بنات عندي مشكلة مالها حل ؟ :.(

!

!!.. Baby_CaT ..!!

عروس مبدعة

24-03-2008 | 01:07 PM

السلام عليكم

شخباركم خواتي ؟

عندي مشكلة ومو عارفه كيف اتصرف

بنات انا الحين قبلوني في وظيفه ولازم اسوي فحوصات عشان استلم الشغل وانا وزوجي تونا متزوجين من 4 شهور ونستخدم طريقه العزل بس الايام الي فاتت زوجي يبي عيال وصار ينزل داخل والمشكلة الحين هي

انه انا لازم اسوي اشعه حق الشغل وهاي الشي لازم يصير بكرة لانه الوظيفة لازم استلمها يوم الاحد وادوام وانا كنت انطر هاي الشغل من زمااااااان :confused:

بنات انا خايفة اكون حامل ودورتي لازم تجي 29-3 يعني يوم السبت وماقدر انتظر لين السبت تهقون لو سويت تحليل منزلي او تحليل دم ممكن يبين من الحين ؟؟ عطني حل سريع بموووووووت يابنات والحين لازم ماحمل لمدة 3 شهور عشان يثبتوني في الشغل

ادري بتقولون اهم شي البيبي بس انا هاي الشغل محتاجته وناطرته صار لي 6 شهور لازم اشتغل

مو عارفه شسوي انا اكتب وانا حدي متوترةماعرف شقاعده اكتب :.(

ز

زي الـــسكـــر

عروس متألقة

24-03-2008 | 01:23 PM

حبيبتي كل مشكله ولها حل انتي لا تزعلين نفسك وحاولي تسوي تحليل دم وان شالله بيبان والله يوفقك ...
وانا عارفه لو ضيعتي الوظيفه عشان خايفه يكون في حمل وبعدين لا سمح الله ما طلع في حمل وقعدتي فالبيت بتقعدين تقولي ياريت وياريت و لو اني رحت اسوي الاشعه وتفتحين مجال للشيطان ... عشان كذا روحي سوي تحليل دم ولو انك تقصدين ان دورتك 29 -3 بالميلادي اكيد بأذن الله بيبان ... صلي استخاره قلبو وتوكلي على الله ... والله يكتبلك اللي فيه الخير ان شالله ...

*

*ام وسام*

مشرفة سابقة

24-03-2008 | 01:23 PM

اعملي فحص منزلي وممكن يبان .. واذا ما بين اعملي فحص دم ...

اريد اعرف هل هي اشعة لجسمك كامل ؟؟؟

لا عادي انتي الان لو حملتي .. ما باتولدي الا بعد 9 شهور يعني باتكون فترة التجربة في العمل عدت وبزيادة ...
يعني ما باتشكل لك اي مشكلة ... بعدين في الولادة ممكن تاخذي اجازة بدون مرتب اذا رفضوا تمام يعطوك اجازة براتب ..

د

دمعه عنا

عروس مشرقة

24-03-2008 | 05:26 PM

الله يكتب اللي فيه الخير

ه

هملووله بنت صوغان

مشرفة سابقة

24-03-2008 | 05:40 PM

اختي بسيطه ليه معقده الموضوع اول شي حلللي دم
اذا فيه حمل قسم الاشعه يتفهمون هالمساله

اذا مشي يعني تقدرين تسوين الاشعه

ولو فيه حمل متاخر ومابين فالدم حتى لو سويتي الاشعه ماياثر لانه الحمل ماتخلق فالجسم

وشو بعد

هي بخصوص انج حابه تثبتين نفسج فالشغل
عادي اختي يعني الوحده ماتقدر تثبت نفسها فشغلها الا واهيه مب حامل

اتوكلي ع لله ولاتعقدين الموضوع

ر

ريمه 2007

عروس رائعة

24-03-2008 | 05:51 PM

موفقه والله ينولك اللي في بالك

Q

Qtr Girl

عروس ماسية

24-03-2008 | 06:46 PM

روحي حق دكتور نساء وولادة يسون لج ألتراساوند ويبين على طول

والله يوفقج

B

Big smile

عروس فضية

24-03-2008 | 07:16 PM

والله حبيبتي قوليلهم انا متزوجه ويمكن حامل ... عادي احنا بالدوام إلي متزوجين يسون لهم فحوصات ... ولي حامل مايسون لها اشعه ... يعني لازم تخبرينهم بهالشي مافيها اي مشكله

-

-%-سحابة حب-%-

عروس ماسية

24-03-2008 | 10:29 PM

طمنينا

ش

شيكه

عروس مشاركة

25-03-2008 | 03:20 AM

اختي عادي قوليلهم انا حامل ومااقدر اسوي اشعه وخلاص

ا

ام الغلا شهد

عروس مشاركة

25-03-2008 | 05:48 AM

ليش مارديتي يعني ماسويتي تحليل والا شنو.......؟؟؟؟؟؟
الله يسهل امورج يارب وتتوفقين بالشغل

ت

ترانيم القلب

عروس مشرقة

25-03-2008 | 06:09 AM

حبيبتي قولي لهم انا متزوجة ويمكن حامل ما بيسوليج اشعة
او روحي لطبيبية نساء وسوي سونار او التراساوند
والله يوفقج الي فيه الخير لج ان شاء الله وتوكلي على الله

!

!!.. Baby_CaT ..!!

عروس مبدعة

25-03-2008 | 08:41 AM

مشكورين خواتي على ردودكم

صراحه ريحتوني واليوم الصبح سويت تحليل منزلي وطلع مافيه حمل مالي الا الحل الي قلتوا عنه اني بقولهم انا متزوجه واخاف اكون حامل وان شاء الله يمكن اروح اليوم عشان الفحوصات الله يستر يارب

ماقصرتوا خواتي ^_^