطوارئ وكان هدووووووووووووء مافي ولا وحده وطبعا انه واقفه برووحي لانه زوجي ممنوع يدخل هناك وامي راحت تبركن سيارتها على جنب

قمت اتلفت يمين يسار ماكو حد ههههههه بروحي واقفه فلمممر واتعصر عقب مشيت شويه الا ثنتين جالسين علكونتر ويتبسبسون على خفيف ماشافوني الا داخله عليهم عرض اقول لهم ولااااااااااده ههههههههههه

وقفوا خايفيين يقولن لي ليش برووحج مافي وياج حدد وانه موقادره من الالم اقول لهم بره بره منااك منااااااااااك بسرررعه مسكوني من يدي وودوني غرفة الفحص وانا هني متت قلت لاااا مابغي فحص وانجا الهنديه ولاهي مفتكره اتقول لي يالله بطل رجول هههه

استسلمت وقاستني والا فاتح 4 سانتي:D

قالت لي يالله فوق انتي ولاده

بسرعه فصخوني كلشي ونقلوني على السرير لغرفة الولاده وانا ذابحني الالم

لما وصلت للغرفه جلست اتالم وابربر بروحي هههه بس الحمدالله مو من طبيعتي اصارخ او اسب

والساعه يمكم 10 ونص جات قاستن وقالت لي لو للحين 4 سانتي راح اعطيج ابره تنومج وتخليج تطلقين وانتي ماراقده ونايمه ماتدرين بروحج هههه قاست وقالت لي للحين اربعه

وعطتني الابره وصدق والله هذا ااخر كلاام اتذكره وماوتعيت الا ثنتين هنود على راسي جالسين يعدلون السرير والمعدات ووحده دكتوره بحرينيه واقفه على جنب تكتب في الاوراق والا الهنديه اتقول لي يالله ارفع رجول يااااللله سررررررررعه

اقول لها شنو اعصر يعني هههههه مو مصدقه والله

تقول اي خلاص بيبي كم بيبي كم

يالله عسرررررررررر عسرررر وقمت اعصر من قلبببب واحس بلراس ويصرخون اي شاطر شاطر عسرررر اقواااا وعصرت عصره من قلللب وحسيت بلراس طلع:D

وبعدها بسرعه طلعت البنوته وجابوها على صدري اشوفها مثل الملاك والله:D:D

بس ضحكتني الهنديه قبل لاتراوني وجها راوتني اعضائها التناسليه قالت لي شوفي بنيه بنيه ههههههههه

وبعدين ورتني شكلها حبيبتي ضميتها لصدري

وبعدين خلاص بسرعه طلعوا لي المشيمه وخلصت وكانت الساعه 12 ونص الظهر بتاريخ 21/3 يوم الجمعه يوم الي كنت اتمناااه:D