شنو افضل انواع الكاميرات للتصويرارجوا الرد؟

افضل كاميرا اهي كاميرات شركة كانون او نايكون

بس ما قلتي لنا شنو ميزانيتج بالضبط و هل تبينها كاميرا احترافيه او ديجيتل

لان في اختلاف بالسعر و الاستخدام

تسلمين على الرد اختي انا كلش ماعرف حق هالسوالف

وان شاء الله استفيد منكم يعني عطيتيني معلومه المحترفه

والديجيتال وانا ماعرف عنها شي ممكن اعرف شنو المحترفه

والدجيتال وانا الكاميرا الي ابيها يعني تكون واضحه حتى قطرة

الماي يوم تنزل اصورها يعني كلش واضحه حت من جدام هههههه

اتمنى وصلت المعلومه سامحوني ماعرف شي بس ابي كاميرا

وميزانيتي الحمدلله يعني اقدر على 1500انشالله احصل واشرايج

في السوني والا كانون ونايكون افضل...ويعطيج العافيه

هلا اختي

بالنسبه للاحترافيه اهي عباره عن كاميرات تكون بحجم كبير نسبيا" و فيها قابليه لتبديل العدسات

و الفلاتر و ممتازه لتصوير قطرات الماء و الاشياء القريبه جدا" و البعيده جدا" بوضوح مميز..

تكون بهالشكل:



و افضل الكاميرات الاحترافيه اهي :

*Canon D350 هذي الكاميرا قديمه بس ممتازه للمبتدئين بالتصوير و سعرها بالدرهم حوالي 2000 وشوي

*Canon D400 هالكاميرا صار لها تقريبا" سنه من نزلت و ممتازه جدا" موافاتها نفس الـ D350ولكن في اختلافات

بسيطه مثل خاصيه تنظيف السينسور بعد كل صوره و هالخاصيه مريحه جدا" بالنسبه للمصور سعرها حوالي

3200 درهم و حاليا" عليها عروض عندنا بالامارات و العرض جدا" حلو معاها ترايبود و عدستين و ميموري كارد 2GB وغيرها من الاشياء..

اليديده الي بعدها ما نزلت في الخليج اهي Canon D450 هالكاميرا ممتازه بعد لكن ما تختلف كثير عن الـ D400

و بالنسبه لشركة نايكون فـ كاميراتهم مميزه جدا" وخاصه الاحترافيه مثل Nikon D40X و D70 و D80 و D200 بس

اسعارهم غاليه يعني القديمه تكون حوالي 3500 درهم اما الجديد حوالي 6000درهم وطالع..

اما كاميرات الدجتل يكون كل شي فيها بشكل مبسط يعني تكون سهلة الاستعمال و صغيرة الحجم

و اغلبها ما تتبدل فيها العدسات و النادر منهم فيها هالخاصيه..و كل شي فيها اوتوماتيك و الاشياء البسيطه

يكون التضبيط مانيول و ما تقدرين تصورين فيها قطرات الماي بشكل دقيق جدا" او الاشياء السريعه مثل الطيور

يعني تطلع لج الصور شوي مهزوزه و هالشي يعتمد على براعة المستخدم نفسه بعد..

و افضل الكاميرات اهي كانون و نايكون في مجال التصوير الرقمي اما السوني نصيحه مني لا تشترين من عندهم

شي..

واسعار هالكاميرات بالكثير 2000 و اقل..

و افضل كاميرات النايكون اهي فئة الـ Nikon COOLPIX و اتيج على ارقام وكلها جيده و في من هالكاميرا وحده

عندها قابليه لأضافة فلاش و العدسه تتبدل و سعرها حوالي 1500..

اما الكانون فـ اغلب كاميراتها ممتازه جدا" واختاري وانتي مغمضه..

هذا اختاصر بشكل مبسط و السموحه اذا طولت عليج بس حبيت اوصل لج الموضوع بشكل مبسط

و سريع..اذا ما فهمتي شي او عندج استفسار راسليني الغاليه او حطي ردج هنا وانا برد على اسإلتج بإذن الله..

انا انصحك اختي شيلي من بالك سوني لانها ماركة مش واضحه عن تجربة يعني مش دقيقة بالمرة..

وربي يوفقك

امنيه

انا بستخدم Canon

تصويرها راااااائع

بصراحه انصحك بـكانون عن تجربه
انا كاميرتي كانون دجيتال فيها ميموري تقدري تنزلي الصور على الاب توب
واذا بغيتي تفاصيل اكثر راسليني عا الخاص

Thank You !! شكراااا

اذا تبين كاميرا شبه احترافية وكنتي مبتدأة فأنصحج بالكانونa650 ونصيحة لا تبدين بكاميرا احترافية لانج راح اتضيعين بالفنكشن الي فيها انا توني شارية هذي الكاميرا صرااحة اكثر من روعة والصور موطبيعية
وبالتوفيج ان شاء الله

مثل ماقالو اخواتي كانون افضل تصوير واضحه وسهله وحلوه ولاتترددي خذي كانون وانتي مغمضه

تسلموووووووووووون يعطيكم العافيه والله ماقصرتوا وان شاء الله باخذ لي كانون

اتوكل على الله والله كنت محتاره لكن ما قصرتوا احين باخذها وانا مغمضه ههههههههه

نطروا تصوري قريبا ...:cool: