خواتي الغاليات عضوات وزائرات منتدى عروس
حبيت انزل هالموضوع لبنات الخليج و بنات البحرين بشكل خاص
واحذرهم انهم يحجزون مكياج عند محل كريولاين وبالاخص ماكيره لبنانيه اسمها رشا
مكياجهم جدا جدا عادي وممكن اي وحده عاديه تسويه وسعره مايسوا وهذي ملاحظاتي عليه :
1) ماتعرف ترسم العيون ابد ابد وكنت حاجزه لخطوبه صديقتي بالبحرين وهي حجزت معاي
الي هي ( العروس ) المسكينه والله ماكذب عليكم ان كان مكياجي ومكياجها واحد مايفرق في شي وخذت
منها 3 اضعاف السعر الي خذته مني بس لان اسمها عروس لا حطت لها لمعه زياده ولا بودره نوع
ثاني ولا حتى رسمت لها عيونها بشكل ثاني..
2) المصيبه ان لما تروحين تحجزين يورونج كتلوجات فيها صور ولا اروع ويقولون انه شغل رشا
وبالواقع كله كذب بكذب يعني شغل رشا كانه شغل اي وحده فينا ويمكن احنا احلى لانه نعرف
لوجوهنا اكثر و مع ان احنا اخترنا صور من الكتلوج وقلنا لها تسوي لنا مثلها وشرحنا لها وش يناسب عيونا بما ان احنا ( نعرف نتمكيج ) وبعد ماعرفت ترسم .
3) أبسط شي انها ماتعرف تحدد الوجه ولا الانف ولما سالناها ليش ما تحددين الوجه والانف تعروفون وش قالت : (( ما بحب لانو بيطلع مو طبيعي )) :mad: بلهجتهاوالحقيقه انها ماتعرف اصلا تسوي هالشي.
4) تخيلو حطت لي روج وردي وبلاشر اورانج خخخخ تقول عشان يبين طبيعي اكتر والواقع انها نست تجيب بلاشر وردي
5) معاها وحتى لون الروج ما تعرف تختاره ...................
محل كريولاين موجود بمجمع السيف , الدانه وصالونهم بمنطقه البسيتين .
يعني مكياج اي صالون عادي احسن منهم بكثير وطبعا بيكون سعره اقل منهم بكثير
6) يمكن يعجب البنات الي ماعندهم فكره بالميك اب ابد بس الي عندها لو خلفيه بسيطه عن المكياج
بتحس ان مكياجهم عادي جدا وكل وحده ممكن تسويه بالبيت .
7) لا وازيدكم من الشعر بيت لما خلصت من العروس قلنا لها وين اللمعه والاضاءه الي بتحطينها لها بالصدر وباقي اجزاء الجسم الي مكشوفه تدرون وش سوت !!!خخخخخخخ خذت قلتر بدون اي حاجه ثانيه وتمت تنثره على صدر العروس و كتفينها :eek: وتقول مافي داعي لاضاءه او كريم اساس لانو مابيحتاج هههههههههههههههههه .
8) بس كنت بطمنكم رحنا البيت وراحت العروس مسحت الروج وقالت لي تكفين فديتج اشتغلي على ويهي فشله ادخل على الناس بهالمكياج خخخخ واشتغلت على العروس عدل عدلت لها المكياج من اول وجديد حددت لها عيونها بالاي لاينر الاسود و ظفت لها بيجمنت بلمعه فوق الشدو وغيرت لها الروج وزدت لها البلاشر ولمعته وحطيت لها لوز باودر بلمعه فوق البودره الي حاطتها لها الماكيره وحددت لها الوجه والانف هذا غير مكياج الجسم و ونفس الشي سويته لنفسي خخخخخ والحمد لله عدت على خير .........
[GLOW="FF9999"]نصيحه لعرايسنا خبيرات التجميل الخليجيات احسن بكثير من الاجانب واللبنانيات لانهم الوحيدات
الي يفهمون ذوقنا ويعرفون لوجوه الخليجيات وبشراتهم .......[/GLOW]
كل هذا صار لان ماحصلنا حجز عند المبدعه خبيره التجميل الفنانه بلا منافس [COLOR=sandybrown]عائشه البلوشي
الله يذكرها بالخير ويوفقها يارب
والعروس الي حاجزه عندهم تكنسل حجزها افضل او تقولهم حطو لي مكياج عادي لان العادي والعروس نفس الشي بالضبط بس السعر يختلف ...............
ادري هذرت وايد اتمنى اني انقذت ما يمكن انقاذه وافدت بنات البحرين والخليجيات الي ناويين يتمكيجون هناك
بالاخير هذا وحسب ذوقي انا وصديقتي وممكن في بنات لهم راي ثاني .......
عاشقه الدوحه [/COLOR]