ساعدوني اربي ولدي بنفسي...

بصراحة هذي فطرة من رب العالمين في ان الأم هي اللي تربي عيالها وتبدلهم وغيره وخاصة في الشهور الأولى من حياتهم عشان يحسون بريحة أمهم وحنانها..
وبالنسبة لج في انج محطية في بالج ونفسج انج كله تعبانة وما تقدرين تغيرين لولدج عشان جذي تعتمدين على غيرج في تربية الولد وهذا خطأ أهم شي نفسية الأم لازم تكون مرتاحة وانها قادرة وحابة تربي الولد بالطريقة اللي تباها من دون ما تعتمد على غيرها .
وبعدين ولدج بعده صغير ما كان يحتاج انج اتيبين له مربية وخاصة ان هذا الولد الوحيد الللي عندج وجودها يخليج اجباريا تعتمدين عليها .
حاولي من البداية انج تغيرين الي في بالج عشان تقدرين تربين الولد بالطريقة الصحيحة.

والله ما حد في الدنيا كسول مثلي ... بس انا لما ارجع من العمل اعمل اي شي لابني بنفسي .. اغير له واكله واهتم فيه هذا لاني في الاساس استحي ارمي لحد مسوليتي ... بعدين مهما كانو اقربائي بس برضو ما بايهتمو فيه مثل ما انا اهتم فيه ... يا حبيبتي انا لو مش مضطرة اني اجيب شغالة بالصبح علشان تهتم فيه ما كنت ابدا افكر في شغالة .. انتي ممكن تسلمي مسؤولية البيت للشغالة او اخواتك وانتي تهتمي في ابنك .. وكدة بايكون عليك اخف .. بس نصحيحتي : بكرة لو حصل شي لابنك بسبب اهمالك وكسلك ما باتلومي حد الا نفسك ..

هلا والله يا حبيبتي

أحلى شي انج حاسة بالذنب لأن المربية تهتم بالبيبي ولا في ناس ولا على قلبهم خبر العادي والطبيعي عندهم ان المربية تهتم بعيالهم والغريب انهم هم يهتمون بهم.

بقول لج عن تجربتي الخاصة عندي الله يحفظهم عيالي أربعة وربيتهم لحالي ولا خليت أمي أو الخدم يساعدوني مع ان بيتي فيه كذا خادمة وخادم لكن ما يلمسون عيالي حتى لما كان زوجي يدرس برى وما عندنا خادمة مقيمة بالبيت طول اليوم مايبت لهم مربية.

بتسألين شلون بقول لج خلي كل شي بالبيت على الخادمة الا زوجج وعيالج.
لا تطبخين ولا تنظفين ولا تتسوقين لفترة ان البيبي صغير وبس وعنايتج الشخصية بروحج خليها مرة بالأسبوع روحي صالون التجميل وخلي البيبي عند خواتج ساعه وبتكونين جاهزة وترجعين للبيبي.
ونظمي نومج على نوم البيبي من ينام نامي بتصحين نشيطة ولج مزاج له ولزوجج تطلعون وتغيرون جو.

الخلاصة فترة التربية انسي فيها الحياة الاجتماعية وركزي على البيبي كلها فترة قصيرة وترجع حياتج مثل ما كانت وخلي المربية لشغل البيت .

مشكورين و ماقصرتو...

تذكري أن الجنة تحت اقدام الأمهات ليس من قليل .. لكن لأنها تتعب وتتعب وتسهر وتفني وقتها ونفسها وطاقتها على رضيعها ليكبر وأول كلمة ينطق بها هي "ماما"


تخيلي أن يقولها للشغالة؟!

تخيلي يوم يأتي موعد سفرها يبكي لفراقها وتبكي لفراقه! لأن الأمومة بالتربية وليس فقط بالولادة ..!!

انا ما كنت اخلي حد يلمس ولدي كنت اغار عليه وايد

بس شاء رب العالمين اني احمل واتوحم واصلن فالمستشفى قاللوي حتى ولدج لا تشلينه

وسبحان الله ما كنت اهتم وفعلا بس شليته يومين من السياره لين الشقه ..نزل الحمل...معن ولدي خفيف مب ثقيل...

