^*^باي التوت... شي عجييييب و لذيييذ... بالصور^*^

D

Daisy Ash

مشرفة سابقة

24-03-2008 | 11:30 AM

السلام عليكم و رحمة الله و بركاته

كيف الحال و الأحوال أخواتي العرايس؟ عساكم دايماً بخير و عافية...

الله يسلمكم أنا كنت في زيارة عند أهلي و هناك عندهم شجرة توت ، و من كثر التوت اللي فيها مو عارفين شيسوون فيه...

عاد أنا أشوف الأجانب دايماً يسوون باي التوت و كان من زمان خاطري فيها... فقلت أجرب و أشوف شيصير...

النتيجة طبعاً طلعت مذهلة... و أتركم معها...

بسم الله نبدأ...

أول شي نحمي الفرن على درجة 350... و نجهز صينية الباي، و هذا شكلها...

نجهز الحشوة:

3 أكواب توت أحمر
نص كوب سكر(حسيت إن كمية السكر قليلة عشان التوت كان حامض، فالمرة الثانية بزيد الكمية إلى كوب)
3 ملعقة كبيرة نشا
ربع ملعقة صغيرة قرفة
ملعقة صغيرة عصير ليمون (إذا كان توت حامض ممكن تستغنون عن عصير الليمون)

و عشان نطلع عصير التوت هرسته شوي...

الحين نجي لعجينة الباي (هذي عجينتي المعتمدة في كل أنواع الباي)

2 إصبع أو 200 غ زبدة لينة
2 كوب طحين
رشة ملح
3 ملعقة كبيرة سكر
صفار بيضتين
في العجانة نحط الزبدة و الطحين و الملح و السكر...

طبعاً لما يختلطون بيصير شكلهم مثل فتات الخبز... بعدين نضيف عليهم الصفار...

و هذا بعد ما خلطنا الصفار...

بعدين نعجن باليد لحد ما تصير عندنا عجينة ناعمة و متماسكة...

نلف العجينة بورق نايلون و نبردها بالثلاجة لمدة نص ساعة. بعدين نقسم العجينة نصفين و نرق كل نصف بين ورقتين نايلون عشان يسهل التحكم بالحجم و عشان ما تلزق العجينة و تتشقق...
و نرق العجينة بشكل دائري أكبر من حجم الصينية...

نرفع العجينة بحذر و نشيل عنها ورق النايلون من جهة وحدة بس و نفرشها في الصينية، بعدين نشيل الطبقة الثانية من النايلون... بتلاحظون إن النايلون بيساعدكم كثير بالتحكم بالعجينة عشان ما تتشقق... نجيب الحين حشوتنا اللي جهزناها و نصبها على العجينة في الصينية...

نجيب الحين النص الثاني و نغطي فيه وجه الصينية...طبعاً بيكون في زوايد من الأطراف، نحاول نثنيها وندخلها في الصينية و بخفة نضغط عليها عشان نتأكد إنها تسكرت... طبعاً عجينتي ما خلت
من بعض الإصابات و الأضرار، فسويت لها عمليات تجميل :tongue:
بعدين ندهن الوجه ببياض البيض، و نجيب سكين حادة و نسوي فتحات للتهوية بس بشكل حلو...

ندخلها الفرن في الرف السفلي، و لمدة 45 دقيقة أو لحد ما تتحمر... و هذا شكلها بعد ما طلعتها...

نتركها تبرد تماماً قبل ما نقطعها عشان الحشوة ما تسيح... أنا خليتها ساعتين و كانت دافية لما قطعتها... و هذا شكلها عند التقديم...

طعمها كان خيال... بس كانت حامضة شوي مثل ما قلت لكم...

و يا رب تكون عجبتكم... و عليكم بألف عافية (f)

&

< ام حمد >

عروس نشيطة

24-03-2008 | 11:43 AM

وااااااااو شكلها لذيييييييييييذه تسلم ايدج يا عسل
وانا بعد عندي شجرة توت بروح اقطف اليوم خخ

بس بغيت اسالج لما تفتحين الفرن على درجه 350 يكون بس من تحت؟ ولا فتحتي تحت وفوق؟؟؟

ولو من تحت انتي قلتي نحطها في الرف السفلي معناها بتكون قريبة من النار الي تحت وممكن تحترق بسرعه او تحمر قبل ما تنضج العجين

تسلم ايدج يا عسل

D

Daisy Ash

مشرفة سابقة

24-03-2008 | 12:49 PM

< ام حمد >;5516724:
وااااااااو شكلها لذيييييييييييذه تسلم ايدج يا عسل
وانا بعد عندي شجرة توت بروح اقطف اليوم خخ

بس بغيت اسالج لما تفتحين الفرن على درجه 350 يكون بس من تحت؟ ولا فتحتي تحت وفوق؟؟؟

ولو من تحت انتي قلتي نحطها في الرف السفلي معناها بتكون قريبة من النار الي تحت وممكن تحترق بسرعه او تحمر قبل ما تنضج العجين

تسلم ايدج يا عسل

حياج الله أختي أم حمد...

