والله تعبت................

والله كلمته بس اهو يقهرني وااااااااااااايد

كل ما اكلمه يقولي انا بشو قصرت معاج

لا واللي يقهر اكثر بعد بعد كل مايزعلني او يصير نزاعات مابينا ويكون اهو الغلطان يقولي انا شو قلت

حبوبة زوجك كتير مشغول والمزرعة بحاجة لعناية يومية
لكن انتي حاولي تفهمية انو لازم تفرفشو مع بعض حتى لو ربع ساعة بالخارج ولو لأكل الايس كريم او شرب القهوة او ممارسة رياضة محببة مثلا"
والله يعينك ويساعدك

اطلعي مع اهلك وصاحباتك البنات واشغلي وقت
بعدين هو الي بيتمنى تجلسين او تطلعين معه
طريقه مجربه بس صعبه شوي
تحياتي

الله يسخره لج ... وإذا مره جاي يطلع قبل ما يطلع حطي يدج على كتفه وهو يكون معطيج ظهره وإذا التفت صوبج قولي له ...خلي في بالك اني محتاجتلك .... يمكن وقتها ماراح يبين انه مهتم بس بتكون هالكلمتين شاغله باله طول الطريق ويمكن تنكد عليه وتشوفينه راجع قبل الوقت .....
وهذي مجربه ... جربيها وعلميني شنو صار وياج .

ا ي والله يا زوجه نايف جبتيها ......جربيها يا روح الاحساس وخبرينا شو النتيجه
ان شاء الله تظبط معاج....

ربنا يوفقك و يسعدك و يصلح حياتك ان شاء الله

والله كلام البنات بلسم انشاء الله تستفيدين منه

هلا والله فيج اختي ..

اسمعيني اختي انتي المفروض تيلسين يلسه وتقولين له الي بخاطرج ،، وحاولي انج ماتقعدين في البيت وايد يعني مثلا في الويكند(اجازة جمعه وسبت) سيري بيت اهلج ويلسي او انج يلسي في البيت وسوي الي يريحج مثلاً اقرأي لج كتب او القرآن ..

تدري ايش مشكلتكم .. انو عندكم وقت فراغ كثير .. وانو الواحدة تتزوج وهي تظن أن الازواج ستاندرد .. يعني كلهم لازم يكونوا حنونين عطوفين كلامهم حلو ..

طيب الناس تختلف في ناس تعبر عن حبها بالاقوال وفي بالافعال .. و الان لما زوجك يشتغل بالمزرعة مش عشانك انت واولادك ويوفر لك عيشة هنية ..

الله يحفظك يا أمي ظلت سنين أول زواجها ما تشوف ابي الا مره بالاسبوع وحتى ذاك اليوم كان يطلع مع اصحابه وما يجلس بالبيت ومع كذا ما تكلمت وصبرت عليه .. وشغلت نفسها بالقراءة فلما صار معاه اولاد انشغلت معاهم وصارت ما تحس بالوقت ولما يجي أبي تقول ياليته تاخر شوية عبال ما يناموا الاولاد ..

في رجال تقدس الشغل .. وهو شغلها وهوايتها .. انتي لو منزعجة او غيرانة من المزرعة جربي تشاركيه اهتمامه .. روحي المزرعة معاه او اسأليه ايش يعمل فيها .. او فاجئيه بأفكار جديدة لتطويرها او معلومات قريتيها في النت عن الزراعة .. كذا بيصير الجلوس معاك ونااااااسة وبيحرص عليها

وبعد فترة بيصير يحب الكلام معاكي في اي شي وكل شي .. بس يبغالك صبر

الشغل يا أختي للرجال ضروري زي الميك أب للحريم الان .. تقدري تستغني عنو ؟!!

مش معنى انشغاله انو ما يحبك ومش معنى انو ما يكلمك كلام حنون انو ما يحبك كمان .. هذا طبعه في رجال والله تستحي من حريمهم يقولوا كلام زي كذا .. لأنهم عمليين حتى النخاع .. لو حس بتقبلك له مهما كان وانك مو ناوية تغيريه بيطمن لك وبينفتح قلبه لك .. و في علاقات كثيرة ما يصير هذا الا بعد سبع سنين ..

حبيباتي عندي لكم اقتراح اشتروا كتاب لواحد اسمه جون جراي الرجال من المريخ النساء من الزهرة .. بترتاحوا معاه وبتعرفوا معاني كثيرة كنتم تجهلوها عن الرجال

شي أخير .. لا تكوني تقولي بينك وبين نفسك او قدامه .. ليش يروح لامه وابوه .. الاب والام هم أحق الناس بحسن صحابته .. ولو كنتي على فراش الموت لازم يلبي طلباتهم .. والله يحق لك تفرحي فيه انو يراعي ابويه كذا .. أما الأصحاب فهم رجال يفهموا بعض وما يجرحوا بعض و اهتماماتهم مشتركة طبيعي يحب الجلسة معاهم لما تقروا الكتاب بتكتشفوا اخطاؤكم مع ازواجكم واللي تكون بدافع الحب والتعلق بس الرجل يعتبرها شي ثاني..

تسلمون حبايبي بس المزعه لنا بس يحب يروح ويقعد يطالع الابل

"لا والقهر انه ما يقدر يرد امه وابوه بطلب وحتى اهله وربعه

يعني كل مالبس ونبي نطلع يتصلون له علشان يقضي اشغالهم او يبون يقعدون معاه
وانا مطنشني
"

يمكن مو تطنيش بالعكس يمكن اهو عارف انه انتي الوحيده الي تقدر ظروفه وانتي الوحيده الي عارفه شقد هو مشغول

حاولي تشغلين نفسج وحاولي تعرفين شنو اهتماماته .....الزراعه انتي بعد اهتمي بالزراعه حولي بيتج الى بستان من الزرع يمكن زوجج يروح هناك لانه يفتقد للخضار او لجو الطبيعه ....ما اعرف طبيعة البستان او المزرعه عندكم...وهل ممكن انج تروحين معااه او انها لجمعت الرجال يعني ديوان مثلاً قوليله ابي اشوف الزرع البستان.

اتمنى يا الغاليه انج طولين بالج وماتتظايقين وخليج دايما مبتسمه بوجه .

عزيزتى مالك الاالدعاء والاعتماد على الله سبحانه وتعالى صدقينى فوضى امرك الى الله وهو قادر على تغيرزوجك

مرحبا عزيزتي أنا أشوف إذا كان ريلج مهتم بالمزرعة روحي معاه لو إنج ما تحبين إتروحين، حبي إللي يحبه عشان إتكونين معاه بعض الوقت.وعسى الله يوفقج معاه ويهديه لج؟!