يوم اشوف الخدامه اتغسله ولا تبدلله كان قلبي يصيح من داخل بس كنت وايد تعبانه فا ما قدرت

بس الحين لا بس يوم انا فالدوام تشوفه ومن ارد انا استلمه

دام عندج اتحساس بال1ذنب فهذا يدل على ان غزيرة الامومه فيك لانه بالفعل فيه امهات مايهتمون وخاصه بوجود المربيه بس امهات مجرداسم اذا تبين نصيحتي تشيلين المربيه من الاساس الولد انتي موبطول الوقت بتكونين شايلته يصير تخلينه بالكرسي المسدوح لانه صغير وانتي تسوين شغلج ويكون جدام عينج وكلميه اثناء انتي ماتشتغلين وخلي يومج عادي انتي نظميه حطي لج جدول لما اهو يكون راقد فترة الظهر سوي الاشغال اللي عندج والا خلي المربيه شغاله اهون بواياد انها تكون مربيه والله يعينج ويقويج

مشكورين و ماقصرتو..

انا لما كنت في بيت امي صحيح امي اتغسلة واستبحة بس لما تكون مو موجودة اني الي اغير لة وماكنت اعرف انام الا الين يكون جبني يعني حتى لو طول الليل مانمت مااعرف اخلية ويا امي وارتاح اشوي

وحتى لما رجعت البيت اعتمت على نفسي اعتماد كلي ولا حطيت في الاعتبار اني عايشة في بيت اهل زوجي
كنت كلشي ماشاء الله اسوي بنفسي ماكنت احد يسوي لة شي
تخيلي يعني ساعات والله طول الليل ماانام وبعد الصبح اواصل معاه الى الظهر ولا اروح اقول الى احد جوده بنام مااقدر ماتجيني نومة اصلا

واشوي اشوي قدرت اتقلم مع الوضع وخصوصا لما اعتدل نومة

لما اتعودين روحج اختي
هذا ولدج ضناج اشلون اتشوفينة في يد غيرج ولا يعورج قلبج
اول الايام بتعبين بس بعيدن تتعودين

اذا انتي ماتشتغلين مايحتاج خدامة خبيبتي
انتي المفروض كلشي اتسوين لة
حتى لو كنتي تعبانة
هذا شي فطرة من رب العالمين سبحان الله

انا من ولدت لين ماصار عمر ولدي 8 شهور

كنت انا اشيله وارضعه وابدله وبمساعدت ام زوجي بعد عقبها سافرت في الصيف

ويوم رجعت قلت بخلي الخدامه تساعدني

تخيلي شهرين صارت الخدامه تبدله وترضعه وتنومه انا صرت اسم ام

تميت على هالحال 4 شهور عقبها صحيت من الغفله ولدي صار يبي الخدامه مايبيني

جاتني غيره مب صاحيه والحين دوووم عندي مع انه يموت بالخدامه ويفضلها علي

بس خلاص مافي مجال اخليها تاخذه

رايي من راي الاخت اسما ء زكي الدين

ما يحتاج حد يعلمك شتسوين هذي فطره من رب العالمين وأنتي عارفه نفسك مقصره وغلطانه

بما أن عندك القدره الماديه تجيبين مربيه الأفضل جبتي شغاله للبيت وتفرغتي لولدك

وأحمدي الله على نعمة الضنى ناس محرومه منها تتمنى طول اليوم تنظف وتتعب وتغير لطفل

حبيبتي ما فات قد مات ... الحين ابتدي صفحة جديدة مع ولدك ... فرغي نفسك تماما من شغل البيت اتركيه على الشغالة ... واتفرغي لولدك ... خافي من اليوم اللي يمكن يتعلق فيه بالشغالة اكتر منك _الله لا يريد_

انا اشتغل ودوامي طويل .... مشان هيك جبت مربية لبنتي ... بس من اجي اشيلها عندي ... ما يمنع انه المربية تساعدني في حمامها او اذا نامت اناديها تقعد جنبها لان بنتي وايد حركية .... الحين بنتي متعلقة فيني وبالرغم انها لساتها صغنونة ... بس تعرف اني امها اللي تحبها ... وماعمري حسيت بانها تحب المربية اكتر مني

