زيت عافيه مع الحلبه

ما ادري انا ماعندي فكرة بس بقولك تجربتي

انا وحدة من قريباتي عطتني الزيت مع الحلبة هي مسويتة

واستخدمتة بس ما احس انة غير شعري ولاشفت نتايج

بس انا استخدم زيت عافية او اي زيت قلي لحالة

واذا استشورت شعري اشوف نتيجة حلوة >>احسة ناسبني



ممكن تسوين بحث في قسم العناية بالشعر وتشوفين معلومات اكثر


وبالتوفيق

مشكووره على الرد

بس ابي اعرف طريقتي فيه هل اثرت على فوايده؟؟

يعني بيضر بشعري مع اني استخدمته ار بع مرات مالاحظت شي

احس شعري ينتفش\يعني كثافه ويخشن وبس

اختي حاسبي حاسبي حاسبي نصيحه لله لوجه الله ابتعدي عن الحلبه
اسئليني انا والله العظيم اني جربتها
....
واقسم بالله ان اول ما استعملتها تميت اسبوع الا غلظ مو طبيعي بس يوم تركت الزيت والله ان تساقط كثيف واقسم بالله ان كل ما اتل شعري امسكه احس ان ينزل شعر
وكل هذا من الحلبه...
الحلبه فعلا مفيده في كل شعر ماعدا الشعر لانها قويه جدا جدا وحاره على الفروه ...
والدكتور الجلد يوم رحت له نبهني من هالشي قالي تدرين ان لما تحطين كل يوم حلبه على كف اليد يوميا مع التدليك يضهر فيه شعر ولما تتركينها ترجع الكف لحالتها الطبيعيه بس الشعر لا يطيح بزياده ...
وللعلم اانا ماخذه الخلطه عن طريق النت نفس طريقتج الي اهي الحلبه مع زيت عافيه واني انقعها 10 ايام وبعدين استعمل ..

الاخت بنت قطر وشلون تقولين ماتنفع وتطيح الشعر وتقولين شايله خلطه من النت فيها حلبه وانت تقولين الحلبه مو زينه للشعر حيرتونا صراحه

يابنت قطر معناته اني
لازم اداوم علبها ولا اتركهاا؟؟؟؟
الله
يستر ومشكوره على الافاده

لاء يا حبيتى استخدمة حلوة جدا لشعر يمكن مانعتش معها هى مش كل الشعور زى بعض بس هى مفيدة لشعر اوىىىىىىىىىىىىى عن تجربة اكيدددددددددد

المبتهجه;5512811:
الاخت بنت قطر وشلون تقولين ماتنفع وتطيح الشعر وتقولين شايله خلطه من النت فيها حلبه وانت تقولين الحلبه مو زينه للشعر حيرتونا صراحه

حبيبتي انا قصدي ان ماخذه الطريقه من النت وتفاعلت مع الخلطه على حسب مدح البنات واول اسبوع جربتها غلظ شعري وااااااااااااااااايد واااااايد لدرجه ان مايطيح الا 20 شعره في اليوم ويوم تعبت من استعمال الخلطه تركتها ويوم تركتها تساقط لدرجه ان بغيت اصلغ من التساقط
والقصد ان الحلبه زينه نعم الحلبه زينه حق الجسم واستعمالات اخرى ولكن لما تحطينها مباشره على الشعر بخلطه تكون حاره على الشعر

هنتش;5543635:
لاء يا حبيتى استخدمة حلوة جدا لشعر يمكن مانعتش معها هى مش كل الشعور زى بعض بس هى مفيدة لشعر اوىىىىىىىىىىىىى عن تجربة اكيدددددددددد

حبيبتي الموضوع مو سالفه نفع او ووما نفع اقولج انا سئلت دكتور جلدي تقولين مانفع معاي؟؟؟
نفس الكلام قاله واهو الي عالج شعري بسبب الحلبه وقالت ان الحلبه فعلا قويه وحاره جدا على الشعر
وانا ماقلت هالكلام الا اني ابي احذرها لا اكثر ولا اقل وخايفه على خواتي المسلمات مثل ما اخاف على نفسي واعتقد لو ذميت زيت ينباع المنتدى لكم الحق تشككون في كلامي لان احتمال ابي المضره للبائعه ..
وبس هذا تجربتي وحبيت اقولها وانصحها ومو تجربتي انا هذا كلام الدكتور بعد
وانتي قلتي الحلبه حلوه على الشعر انا اتفق معاج ان راح يكون شعرها خيال من الغلظ في وقت الاستعمال الزيت ولكن خلها تترك الزيت وشوفوا الدمااااااااااااااااااااار
اللهم بلغت اللهم فشهد

bntqtr;5512159:
اختي حاسبي حاسبي حاسبي نصيحه لله لوجه الله ابتعدي عن الحلبه
اسئليني انا والله العظيم اني جربتها
....
واقسم بالله ان اول ما استعملتها تميت اسبوع الا غلظ مو طبيعي بس يوم تركت الزيت والله ان تساقط كثيف واقسم بالله ان كل ما اتل شعري امسكه احس ان ينزل شعر
وكل هذا من الحلبه...
الحلبه فعلا مفيده في كل الجسم ماعدا الشعر لانها قويه جدا جدا وحاره على الفروه ...
والدكتور الجلد يوم رحت له نبهني من هالشي قالي تدرين ان لما تحطين كل يوم حلبه على كف اليد يوميا مع التدليك يضهر فيه شعر ولما تتركينها ترجع الكف لحالتها الطبيعيه بس الشعر لا يطيح بزياده ...
وللعلم اانا ماخذه الخلطه عن طريق النت نفس طريقتج الي اهي الحلبه مع زيت عافيه واني انقعها 10 ايام وبعدين استعمل ..

نــجــديــه 2008;5515434:
يابنت قطر معناته اني
لازم اداوم علبها ولا اتركهاا؟؟؟؟
الله
يستر ومشكوره على الافاده

اختي جربي كل خلطات العالم على راحتج ماعدا الحلبه والله انها قويه على الشعر وحاره وتسبب التساقط على بعد ما تتركين الخلطه
اي خلطه فيها حلبه ابتعدي عنها

وازيدج من الشعر بيت الحلبه ريييييييحتها قووووووويه يبيلج 5 غسلات او 6 غسلات علشان تطير الريحه من الشعر
وواقسم بالله ان حتى للبستي الشيله وشميتي نفسج ريحه الشيله حلبه ...
واي احد يقعد جمبج ويشم ريحه شعرج وحتى لو غاسلته يعروفون ان حاطه حلبه ...
ولو انج متزوجه ابتعدي منها لانها تنفر

bntqtr;5549268:
وازيدج من الشعر بيت الحلبه ريييييييحتها قووووووويه يبيلج 5 غسلات او 6 غسلات علشان تطير الريحه من الشعر
وواقسم بالله ان حتى للبستي الشيله وشميتي نفسج ريحه الشيله حلبه ...
واي احد يقعد جمبج ويشم ريحه شعرج وحتى لو غاسلته يعروفون ان حاطه حلبه ...
ولو انج متزوجه ابتعدي منها لانها تنفر

مشكووووووووووره ياختي على اهتمامك والله يكتبها في موازين حسناتك بس والله خوفتيني خاف اتركها ويتساقط شعري يعني اكمل لان احنا يالحريم فينا هوس السرعه كل شي نبيه يبين على طول بس وش تنصحيني فيه غير عافيه مع
الحلبه والله يجزاك خير على هالمعلومات والله لايحرمنا من بنات عرووسبس على الريحه مالاحظت شي مع الغسل تروح على طوول وشكرا