تطهير الاطفال

هلا والله اختي
انا حالتي مثل حالتك ولدت ف الثامن وطفلي كان ضعيف وخبرونا ما يصير يطهر الحين لازم ننتظر وبالفعل انتظرنا 3 اشهر وبعدها رحنا عياده خاصه عند جراح عراقي شاطر ما شاء الله عليه وخبرنا انه احساس الطفل يزيد من الشهر الرابع فيكون تطهيره اصعب لانه يحس اكثر بالالم ولانه يتحرك اكثر ويحرك رجوله عكس الصغير فنصحنا ما نخليه يكمل الرابع بدون تطهير واخذنا عنده موعد ورحنا نطهره لما وصل 3 اشهر واسبوع او اسبوعين ما اذكر بالضبط والحمد لله رغم انه كان صغير بس كل شي تم بسلام

ما عندي فكره عن الطريقه اللي تقولي عنها بصراااحه ما فهمت قصدك بس احنا اتبعنا طريقه جديده وهي الخياطه من داخل يعني ما تبين وما تسبب لا سهر ولا التهابات ولا غيره والخيوط تطيح وحدها والحمد لله رب العالمين

نصيحتي لك روحي طهريه ليش تخليه لين يكبر اكثر وزنه مناسب الحين
والله يحفظه لك وان شاء الله يقوم بالسلامه

الوزن ماله علاقة حبيبتي اهم شي الهيموجلوبين تكون نسبته كويسه

في اطفال من اول يوم لهم في الولادة يطهرونهم وامورهم مشت تمام انصحك تروحين عيادة ثانية وتستشيرينهم

اختي انا ولدت بالثامن و كان صغير وضعيف وما رضوا الدكاترة يطهروه وقال لي ارجعي بعد ثلاثة شهور يمكن يتحمل ووزنه يزيد شوي وارجعت له وقال خلاص رح يتطهر وطهرناه تعب اول يومين وكان على طول يصارخ وبعدين بعد اسبوع عادي جدا ....بالنسبة لك انا افضل تروحي لاكثرمن دكتور وشوفي شو يقولوا وحاولي تطهريه الحين وصحيح انوا اتاخرت عليه شوي بس اعتقد ان ابنك لانه ثمان شهور بكون لسه ما يتحرك كثير وبالتالي ما في خوف وابن خالتي عملها وهو اربع سنين وكانت عااااااااااادية ما تخافي حبيبتي وخلصي نفسك من الحين افضل واحسن لابنك .........تحياتي

يعطيكم العافيه على ردودكم اذا فيكم وحده من الدمام وتعرف دكتور زين تقولي اسمه واسم المستشفى

السلام عليكم و رحمة الله تعالى و بركاته،

أختي يمكن ما عندي إجابات على كل أسألتج بس بالنسبة للحلقة .. فولدي الثاني إستخدموا له هالطريقة .. هي عبارة عن حلقة بلاستيكية تنفصل بعد كم يوم من تركيبها .. تشوفينها كل يوم تنفصل شوي شوي لين ما تنفصل بالكامل .. بس أحس آخر أيام إللي قبل لا تنفصل ظلت ملتصقة بجزء ضئيل من ولدي و حسيت إنها تضايقه و الله أعلم .. بس الصراحة نتيجتها وايد مرتبة و بيعطونج معاها كريم عن الإلتهابات .. يعني ما أحسها تخوف .. و بالتوفيق إن شاء الله

إذا تبين دكتور في البحرين أقدر أفيدج

يعطيكم الف عافيه والله يسهل على الجميع يارب :)