اختي انا بس اروح دوام 5ساعات واخلي اعيالي عند شغاله تبدلهم وتاكلهم اتقطع من داااااااااااااااااخل تقطع رهيب واحس بذنب موطبيعي لكن موباليد حيله راتب زوجي تعبان وحياة مكلفه وقلت لزوجي اول ماتزيد معاشات باخذ سنه بدون راتب لين يدخلون حضانه او روضه على الاقل ذيك ساعه اارجع شغل

مع اني خلاص مفكرة سواء زادت او لا اخذ اجازة على هالصيف واستحمل راتب واحد والله المستعان

وبس من ارجع من دوام استلم اعيالي لثاني يوم

اختي هذي غريزة فطريه انتي ام كيف تسمحين لشغاله تبدل حفاظه طفلك وتشوف اعضائه وتغسله وانتي ماتدرين تغسله عدل او لا ويمكن لاسمح الله تلعب فيه ليش لا انتي عندج ثقه فيها

انتي امه موقادرة تتحملينه بالله كيف غررررررررررررررريبه

تضمنين انها تشربه وتبدله وتلبسه اذا صاح يمكن تخليه يصيح لين مايسكت او تسد حلجه بالمصاصه

بتقولين اشوفها يمكن قدامك ومن وراكي شي ثاااني

وياما تحت دواهي سواهي

وانتي امه شلتيه ببطنك 9شهور تعرفي شو يعني 9شهوووووووووووووووووور و40 يوم نفاس ولوعه وغير طلق يوم كامل وخياطه وعذاب


داحين موقادرة على تبديل بامبرز وتعطينه حليب

وطفلج توه صغير 4شهور شو راح تعملي لما يبتدي يحبي ويمشي وانتي تركضين وراه راح تهلكين

واقولج ولاتزعلي منى لاتجيبين اعيال قبل مايصير عمر ابنك 4او5 سنوات

انتي داحين مالك بارض بابنك كيف اذا صار عندك اثنين او 3 و4

كيف راح تتعاملي معهم اذا مالك بارض بطفل صغير عمره 4شهور

مواحنا نعلمك ونقولك انتي اذا في نفسك عندك استعداد وقابليه لابنك راح تعملي بدون ماتنتظري حد ينصحك

اختي اتقي الله في صغير الله بيحاسبك يوم القيامه على اكله وشربه ولبسه

وخلاص انتي برمجي نفسك اذا تشتغلين من ترجعي خذي صغير بدلي حفاظته حتى لو خدامه قالت بدلته انتي بعد بدليه وشربيه حليب ونامي معه واذا قام شربيه مرة ثانيه ونامي وعصريه سبحيه ولبسيه ثياب نضيفه وشربيه حليب وقعدي معاه ناغيه وكلميه وضميه وحبيه ولعبي معاه واذا عندك شغل وديه معاكي والله يخلي عربانه ومصاصه

وزوجك اهتمي فيه مااعتقد طفلك بيمنعك لانه توه صغير مايحتاج غير تبديل وحليب فقط

واشتري حقه العاب في بيبي شوب ل3شهور وفوق تجي نفس سجادة او بطانيه من تحت تحطي بيبي فيها ومن فوقه العاب تتحرك وطلع اصوات منها كثيررررررررررر

وهذي صورة سادسه

شوفي الموضوع

واخذيله قراقيش

واشتري هزازة حطيه فيها وخليه يشوف تلفزيون معاكي


يااختي احلى ايام عمرك تضيع وبعدها راح تنسي شكل طفلك وذكرياته

ومااعتقد كل يوم عندك اشغال

وش هذي اشغال زيارات والخ

مش لازم كل يوم تطلعين

وعن اشغال البيت جيبي شغاله تشيل عنكي كل حاجه انتي فقط اشرفي عليها

اختي الموضوع يبيله اجتهاد صبر جسدي ونفسي اذا تعودتي راح يكون روتين عندك وبعدها ماراح تحتاجي مربيه

واتمني تتقبلي كلامي برحابه صدر

والله يوفقك