بالنسبة للفرن فتحته بس من تحت...
و فعلاً الصينية كانت قريبة من النار و أنا كنت متعمده هالشي... لأن لو لاحظتي الصينية فخار و سميكة مو معدن... و أنا مجربتها من قبل و كنت رافعتها عالرف الأوسط وما تحمرت من تحت و كانت عجين...
بس هالمرة طلع لونها ذهبي، فلا تخافين... بس إذا استخدمتي صينية معدن، لازم ترفعينها لأن الصينية بتكون رقيقة و بتتحمر العجينة بسرعة :)

و سلامتج (f)

ز

زينة قطر

عروس فضية

24-03-2008 | 04:49 PM

روعه

تسلم يدج

ويعطيج العافيه

د

دلوعة زوجي 2007

عروس رائعة

24-03-2008 | 07:15 PM

يمي يمي

ابدااااااااااااااااع

تسلمين حبيبتي رووووعه ..

y

yehia2007

عروس مشرقة

24-03-2008 | 08:36 PM

راااااااااااااااائعه تسلم ايدك

-

-%-سحابة حب-%-

عروس ماسية

24-03-2008 | 10:15 PM

واااايد حلو
يعطيج العافيه،،

D

Daisy Ash

مشرفة سابقة

24-03-2008 | 10:42 PM

الله يعافيكم و يسلمكم يالغاليات...

أسعدني وجودكم (f)

ه

همسه الشوق

مشرفة سابقة

24-03-2008 | 10:57 PM

وعليكم السلام ورحمه الله وبركاته..

ياويلي على التوتة أنا هههههههههههههه

تسلمييييييين أختي Daisy Ash على الباي الروووعة..

وحلو فكرتي تستغلين التوت في شي مفيد :)

وبالعافيه يارب:)

D

Daisy Ash

مشرفة سابقة

25-03-2008 | 12:03 AM

حياج الله أختي همسة الشوق...

أنتي الأروع و الله (f)

في باقي عند أهلي شجرة بابايا، هذي يبيلي أفكر شلون أستغلها :tongue:

ل

لب لفواد

عروس ماسية

25-03-2008 | 12:13 AM

تـــســــلم أيــــدج على هــالـــمــــوضــــوع الــــرائـــــع.........

والله يــعــطـــيـــج الـــصـــحـــة والـــعـــافـــيـــة........

في أنـــتــــظـــار أبــــداعـــــــــاتـــك الـــقـــادمــــة........

دمـــــتـــي بــــود .........

ا

ام رؤى وروني

عروس نشيطة

25-03-2008 | 01:57 AM

ماشاء الله ولا قوة الا بالله عليك شكلها يهبل
بس حبيت اسالك ممكن نستعمل التفاح او الموز بدل التوت
وتسلمي على الوصفة الرائعة

ه

همس الحواس

عروس جديدة

25-03-2008 | 03:10 AM

الطبق راااائع وشكله جنااان تسلم ايدك

م

م.نورة

عروس مبدعة

25-03-2008 | 03:25 AM

يسلم الايادي ,,,,,,,,,,مممممممممممممممممممم روعه سؤال هل الامكان استخدم فراوله

B

Blossoms

مشرفة سابقة

25-03-2008 | 05:48 AM

يسلموووا روووعة ان شاء الله راح اجربها

D

Daisy Ash

مشرفة سابقة

25-03-2008 | 09:35 AM

ربي يخليكم و يسلمكم جميعاً...

أم رؤى و روني

تقدرين تستخدمين التفاح، بس الموز ما أدري بصراحة :)

م. نورة

تقدرين تستخدمين الفراولة ما في أي مشكلة :)

l

lololancome

عروس رائعة

25-03-2008 | 09:40 AM

تباركــــــــــ الرحمــــن ..

تسلمـــ الأيادي التوتيـــــــــــة

p

praivet

عروس فضية

25-03-2008 | 02:33 PM

تسلم ايدك

D

Daisy Ash

مشرفة سابقة

25-03-2008 | 03:11 PM

الله يسلمكم و يبارك فيكم (f)

a

aldrrrrrh999

عروس مبدعة

25-03-2008 | 04:18 PM

مشكوره