اطرف موقف حصلك

وش دعوة مس دخلو ولا وحده مرت بموقف محرج ما شالله عالاقل اجبرو خاطري وردو ولو بكلمه

انا برد عليج

مرة كنا انا وزجي والعيال في بيت اخوه .... وكنا طالعين خلاص كل واحد بيروح بيته

زوجي قال لي شغلي السيارة وكانت سيارتنا واقفة بعيد شوي عن البيت وهو عطاني المفتاح وراح يتكلم مع اخوانه وانا قاعدة في السيارة ... لما خذيت المفتاح عشان اشغل السيارة طبعا ماكنت قاعدة بشكل صحيح عشان العباية فمسكت السيارة من طرف الباب (الباب ما كان مسكر) لما حطيت المفتاح قلت في نفسي يمكن يسكر الباب على ايدي لكن رجعت وقلت هو ما يبند الباب ... دخلت المفتاح
واذا
باب السيارة بند على ايدي

وبسرعة فتحت الباب وكان هو واقف عند الباب و لما شافني ماسكة ايدي .... مسكت ايدي وصار يضغط عليها

ولما ركب عشان نمشي صار يقول اسف اسف .... يمكن كررها عشر مرات طول الدرب وانا طبعا في البداية صرت اصيح ودموعي في عيني ... وفي البيت قال حطي ثلج وطول الليل يقول اسف


بس شنسوي لازم نتحملهم عشان احنا نحبهم

شكرايا لينا انا كان ودي اطرح ها لموضوع من زمان وانتي سبقتيني الموضوع رائع ''''''''''''''قرات في احدى الكتب دخل المعلم الفصل وكتب على السبوره الموضوع والتاريخ وناظر في الطلاب ويشوفهم كلهم يضحكون سالهم ايش فيكم ماتكلمو هددهم بان يقول للمدير مانفع وراح ابو الشباب للمدير يشتكي له ويشوف المدير كمان يضحك عصب المعلم قاله ايش فيكم انت تضحك الطلاب يضحكون انا ماني مسخره عندكم والمدير مو قادر يتكلم من الضحك وبعدين اشر على ثوبه وناظر المعلم في ثوبه ويشوف شراب زوجته معلق بثوبه من ورى ومن الخجل طلب المعلم نقل ونقل الى مدرسه ثانيه

هههههههههههههه مواقف تموت من الضحك
واشكر صاحبه الموضوع

شكرا لردك مصدر الحلا بس نبي موقف صار معك انت مع زوجك

هههههههههههههههه

الااي موضوعكم وايد حلو
اول مانخطبت(كتب الكتاب) كنت طالعه مع خطيبي وكنت وايد استحي منه
قررنا نروح البحر واحنا بالطريق الوقت كان متاخر وظلام ما شفت الا كلب وانتو بكرامه ينبح عليي
وآنه اخاف مفهيه فتخرعت وايد ومن الخوف قمت اصارخ واصيح ويودت يده واهو ميت من الضحك عليي وانه لمن هدات تفشلت الا اقول ليي ياريت مخرعنج من زمان عشان تيودين يدي

يسلمو ع الموضوع

هههههههه موقفك حلو سارونه طلع من حظ خطيبك يالله بنات وينكم ولا بس تدخلون وتقرون

انا حصل لي موقف محرج مع زوجي بيوم الزواج .. :(
بعد ما وصلنا بيتنا بنرقى الدرج ( السلـّـم ) ... كان معي بيدي اليمين المسكه وباليد اليسار شنطه فيها جوالي وبعض الاشياء المهمه ... المهم قال لي هاتي المسكه وشالها عنـّـي عشان انا ارفع عباتي واقدر ارقى الدرج .. يوم دريت مد يده لي ومديت له الشنطه <<< ما انعطى وجه احسبه بيشيلها عني خخخخخخخخ :( ... قال لي : لاااا هاتي يدك ... انا بوقتها مادري وين اروح مادري وش اسوي والله ياهي فشيـــــــــــــــله :( :(

اخخخخخخخخخخخ

ادعولي اتزوج عشان اقولكم مواقف مرة حلوة ههههههههههههههه

هههههههههههه موقفك حلو ام علي والله يرسل لك ابن الحلال اللي يستاهلك يارب ياالجوهره

اما انا عن موقفي تحفة

زوجي شرالي بعيد ميلادي قلادة ذهب فيها شذر فبعد كم يوم طاحت شذرة منهم فاخذها زوجي للصايغ صلحها و جابها و كان لافها بكلينكس و حطها على الطاولة فبعدين انا اجيت ارتب البيت قمت شلت الكلينكسة قطيتها بالزبالة

بعدين رحنا بالسيارة لمنطقة نص ساعة عنا عشان نجيب امي للبيت من صديقتها و اخذنا الزبالة بالصندوق على اساس نقطها بطريقنا بس احنا نسيناها بالصندوق لحد ما وصلنا لامي و احنا قاعدين ننتظر امي شمينا ريحة خايسة فاتذكرنا انه الزبالة بعدها بالصندوق قام زوجي طلعها و قطها بالزبالة اللي بالمنطقة اللي رايحيلها و اخذنا امي وصلناها للبيت

و تونا داخلين للبيتنا زوجي قالي كان اكو كلينكس هني وين راح قلتله قطيته قالي بكل برود هذه قلادتك انا ظليت انط من القهر قلتله الحين نروح نجيبها اول شي لانها ذكرى منه و ثاني شي و هو الاهم انه القلادة على اسم الله استغفر الله ورحنا طقينا المشوار نص ساعة لا انا فيني ضحكة و بكية و زوجي معصب
جبنا الزبالة و صعدناها للبيت و لبست كفوف وطلعتها و اثنينه معصبين و ما نحكي مع بعض و نمنا
ثاني يوم قعدنا من الصبح نبي نسكت من الضحك ما نقدر

ان شاء الله ما اكون طولت عليكم و فهمتوا الموقف

و شكرا لصاحبة الموضوع