توي مااخذ لي ست شهور من تزوجت

جوفي حبيبتي أصعب مراحل الزواج السنة الأولى من الزواج وصعوبة فهم الزو للزوجة والزواج للزوجة بس بعدها يتعودون اختي عادي..

ناس كثير أول مايصحوا الصباح يكون مزاجهم متعكر ومالهم مزاج.. أنا خطيبي أول مايصحى الصبح مااأتصل له أبداً لأن أدري إنه جدا معصب ومعكر المزاج لبعد مدة يتعدل مزاجهه عادي..

وثاني شي كلنا إحنا البنات نخرج من بيئة دلع ودلال إلى بيئة جديدة مانضمن إنها تكون نفس المكان اللي خرجنا منه.. والحياة تعلمنا الصبر والثبات ..

أختي احمدي ربج إنه يجلس معاج ويخرج بالليل ترى بعض الزوجات محرومين جداً من هذا الشيء...

انتي اذا قال لج بيخرج روحي بيت أهلج أو روحي بيت أهله أو روحي تسوقي في مكان أو أجلسي في البيت ونظفي سوي لج شي بدل فراغج .. أقرأي قرآن.. صلي لج ركعات .. اغتنمي وقت فراغج .. عشان ماتحسين بالملل ..

انتي اذا لقيتيه معصب اسكتي ولاتتكلمين لين هو بروحهه يهدأ وبيعرف إنه غلطان ..

ترى كل الحياة الزوجية في البداية صعب تتاقلمين معاها بس بعدين عادي

الله يوفقكم مع بعض ويهديكم

[GRADE="00008B FF6347 008000 4B0082"]ياليت كنت اقدر افيدك بس ما عندي خبره بهذي الشي بعدي مو متزوجه
تحياتي[/GRADE]

اعتقد انه امر طبيعي
وانتي الله يصلحك حاولي تخلي له جو الرومانسي في بيتكم..العبي مع زوجك ...ضحكي معاه...حتى لو عصب ماعليه اتحمليه لما يتعود ...حاولي بطريقتك تحببيه في قعدة البيت
والله يهديه ويصلحه.

غيرك ازواجهم مايجلسون معهم ابد ؟؟

طيب انا مااخذ لي سنه عشان اتعود .. بعدي

والله والله ياخواتي اهئ له الجو الرومانسي

بس انا رومااااانسيه بطبعي وابيه يكون رومانسي مثلي

وصدقوني من يطلع اقدر اشغل نفسي بأشياء عادي

لكن المشكله وين ؟

اني اتملل منه هو .. ليش يطلع ويخليني ؟ بين وبين نفسي اقول معقوله مل مني ؟

مايحسسني انه يحبني .. الا اذا قلت له ليش ماتخبرني بحبك لي وغلاتي ..

حبيبتي انتي تربيتي ببيئه وهو ببيئه غير اكيد بتكون تصرفاته غريبه عليكي
اول شي اشتري بلاي ستيشن والعبي معه حببيه بالقعده بالبيت وقوليله دوم
انا اخاف اجلس وحدي وما ودي اروح بيت اهلي اخاف يقولون اني متممله منك
سوي حركات حبيبتي علشان تتقربي منه
وبنفس الوقت اتفقي معه يروح لربعه يومين بالاسبوع بس علشان يتنفس براحته
ومايكون له حجه
تحياتي

