وأجهضت للمرة الثانية.. ربي عوضني خير

اعود لكم من جديد فقد كانت حالتي النفسية سيئة للغاية،، ماطلب منكم يابنات الا ان تدعون لي بالصبر والفرج القريب..

قصتي ان دورتي المفروض تجي قبل 10 أيام ولما تأخرت يومين حللت منزلي وطلع خط خفيف وعدت التحليل والخط اغمق شوي من اللي قبله، رحت المختبر وطلع الخط الثاني خفيف، قلت إذا ماشرفت الدورة هالكم يوم اشوف دكتورتي واتأكد من الحمل، المهم وبعد مرور اسبوع على التحليل(هذا الكلام أول أمس) ماشوف الا تكرمون دم أحمر نزل مني ورحت المستشفى وعملت الترا ساوند وشافت مثل الكيس الصغير وطلبت عمل تحليل للهرمون الا الهرمون بس 8، قالت هذا معناه يمكن في حمل بس نزل، تعالي بعد 48 ساعة وعيدي التحليل، المهم ما رجعت البيت الا ذيك الدورة تكرمون الغزيرة اللي ذبحتني من الألم واستمرت للأمس، واليوم رحت وعملت الترا ساوند وماشافوا شي الظاهر نزل، والتحليل بس 2.. المهم فرحتي ماصار لها اسبوع ومامداني لا أفرح ولا أفرح حد معاي...

الدكتورة مستغربة كيف ممكن يصير هالشي إجهاض مرتين وحملي الأول كان طبيعي ولله الحمد ربي يحفظ لي ولدي ويخليه (دعوتكم له يابنات الله يحفظه ويخليه لي)..

تهقون ممكن يصير لي حمل طبيعي بعد اللي صار والحين كيف أحسب موعد تبويضي، لأن هذا الحمل يختلف عن حملي اللي قبله حيث كان إجهاض بالثالث وكنت مسوية تنظيف

بنات مابي منكم غير دعوة بإن الله يعوضني ويصبرني وماراح أنساكم من الدعاء وربي يرزقنا جميعاً...