رأس طفلي

عادى حبيبتى ما تعملى شى لما يكبر يستوى راسه انا كمان بنتى عمرها ثلاثة شهور وكل ما ترقد راسها على اليمين احاول اعدل راسها الاانها ما تنام الا وراسها على جهة واحدة بس انت حاولى تعدلى وقت ما ينام علشان ما يعتاد على جهة واحدة

هلا أختي

والله مشكلتج مثلي بالضبط

اني ولدي بعد عمره 3 شهور وراسه مو عدل جة اليسار وقالوا ليي اذا نام قلبيه الجهة الثانيه عشان يعتدل
وهو مايرضى يقعد يصيح ورد أرجعه جهة اليسار ..

أمي تقول ليي ان اني كان راسي جدي يوم اني صغيرة بس تالي أعتدل بروحه

عادي حبيبتي هذا نتيجة نومته على جهه وحده وعظامته لسى طريه

حطي له المخده بتجي محفوره من الوسط عشان ما يظل شكل الأس مايل

مثل ماقالت اختي ام صلوح حطيه عالمخده اللي بالوسط مخفوره على شكل دائره انا بعد راس ولدي هالشكل وماتعدل بس ياب يتعدل اذا كبر

عادي جدا ولدي جذي والحين اعتدل راسه وهو الحين عمره 3 سنوات و8 شهووور

مثل ما قالو العرايس هذا الشيء طبيعي وعادي جدا

انا ولدي كان نفس الشي وماشي شي ما سويته له
عمتي ام زوجي جابت رمل من البحر وخيطته على قطعة قماش
ةكنت احط راس ولدي عليه
وبعد جابت خشب وكنت احطه على راس ولدي والحمد لله اتعدل

عادي حبيبتي أنا بنتي كانت كذا وكل من شافها ضحك عليها والحمد لله يوم كبرت وصار ثقيل راسها وجسمها تعدل وصار وش زينه الحين عمرها عشر شهور الله يحفظها ويخليها لي آمييييييين
يالله سلام عرايس

عادي الغالية

من يكبر يتغير