اختي دلوعة حناني

صدقتي بهالشئ هو من بيئه جدا جدا مختلفه وانا من بيئه غير

اهله كلهم فيهم عصبيه مو طبيعيه وماعندهم شئ اسمه تفاهم

لكن انا قدرت اتناقش معه بهالنقطه والحمدلله مرت بسلام ونجحت

كلامك عجبني وان شاءالله بطبقه

بس فيه مشكله بسيطه هي اللي مسببه لي اكبر تعب وحبيت اذكرها اخر شئ

مسألة التدخين .. وعدني قبل الزواج يخفف منه

واقرب مثال تو البارح اخذت منه بكت الدخان وخشيته عندي

جاني مثل المجنون اول مره اشوفه معصب كذا .. انا نفسي خفت

يقول مااحب حركة الورعان هذي .. وهاتي البكت ؟ انا رفضت وهو مصر

وصارت بينا مشاده قويه ورميت عليه البكت .. وجلست ابكي

متعــــبني هالشئ .. يامتزوجات واللي زوجها يدخن جاوبيني كيف تتصرفون معه

وكيف تقدرون تقربون منه ؟

جروحي لاتعذبني;5518030:
اختي دلوعة حناني

صدقتي بهالشئ هو من بيئه جدا جدا مختلفه وانا من بيئه غير

اهله كلهم فيهم عصبيه مو طبيعيه وماعندهم شئ اسمه تفاهم

لكن انا قدرت اتناقش معه بهالنقطه والحمدلله مرت بسلام ونجحت

كلامك عجبني وان شاءالله بطبقه

بس فيه مشكله بسيطه هي اللي مسببه لي اكبر تعب وحبيت اذكرها اخر شئ

مسألة التدخين .. وعدني قبل الزواج يخفف منه

واقرب مثال تو البارح اخذت منه بكت الدخان وخشيته عندي





جاني مثل المجنون اول مره اشوفه معصب كذا .. انا نفسي خفت

يقول مااحب حركة الورعان هذي .. وهاتي البكت ؟ انا رفضت وهو مصر

وصارت بينا مشاده قويه ورميت عليه البكت .. وجلست ابكي

متعــــبني هالشئ .. يامتزوجات واللي زوجها يدخن جاوبيني كيف تتصرفون معه

وكيف تقدرون تقربون منه ؟

اختي .. صعب الريال يترك التدخين .. لازم يتركه من نفسه .. عموما الحل الوحيد هو ان تقولين له دخن برع البيت وما ابي احس انك تدخن ...

ولا تدخن في السياره او قدامي ... ولو صار عندنا يهال .. ما ابيهم يحسون او يعرفون بالموضوع.

وبس ...لان ابو زوجي اكتشفت ان هو يدخن ... بس تدرون ما يدخن الا برع البيت بس شفت علبه سجاير استغربت ...

لكن والله مايبين عليه ان يدخن .. لان محد يدري عنه .. او مب خلي احد يدري عنه

تحياتي
ام جنى

ما اقدر افيدج حبوبه .. ما حبيت ادخل وما ارد بشئ ..

الله يكون بعونج ويصبرج .. اصبري يا اختي في كل الاحوال ..

في البدايه لازم اتكونين عارفه ريلجـ وادرسيه عدل

والصبح قومي من وقت وحاوليـ انج اتسويله الريوق وكل شي اهو احبه وروحي قوميهـ واذا مافاد ودايم اعصب انتي حاولي اتروحين حق طبيب نفسي مختص حق هاي الحاله

واذا على التدخين يقدر انه يترك التدخين بس لازم اشويشوي مو مرة وحدة فاهمهـ وحاوليـ معاه ع قد ماتقدرين وتصبري واذا انه اهو يطلع من البيت وانتيي ابروحج حاولي تقعدين معاهـ وتفهمينهـ وتقوليله شنو الاشياء السلبيه والايجابيه اللي فيه وشنو اسوي وحاولي اتحطين حد حق هاي التصرفـ لازم يتعلم من البدايه

مادري هاي اللي اقدر عليه وقتلج تقبلي مروري

عادي اختي انا نفس معاناتج انا متزوجة من 4 شهور وامشي في الشهر الخامس

نفس المشكلة الي تعانين منها الوحدة مع اني ساكنه في بيت اهل زوجي بس هم بيتهم على عكس بيت هلي يهال وازعاج هم بيتهم هادي ومافيه يهال ولين يومج انا كل شوي اروح بيت هلي بس الكل قالي هاي الشي طبيعي ومسالة تعود وتاقلم انا وانتي تو الناس علينا الحمد لله شفت وحدة عندها مشكلة نفس مشكلتي

