خايفة لا ينتهي زواجي بالطلاق..تكفون ساعدوني

حبيبتي...لازم تحاولي تخففي من عصبيتك او بالاصح تبطليها...لانه مب حلوه انك تفضلي طول اليوم زعلانه..ولاتنسي ان زوجك نبهك على هذي النقطه...حاولي انك تستعيذي من ابليس واهدئي او اتوضي وصلي ركعتين وصدقيني بتحسي براحه...وكرري دائما بينك وبين نفسك انك انسانه هادئه وان عصبيتك وزعلك ماراح يسيطروا عليكي وصدقيني مع الايام ما بتزعلي بالشكل هذا
الله يهديك ويصلحك ويخليكم لبعض

حببتى دايم قولىأذكار الصباح والمساء وحاولى تقولى لزوجك أنك بتحبيه من خلال تصرفاتك معاه

اذا عصبتي اغسلي وتوظي وصلي ركعتي واستغفري ..

ترجعي باذن الله رايقه

مثل ما قالت الاخت احلا بنوته ..... شي واد كبير ووايد زين انه خبرج بالشي اللي ما يعجبه و هذه نعمه يفتقر اليها الكثير ....

اعرف وايد بنات يكشخون و ريايلهم ما يقولون كلمة ,,,,و الحرمة تعصب و الريال يزعل و ما يقولها السبب...

يعني لازم تيتدين حياة جديدة مع زوجج اللي يحبج ويحب مصاحتج و خايف ع علاقتكم اللي يقدرها ...

الحلول :-

الدنيا بسيطة و حلوه دام زوجج يحبج....بسطي كل الأمور ...لا تكبرين أي موضوع ...

لو صار و قالج سالفة عصبت فيج أو اي كلمه ...قولي بداخلج انه ما يقصدج او يقصد شي غلط و اضحكي....خل ردة فعلج ضحك بدل العصبية .

د.فوزية الدريع تقول لو حسيتي انج معصبه اغسلي ايدج بماي بارد( انا جربت اصفع الجدار ( الحيط) ههههه ايش اسوي عصبية تراني .

قبل لا يدخا زوجج البيت روحي ع أقرب مرايا و شوفي ويهج و هو مبتسم و هو عابس واذكري انه الزوجه لازم تقابل زوجها بأحلا ابتسامه

عبري عن حبج كل فترة ب ...... مسج غرامي لموبايله ( جواله)
بكرت صغير حطي ع الصبح في جيبه أو ع السياره (بيستانس وايد لو ورده مع الكرت)
بفكره رومانسيه بغرفتج ( شموع وورد و قميص نوم حلو)
قبل لا يروح الدوام اعطيه بوسه و ذكريه انج تحبينه و ادعيله بالخير
فاجئيه بأكله يحبها و قوليله من حبج سويتيله هالأكله
اكتبي كل محاسنه و أخلاقه الحلوه بورقة و اقري الورقة دوم راح تتغيرين بسرعه و اكتي بعد اللحظات الحلوة اللي بينكم ..وحاولي تنسي الأشياء اللي مو حلوه اللي صارت و انتهت.
اشتريله هديه معاه كرت يعبر عن حبج و شوقج
ناديه حبيبي...و مره قلبي....و مره حبيب روحي ...ومره عيوني,,,والباقي تعرفينه
اتفائلي....هذا زوجج ...اذا قدرتي راح يقدرج...والريال يستاها الكلمه الطيبه و صدقيني راح يذكرج بالخير اذا احترمتيه و صنتي لسانج و خليتي ابسامتج ما تفارقج..

و المرأة حلاتها بابتسامتها

الله يهدينا جميع و يوفقج ويطمن بالج و بال الحريم :)

حبيبتي كل ما تعصبين تذكري الاشياء الحلوه الي يسويها زوجك لك
وتخيلي انه بتركك من كثر التغلي والغرور الي فيك ويروح لغيرك وساعتها ما يفيد الندم
واستغفري الله
صدقيني بتهدين ويتحسين زعلك ماله داعي
تحياتي

متى طيب بتعيشين الحب!!

ومتى بتقولين كلام حلو!!

خليك فرفوشه ترا اذا انتي كذا اخرتها بيمل

ولاتقولين ماتقدرين جربي مو جربي حاولي وشوفي كيف انتي بستانسين اكثرمنه

دام زوجك كذا احمدي ربك واسعديه واسعدي نفسك
والله يهنيكم ببعض وبسعدكم يارب


ابقولك على صديقتي(( سنعه وتهبل وكل شي فيها زين وطيوبه لابعد درجه بس ملامح وجهها مبوزه من الله مو انها متضايقه فدايم زوجها يهاوشها يقول ابغاك مبتسمه فرفوشه ))

فأقولك اي رجال يبي الوناسه وسعه الصدر عند زوجته وزين زوجك يطلبك غيره يدور عليها برا عند ربعه


((ترا الدنيا ماتستاهل ناخذها بكدر ))

الله يسعدك ويهنيك