بنات بموت من التفكير خايفه ..

'

'3laa Zayed

عروس نشيطة

23-03-2008 | 10:07 PM

السلام عليكم ورحمه الله وبركاته ..

بنات انا التفكير مشتت عقلي ...........

انا للحين ادرس بالجامعه .. للحين ما وصلت لنص مشواري الجامعي
المهم .. في ريال تقدملي ,,

الحين انا محتاره وايد .. ما ادري هل اقبل بهالشخص ؟... انا افكر بدراستي وشهادتي خوفي ما اقدر اتوفق بين الزواج والدراسه
خوفي من المسؤوليه
خوفي من حياه جديده .. اكتشفت اني ضعيفه لأول مره والله
والله شعور صعب وخايفه وايد ..... والحين اهلي يسألون عن هالشخص ..
وتوني صليت الاستخاره دعيت ربي اذا لي خير فيه يقربه .. واذا لا يكفيني ويعوضني

بنات شوروا علي ... انصحوني ... طمنوا قلبي ... والله احس اني محتاره :confused:

ت

تَنْثُرُ الكَونَ عِطرَاً

مشرفة سابقة

23-03-2008 | 10:16 PM

اذا هو انسان كويس ويتقى الله ورجل بمعنى الكلمة فتوكلى على الله واقبل ولا تترددى

ولا تضيعى الفرصة حتى لا تندمى فيما بعد

والدراسة الله يعينك عليها وبتنظيم الوقت كل الأمور تمشى ان شاء الله

الله يوفقك ويكتب لك الخير

ب

بـنـت الـشـيـوخ

عروس متألقة

23-03-2008 | 10:40 PM

انصحج حبيبتي اذا كان الشخص زين و ما ينرفض لا ترفضين عشان الدراسة

مو هذا يعني انج تستغنين عن الدراسة لا بالعكس ..

مثل ما الدراسة هدف الزواج من رجل يخاف الله هم هدف

آنا متزوجة لي 7 شهور الحين والحمد لله قادرة أوفق بين دراستي و زوجي

ولا بد يكون له يد في هالموضوع ..

مساعدة يعني ..

واذا سألتوا عنه وانتي استخرتي وحسيتي براحة خلي اهلج يسألونه بعد عن رأيه بدراستج ..

واتمنى لج كل التوفيق حبيبتي

تحياتي

@

@ green apple @

مشرفة سابقة

23-03-2008 | 10:45 PM

حبيبتى صدقينى مع العزيمة هتقدرى تعملى اى حاجة

انا باذن الله هتجوز قريب وهكمل دراستى فى بيتى دا شىء مش قالقنى طلما خطيبي موافق انى ادرس وانا فى بيتة

ومع تقسيم الوقت كل حاجة بتتحل

واهم حاجة الاستخارة

وربنا يهديكي للى فية الخير

د

دلوعةحناني

مشرفة سابقة

24-03-2008 | 01:22 AM

حبيبتي بتقدرين وبيسهلها ربك اتكلي بس على الله سبحانه وتعالى وبيسهل امورك
لا تصعبين الامور شوفي غيرك
الي عندها عيال ومتزوجه وتدرس بدون خادمه!!!!!!
صدقيني الحياه سهله بس انتي حبيها ولا ترفضين او تترددين اذا كان خطيبك زين
لان اذا ضاعت منك الفرصه بتندمين
بس احرصي انك لا تجيبين عيال الا بعد انتهاء دراستك وبيصير كلشي تمام
تحياتي

س

سديم الفجر

عروس برونزية

24-03-2008 | 02:05 AM

حبيبتي ربي يسهل امرك ان شاءالله
واذا كان هالرجال خير لك صدقيني
راح تتيسر امورك ويروح كل هالخوف
انا صديقتي عندها ولدين وتدرس
وتطبخ وتعتني بعيالها ماشاءالله عليها ...
وكثير معاي متزوجات واللي عندها عيال ...
بس ربك يسهل يابنت الحلال
ربي يوفقك

و

ووسن

عروس مشاركة

24-03-2008 | 03:37 PM

اذا كان كفو اشرطي دراستك...

ل

لحن الاشواق

عروس ماسية

24-03-2008 | 03:50 PM

اذا الرجال ماعليه كلام ويستاهلك توكلي على الله واافقي
والدراسه مو عذر كثير بنات متزوجات ويدرسون وانتي بترتيب وقتك قادره توفقين بين دراستك وبيتك
وطبعا قبل كل شي لازم تعطينه خبريه انك تكملين دراستك وتشوفون رايه بالموضوع ..
والله يختارلك الصالح ويكتبلك الي فيه الخير
ومووووفقه يالغلا ..