الله يصبرنا عليهم ويعدي السنه الاولى على خير لانه صج اصعب سنه في الزواج :(

تسلمون حبايبي

بس انتو مافهمتو قصدي .. انا مابيه يترك الدخان عشاني ؟

عشانه قبل يكون عشاني لأن فيها مضاااار كثيره له مستقبل

ومجربه هالشئ مع ابوي وشايفته بعيوني

عشان كذا مابي زوجي يكون مثله

مو عارفه الاشياء اللي تخليه يمنع هالشئ الشيييييييين

اسيرة قطر ..

ربي يسعدك على مرورك.. بس بجد مايزعجك هالشئ؟

سبحان الله حنا يالبنات مانقدر نصبر

السلام عليكم و رحمة الله تعالى و بركاته،

أقول لج شي .. كأنج تتكلمين عن زوجي بالضبط .. حتى لما ضفتي نقطة التدخين بعد كأنج تتكلمين عنه .. بس بطمنج ترى عادي كل إللي قلتيه بس إنتي هونيها و تهون بإذن الله .. ترى أتكلم عن واقع تجربة .. أنا و الحمد لله صار لي عدة سنوات من تزوجت (ما بقول كم عشان ما تحسدوني :) ) بقول لج شتسوين...

- خلي لج يوم في الإسبوع أو يومين تزورين فيهم أهلج .. و باقي الأيام خلج في بيتج .. نظفي و طبخي و إعتني بنفسج و إسترخي (ترى بتجيك أيام تتمنين فيها الراحة لما رب العالمين يرزقكم بالأبناء)

- تفادي الأمور إللي تعصبه .. مع الوقت بتكتشفين الأمور إللي تخليه يعصب فحاولين إن تتفادينها .. و صدقيني كل ما قلت المرات إللي يثور فيها و كل ما أخذ له فترات أطول من الهدوء بتخف عصبيته شوي .. و إذا صار و عصب و ثار لا تجادلينه و عطيه فرصة يهدأ .. و لا تخاصمينه .. إنتي بس عطيه فرصة يهدأو بعدين كلميه كأنج تبين تريحينه .. بهدوء قولي له لا تسوي في روحك جذي ما في شي في الدنيا يستاهل تعصب جذي .. أنا لو أعرف إن هالشي بيعصبك جان ما سويته .. أنا من عندي غيرك و شنو يهمني غير رضالك و سعادتك .. إنت بس لو الله يهداك تقول لي على إللي تبيه و تأمرني و أنا أنفذه لك.. و أنا و إنت في مركب واحد .. إللي يرضيك يرضيني .. و إذا إنتي ما كنتي سبب عصبيته بعد نطري إنه يهدأ شوي و بعدين حاولي توقفين في صفه و تساعدينه إنه يفضفض لك .. أهم شي ما تلومينه و سمعي منه كأنج صديقته مو زوجته عشان ما يخاف و بعدين ما يرضى يكلمج عن إللي بخاطره

- أول ما يدخل البيت لا تبتدين رأساً بالطلبات أو التذمر أو اللوم .. ساعديه يبدل ملابسه بهدوء و حاولي تريحينه على الآخر

- بيني له إنج تحبين له الخير و تحبين تشوفينه مرتاح و سعيد و من بين هالأشياء طلعته و شوفة ربعه .. بس طلبي منه يعطيج لو يوم أو يومين في الإسبوع إن يقعد معاج في البيت أو تطلعون مع بعض ..

- و التدخين ... آآآآآآآآآآآآآآآآه يا أختي .. بقول لج ترى الله لا يغير ما بقوم حتى يغيرو ما بأنفسهم .. و إذا هو منه و من نفسه ما قرر يوقف التدخين فما بتقدرين عليه .. أنا زوجي واعدني هو بنفسه إنه راح يقطع أول ما نتزوج و خلاني أستانس بس بعدين تبين لي إنه مجرد كلام يقوله و هو مو جاد في رغبته .. تعرفين مثل شنو ؟؟ مثل إللي يقولون بنسوي رجيم و بعدين يخربطون .. لازم يكون في إرادة و الإرادة إنتي ما تقدرين تزرعينها فيه لأنها تتكون نتيجة لإحتياجه للشي و رغبته فيه .. ما لج غير الدعاء

- و هونيها و تهون كل ما حاولتي تتجاهلين عيوبه بتبتدي هالعيوب تصغر في عينج .. لكن كل ما فكرتي فيها بتكبر و بتستحوذ على تفكيرج .. فسهلي على نفسج و شوفي الجوانب الزينة إللي فيه

و باجر بإذن الله لما رب العالمين يرزقكم بالأبناء و يوسع عليكم و تنتقلون لبيت أكبر بتتغير أمور وايد و إن شاء الله تتسهل كل أموركم و تعيشون حياة سعيدة يا رب

المشكله ياام سلمان اني تعبت حيل
لدرجة اني قلتها له في وجهه

وين الحب الحلو اللي يقولون عنه في الزواج ماشوفه؟

تو البارح اقرب شئ راجع من الدوام متأخر الليل ويوم حطيت العشا

جلس يعصب ليش بارد وليش وليش وحط فيه عيوب الدنيا

وانا وربي ساااااكته .. بالأخير هو يهدأ ( وهذ1 طبع فيه لاعصب يهدأ الحمدلله)

لكن خلاص نفسيتي تنقلب كلها لليوم اللي بعده معرف اسامحه لأنه زعلني

وربي يجيني احيان يراضيني بس اظل زعلااااااااانه مدري ليشششش صايره حساسه موت

من تزوجت ...

لاعصب .. انا اعصب حيل بصراحه ومااسكت من القهر

حاولت الاقي حل وابتعد عن كل شئ يضايقه ويزعله

الاقيه جاااااي وجايب معه الف انتقاد على اي شئ.....................

ينــــــــــــــــررررفز..........بجد اعترف انا مو عارفه كيف اتعايش مع هالوضع

عزيزتي ترى صعبة الوحدة تتأقلم ولكن هاي سنة الحياة الوحدة لما تعرس تتبع ريلها، ويقولولها فلانة مرت فلان، وانتي مثل ما قال لا تحكرين على الريال وتتذمرين من طلعاته، ترى الريال ما يحب القيود، انتي بسياستج حاولي تكسبينه، كلنا تعبنا ليما تأقلمنا لكن هذا شي لابد منه، وانتي زين سويتي انج بديتي ما تطلعين وتسيرين بيت اهلج....ترى بيتج مملكتج...حاولي تقضين وقتج...تغيير ديكور...طبخ...تنظيف....وبيمر الوقت..والله يسعدج ويسر لج امورج يارب.

السلام عليكم و رحمة الله تعالى و بركاته،

أرسلت لج رد خاص جداً جداً على بريدج الخاص يا ريت تقرينه

اختى كنت اتمنى اساعدك بس لسه مخطوبه ياريت الاخوات المتزوجات يقدروا يساعدوكى

اعملى اى تجديد بحياتك يخليه يحب الجلوس معكى فى البيت
وانتى لازم تتحملى المسئوليه اكتر من كدا واذا تعصب تعلمى كيف تحتويه

وبالتوفيق

حبيبتي الله يعينج على مشكلتج بس بقول لج شي انتي لاتحنين عليه ان يقطع التدخين لان جذي بعاند زيادة ولا بيسمع الكلام لكن ذكريه بين فترة وفترة وعلى فكرة ترى الريال مايحب ان احد يقول له اقطع التدخين لازم اهو يقتنع بروحه ويقطع واله رفيجتي عيزت ويا ريلها تخيلي اهي فيها الضيجة لكن بعد يدخن لكن برع البيت اما لي يطلع وياها ما يدخن لان يخاف عليها